Араб Амирликлари ва Баҳрайн яҳудий вужуди билан Росулуллоҳ ﷺнинг меърож маскани бўлмиш Фаластинга қарши улкан хоинлик ҳисобланган келишувни имзолашмоқда

352
0

بِسْمِ اللهِ الرَّحْمٰنِ الرَّحِيمِ

Араб Амирликлари ва Баҳрайн яҳудий вужуди билан Росулуллоҳ ﷺнинг меърож маскани бўлмиш Фаластинга қарши улкан хоинлик ҳисобланган келишувни имзолашмоқда

Улар на Аллоҳдан қўрқишди, на Росулидан ва на мўминлардан

Кеча 2020 йил 14 сентябрда «France 24» телеканалида қуйидаги хабар тарқалди: «Сешанба куни Вашингтонда Араб Амирликлари ва Баҳрайн қироллиги «Исроил» билан муносабатларни нормаллаштириш келишувини имзолаганидан сўнг, Ўрта Шарқ янги даврга киради… Оқ уйдаги имзо қўйиш маросимига АҚШ президенти Доналд Трампнинг раҳбарлик қилиши белгиланган… Ҳар икки араб давлати делегациясига ушбу икки Кўрфаз мамлакатининг ташқи ишлар вазирлари бошчилик қилади…».

Бу шуни англатадики, Араб амирликлари билан Баҳрайн бугун сешанба куни ўша қора пойтахт Вашингтонда Росулуллоҳ ﷺнинг меърож маскани бўлмиш муборак заминга хиёнат ҳисобланган келишувни имзолашади! Улар на Аллоҳдан, на Росулидан ва на мўминлардан қўрқишмоқда. Шундай қилиб, улар ўзларига ўхшаган Миср режими Кэмп-Дэвидда, Озодлик ташкилоти Ослода ва Иордания режими Водий Арабада юрган йўлдан юришди! Мусулмон юртларидаги ҳукмдорлар бу келишув имзоланишидан олдин ҳам, кейин ҳам яҳудий вужуди билан муомала қилиб келишган. Бироқ, улар бундан олдин парда ортидан муомала қилиб, муносабатларни нормаллаштиришга бироз хижолат чекишар эди. Бугун эса, улардаги бу хижолатлик йўқолиб, муносабатларни очиқ-ошкор нормаллаштириш улар учун фахрга айланиб қолди. Энди улар буни хижолатсиз, ўзларини айбдор деб билмаган ва хорликни ҳис қилмаган ҳолда очиқ бажаришмоқда. Бундай хорлик ва шармандалик уларга ҳам – ўзлари тан оладими ёки йўқми – албатта етажакдир. Зеро, ўз дини ва Умматига хиёнат қилган ҳар қандай жиноятчининг қисмати мана шудир.

سَيُصِيبُ الَّذِينَ أَجْرَمُواْ صَغَارٌ عِندَ اللّهِ وَعَذَابٌ شَدِيدٌ بِمَا كَانُواْ يَمْكُرُونَ

«Яқинда бундай жинояткорларга қилиб ўтган ҳийла-найранглари сабабли Аллоҳ ҳузурида хорлик ва қаттиқ азоб етажакдир» [Анъом 124]

Юз берган бу воқеа ҳақиқатда энг катта балолардан биридир. Чунки муносабатларни нормаллаштириш Уммат ва унинг армияси кўзи ўнгида, мусулмонлар армиялари ҳаракатга келмаган ва яҳудийларни йўқ қилиш учун ҳаммани оёққа турғизмаган бир манзарада суръат билан давом этмоқда! Бундан ташқари, келишувни очиқ имзоламаганларнинг жинояти уни имзолаганлар жиноятидан қолишмайди. Мана, Уммон яҳудийларни меҳмонга чақириб, уларга зиёфат бермоқда, Қатар яҳудийлар билан Ғазо ўртасида «холис» воситачилик қилмоқда! Икки ҳарам юртидаги Саудия режими эса, мусулмонларнинг муқаддас жойи бўлмиш Қуддусни босиб олган давлат самолётларига ўз ҳаво йўлларини очиб берди!! Туркия ҳам Фаластинни босиб олган яҳудий вужудини ҳамон тан олиб келмоқда! Ушбу воқеанинг худди ака-укалар ўртасидаги одатий ҳолдек ҳамда чегарани белгилашдаги келишмовчиликлардан нарига ўтмайдиган кичик бир масаладек юз бериши ҳақиқатдан катта балолардан биридир.

