|
Агар мусулмонларга шунга ўхшаш иш вожиб бўлгани ва шу вожибни адо қилишга байтулмолдаги маблағ етмаётганлиги исботланса, бундай ҳолатда айни вожибни Умматнинг ўрнига давлат мусулмонларнинг мол-мулклари орқали ижро этиш билан шуғулланади. У фақат мана шу лойиҳага етарли миқдорда уларга солиқ солади. Ушбу солинган солиқни тўлаш эса бадавлат мусулмонларга фарз бўлиб қолади. Чунки Ислом вожиб бўлган сарф-харажат бадавлат кишининг ҳисобидан олиниши лозим эканлигини саҳиҳ нусуслар билан баён қилди. Шунинг учун солиқлар ҳам бадавлат кишидан олинади. Исломда бадавлат киши, деб кундалик этҳиёжидан ортиб қоладиган мулкка эга кишига айтилади.
Шунинг учун Исломда солиқ солиш учун қуйидаги икки шартга риоя қилиш лозим. Шундагина лойиҳаларни амалга оширишда фақат уларга етарли миқдорда солиқ солиш фарз бўлади:
1 - қурилиш керак бўлган лойиҳа байтулмолга яъни давлатга ва мусулмонларга вожиб бўлиши ҳамда бу вожиблик шаръий нусус орқали исботланган бўлиши шарт. Мисол учун, бошқа мавжуд бўлмаган зарурий йўл, зарурий мактаб, зарурий шифохона ёки оғир саноат заводлари қуриш каби. Чунки минтақада бундай иншоотларнинг йўқлиги Уммат учун зарардир. Бу эса Росулуллоҳ с.а.в.нинг
«لاَ ضَرَرَ وَلاَ ضِرَارَ»
«Зарар кўриш ҳам, зарар етказиш ҳам йўқ», деган ҳадисига хилофдир.
2 - бундай ишларга сарфлашга етадиган маблағ давлатнинг байтулмолида мутлақо йўқ бўлиши шарт. Мана шу икки шарт топилмаган ҳолатда, солиқ солиш мумкин эмас. Агар ишларни бошқаришга тааллуқли фақат давлатнинг вазифаси бўлган қўшимча шифохона қуриш, қўшимча йўл очиш каби талабдан ташқари лойиҳалар бўлса, бундай ҳолатда давлат байтулмолдан – агар унда маблағ бор бўлса – сарфлайди. Шунингдек, агар лойиҳани бажариш мусулмонларнинг вазифаси бўлса-ю, бунга байтулмолда ҳам маблағ бўлса, байтулмолдан сарфланади ва солиқ йиғилмайди.
Юқоридаги мазкур йўл билан ҳеч қандай қарз ва солиқларсиз қарздорликка ҳам, Умматга вожиб бўлган иқтисод ва ишлаб чиқаришни ривожлантиришга ҳам, ободонлаштириш ишларини қилиш учун ҳам етарли ечим топилади.
36-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42