АҚШ Яқин Шарқдан чиқиб кетишни хаёлига ҳам келтирмайди
АҚШ бош штаб бошқармасининг раҳбари Марк Милли Иорданиянинг Ал-Мамлака телеканалига берган интервюсида АҚШнинг Яқин Шарқ сиёсати ҳақида баёнот берди. Милли ўз интервюсида Яқин Шарқнинг АҚШ учун кўп жиҳатдан муҳим бир минтақа эканини таъкидлаб, бу минтақани асло тарк этмасликларини билдирди.
“Яқин Шарқ минтақаси билан яқин дўстлик ва шериклик муносабатларимиз бор. Бу ернинг барқарор эканлигига ишонч ҳосил қилмоғимиз лозим. Бу минтақа бутун дунё учун нефт ва энергия ресурсларининг асосий манбаидир”, деди Милли.
АҚШнинг Яқин Шарқ билан алоқаларини давом эттиражакларини таъкидлаган Милли, “АҚШнинг Яқин Шарқдан кетишини хаёлимга ҳам келтира олмайман. Бу ердаги мажбуриятимиз узоқ йиллар давом этади” дея қўшимча қилди.
Изоҳ: Американи Яқин шарқ масаласига бевосита аралашувга мажбур қилаётган нарса минтақада Исломий уйғонишнинг жадал суратда ўсиб бораётганидир. Чунки Исломий уйғониш Америка нуфузи ва манфаатларига жиддий хавф туғдиради. Бу эса, АҚШ наздида қабул қилиб бўлмайдиган ишдир. Айниқса Яқин Шарқ минтақаси оламнинг юраги ва Ислом рисолатининг булоғи бўлганлиги туфайли уйғониш даражаси ҳам тезлик билан ўсиб бормоқда.
Американинг Исломий олам минтақасидаги нуфузи қалқиб турган бир пайтда, бу уйғониш унинг манфаатларига жиддий хавф туғдириши табиийдир. Чунки Америка у ердаги нефть, энергетика ва хом ашё манбаларини ўз малайлари воситасида ёки бевосита эгаллаб олган. Маълумки, Исломий олам минтақаси ер куррасининг юраги бўлиб, нефт, газ ва бошқа сон саноқсиз ҳаётий энергияларга бойдир. Агар бу минтақа Америкага қарамликдан озод бўлса, бу манфаатлардан асар ҳам қолмайди. Шунинг учун Америка Исломий олам минтақасига зулукдек ёпишиб олган ва у ердан асло чиқиб кетиш нияти йўқлигини очиқ айтмоқда.
Шунингдек, Америка Ғарб сақофати учун ягона рақиб Ислом эканини яхши билади. Шунинг учун у анча вақтдан бери ҳақиқий рақиб сифатида Исломга қарши уришяпти. Чунки Исломнинг оёққа туриши Яқин Шарқда рўй бериши эҳтимолдан узоқ эмаслигини ва шу минтақа аҳли қўлида альтернатив тузум борлиги Америка учун кундек равшан. Шу боис Америка Исломни ҳаёт майдонига қайтишига йўл қўймаслик учун кечаю кундуз ва тинимсиз равишда ҳаракат қилиб, барча имкониятларини ишга солмоқда.
Американинг собиқ президенти Барак Обама ҳам, 2013 йил БМТ бош ассамблеясида сўзлаган нутқида Американинг бу минтақадан ҳар қандай воз кечишни рад қилиб, бундай қилиш «улкан бир бўшлиқ»қа олиб келишини сўнгра уни бошқа ҳеч қайси мамлакат тўлғаза олмаслигни таъкидлаган эди. “Америка минтақада сиёсий бўшлиқ пайдо бўлишини хоҳламайди, ҳар қандай ҳолатда ҳам Яқин Шарқни ўз ҳолига ташлаб қўймайди” деб бир неча бор такрорлаган эди Обама.
Ундан аввал кичик Жорж Буш ҳам мусулмонларнинг қўлида Америка ва Ғарбнинг Яқин Шарқдаги нуфузига чек қўйиш учун ҳаракат қилаётган стратегия борлигига ишора қилиб, «Агар улар бирор давлатни эгалласалар барча мусулмонларни ўз атрофига тўплайдилар ва минтақадаги барча режимларни улоқтириб, Испаниядан Индонезиягача чўзилган исломий империяни тиклашади» деган эди.
Мана шундан, АҚШ ўзи учун ҳаёт-мамот масаласи деб билган Халифалик давлатининг қайта тикланишидан қаттиқ хавотирга тушиб қолгани кўриниб турибди. Шундай экан, бугунги кунда мусулмонлар АҚШ бошчилигидаги Ғарб босқинчилигини Исломий олам минтақасидан қувиб чиқариш учун ўзларидан бўлган куч эгаларининг дастаги билан Халифалик давлатининг қайта тиклашга астойдил бел боғламоқлари лозим. Ана шундагина Ислом Умматини мустамлакачи Ғарб чангалидан озод қилиш ва Исломий юртлардаги Ғарб нуфузига чек қўйиш ҳамда мусулмонларни халқаро сиёсатдаги ўрнига қайтариб, халқаро позицияни эгаллаш мумкин бўлади.
Зоҳид Заргар