Эй мусулмонлар:

Муборак Фаластин замини ҳамда Росулуллоҳ ﷺнинг Исро ва Меърож маскани бўлмиш Қуддус мусулмонларнинг қалбидадир. Ҳатто мусулмонлар бугунги кунда оламлар Парвардигорига итоат қилишдан кўра кўпроқ мустамлакачи кофирларга итоат қилаётган ҳукмдорлар билан балоланган бўлсалар ҳам, Фаластин ва Қуддус уларникидир. У анави хоин ҳукмдорларники эмас. Зеро, Фаластинни босиб олган яҳудий вужуди билан муносабатларни нормаллаштириш бу ҳукмдорлар учун то ўзларига ваъда қилинаётган кунга рўбарў бўлгунларига қадар шармандалик ва хорлик бўлиб қолади. Фаластин эса, ушбу муборак заминни босиб олган яҳудийларга қарши олиб бориладиган жангдан кейин, мусулмонлар армиясининг такбир садолари еру-кўкка таралган кунда ўз аҳлига албатта қайтади. Бу Росулуллоҳ ﷺ башорат қилган ҳаққи-рост ваъдадир:

«لَتُقَاتِلُنَّ الْيَهُودَ فَلَتَقْتُلُنَّهُمْ، حَتَّى يَقُولَ الْحَجَرُ يَا مُسْلِمُ هَذَا يَهُودِيٌّ فَتَعَالَ فَاقْتُلْهُ»

«Сизлар яҳудийларга қарши жанг қилиб, уларни ўлдирасизлар. Ҳатто тош ҳам: эй мусулмон, мана яҳудий, кел уни ўлдир, дейди» (Муслим ривояти).

Эй мусулмонлар!

Мусулмон юртларидаги армиялар сизнинг фарзандларингиз, ака-укаларингиз ва диндошларингиз бўлиб, уларнинг орасида холислари ҳам бор. Шундай экан, уларнинг кўзларини очинг ҳамда Фаластинни анави бадбашара яҳудий вужудидан озод этишлари учун ҳақиқатни уларга кўрсатинг. Зеро, яҳудий вужуди ушбу заминни босиб олиб, у ерда фасод тарқатар экан, бу ишларни яҳудийларга қарши жанг қилиш ўрнига уларнинг хавфсизлигини ҳимоя қилган мусулмон юртларидаги ҳукмдорларнинг қўллаб-қувватлови билан амалга оширди… Агар хоин ҳукмдорлар бу вужудни қўллаб-қувватлашмаганида, у бугунги кунгача сақланиб қолмаган бўларди. Чунки мусулмонлар билан бўлган жиддий жангда уларга ҳеч ким томонидан ёрдам берилмайди.

لَن يَضُرُّوكُمْ إِلاَّ أَذًى وَإِن يُقَاتِلُوكُمْ يُوَلُّوكُمُ الأَدُبَارَ ثُمَّ لاَ يُنصَرُونَ

«Улар сизларга озор беришдан бошқа ҳеч қандай зарар етказа олмайдилар. Агар сизлар билан урушсалар, кетларига қараб қочадилар. Сўнгра уларга (ҳеч ким томонидан) ёрдам берилмайди» [Оли Имрон 111]

Яҳудийларнинг воқелиги ва аҳволи шу бўла туриб, анави ҳукмдорлар улар билан сулҳ тузишяпти. Азиз ва Ҳаким зот

وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ

«Уларни топган жойингизда ўлдирингиз ва сизларни (қувиб) чиқарган жойдан уларни ҳам қувиб чиқарингиз!» [Бақара 191]

деб айтган бўлса-ю, бу ҳукмдорлар ўз юртларидан уларни чиқариб ташлаш ўрнига, янада уларни мустаҳкамлашяпти!

قَاتَلَهُمُ اللّهُ أَنَّى يُؤْفَكُونَ

«Уларга Аллоҳнинг лаънати бўлсин, қандай адашмоқдалар-а!» [Тавба 30]

Эй мусулмонлар:

Бу ишнинг аввали нима билан тузатилган бўлса, бугун ҳам фақат ўша нарса билан тузатилади. Яъни, Аллоҳ нозил қилган шариат бошқаруви ва Аллоҳнинг душманларини титратган армия билан тузатилади. Бу эса, Пайғамбарлик минҳожи асосидаги рошид Халифаликни қайта барпо этиш билангина амалга ошади. Чунки Халифаликкина етмиш йилдан кўпроқ давр давомида покиза Фаластинни булғаб келган яҳудий вужудини илдизи билан йўқ қилади. Кейин Фаластин қайтадан Пайғамбарлик минҳожи асосидаги Халифалик давлатидаги қудратли юртга, тўлиқ Ислом диёрига айланади. Бу Аллоҳнинг изни ила албатта рўёбга чиқади ва буни қуйидаги далолати қатъий тўртта иш тасдиқлаб турибди:

Биринчи: Ислом Уммати инсонлар учун чиқарилган энг яхши Умматдир.

كُنتُمْ خَيْرَ أُمَّةٍ أُخْرِجَتْ لِلنَّاسِ

«(Эй уммати Муҳаммад), одамлар учун чиқарилган умматларнинг энг яхшиси бўлдингиз» [Оли Имрон 110]

Бундай Уммат зулмга асло тоқат қилмайди. Шунинг учун золимлар унга нима қилишидан қатъий назар, ўзининг буюклигини унутмайди, балки золимларни оёқлари билан янчиб ташлайди.

Иккинчи: Аллоҳ Таолонинг ер юзида халифа қилиш ҳақида ваъда берган.

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ

«Аллоҳ сизлардан иймон келтирган ва яхши амаллар қилган зотларни юзида халифа қилишни ваъда қилди» [Нур 55]

Шунингдек, Росулуллоҳ ﷺнинг пайғамбарлик минҳожи асосидаги Халифаликнинг қайта барпо бўлиши ҳақидаги башоратлари ҳам бор.

«ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

«Сўнг пайғамбарлик минҳожи асосидаги Халифалик бўлади». Аҳмад ривояти.

Учинчи: Росулуллоҳ ﷺнинг яҳудийларга қарши жанг қилиниб, уларнинг ўлдирилиши ҳақидаги ҳадислари.

«لَتُقَاتِلُنَّ الْيَهُودَ فَلَتَقْتُلُنَّهُمْ، حَتَّى يَقُولَ الْحَجَرُ يَا مُسْلِمُ هَذَا يَهُودِيٌّ فَتَعَالَ فَاقْتُلْهُ»

«Сизлар яҳудийларга қарши жанг қилиб, уларни ўлдирасизлар. Ҳатто тош ҳам: эй мусулмон, мана яҳудий, кел уни ўлдир, дейди». Муслим ривояти.

Тўртинчи: Аллоҳ Субҳанаҳу ва Таолонинг ваъдаси ва Росулуллоҳ ﷺнинг башоратларини рўёбга чиқариш учун фаолият олиб бораётган холис, ростгўй Ҳизб мавжуд. Ҳизб ўз аҳлини алдамайдиган, онгли етакчи бўлиб, у Умматни яхшилик сари етаклайди.

Умматда ғалаба асослари мавжуд. Уммат Аллоҳнинг изни ила Халифаликни барпо этиб, Қуддусни озод қилади ҳамда золимларни, уларнинг хўжайинлари ва тарафдорларини охиригача йўқ қилади.

وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ

«Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир» [Рум 4-5]

Ҳизб ут-Таҳрир

27 муҳаррам 1442ҳ

15 сентябр 2020м

LEAVE A REPLY

Please enter your comment!
Please enter your name here