بِسْمِ اللهِ الرَّحْمٰنِ الرَّحِيمِ
Яҳудийлар адоватига чек қўйиш ва Фаластинни озод этишга Ислом Уммати ва унинг армияларигина қодирдир
Боҳир Солиҳ. Ҳизб ут-Таҳрир – муборак Фаластин замини матбуот бўлими аъзоси
Ўтган чоршанба куни эрта тонгда босқинчи яҳудий вужуди Ғазо аҳлига қарши яна ҳужум қилди… Биринчи, Фаластиндаги Исломий Жиҳод ҳаракатининг ҳарбий қаноти бўлган Қуддус бригадалари қўмондони Баҳо Абу Ато билан унинг рафиқасига суиқасд қилди… Аллоҳ иккаласини ҳам раҳмат қилсин. Сўнг Дамашқда Акрам Ажурийга суиқасд уюштирди ва унинг ўғлини ўлдирди. Бунинг ортидан Ғазода уй-жойларни бомбардимон қилиб, вайрон қилди, ўнлаб инсонни шаҳид қилди, яна ўнлабини жароҳатлади… Фаластин қаршилик гуруҳлари отган ракеталарга жавоб сифатида, очиқ-ойдин, тинимсиз таҳдидлар қилди. Буларни араб оламию Ислом оламидаги ҳамма ҳукмдорлар кўриб-эшитиб туришди. Бу ҳам камлик қилиб, юзсизлик ва такаббурлик билан жангчи гуруҳларга Миср ҳукмдорлари орқали таҳдид муждаси юборди. Икки кун ўтиб, ҳар сафаргидек, ўт очишни тўхтатиш битимини тузишга эришилди. Ваҳоланки, унинг айни ҳужумлари 34 инсоннинг шаҳид бўлишига, 100дан ортиқ кишининг эса, ярадор бўлишига олиб келди.
Агар бу босқинчи вужудга ҳукмдорлар, айниқса, қўшни давлатлар ҳукмдорлари томонидан омонлик берилмаганди эди, шунчалик даражада жиноятлар содир этиб, Фаластин аҳлини қирғин қилишга, гуруҳларга қаттиқ босим қилиб, такаббурлик билан уларга таҳдид мактубларини жўнатишга журъат қилолмаган бўлур эди. Нега ҳам бу вужуд шу даражада ҳаддан ошмасин, ахир, у ҳукмдорларнинг фақатгина қораловчи баёнотларни бериб қўйишаётганини ёки икки томон ўртасида урушни тўхтатиш бўйича воситачилик қилишдан нарига ўтишмаётганини кўриб турган бўлса… Гўё улар бетараф давлат раҳбарларидек, туришибди! Воситачилик қилаётганлардан бошқалари эса, ё ўликлардек жим ётишибди ёки тинчланишга, ғазабни босишга ва жавоб қайтармасликка чақиришяпти!
Мусулмон юртларидаги бу арабу ажам ҳукмдорлар тутган мавқе ҳақиқатни минг бор исботлади. Ҳақиқат шуки, Фаластин ва бошқа босиб олинган юртлар бошдан кечираётган зулм ва туғёнга, хоҳ қаршилик ҳукмдорлари бўлсин, хоҳ мўътадил ҳукмдорлар бўлсин, фарқсиз, мана шу ҳукмдорлар сабабчидир.
Масалан, Эрон ҳар доимги таҳдидли баёнотларини такрорлаб, ўрнида қимирламай турибди… Яҳудийлар вужудини бир соатдаёқ ер юзидан супуриб ташлашга қодирлиги билан бир неча бор мақтанди, бироқ яна сабр косаси тугаётганини айтишдан нарига ўтмаяпти… Гўё босқинчиларнинг шунча жиноятлари Эроннинг сабр косаси тўлиб тошишига ва гапдан амалга ўтишига кифоя қилмайдигандай!
Эрдоган Туркияси эса, анави жиноятчи Трамп билан дўстона учрашув ўтказиш билан жуда банд. Чунки у билан Шомдаги гуруҳлар ва ҳужумлар борасида позицияларини мувофиқлаштириб олмоқчи. Яҳудийлар жиноятларига нисбатан эса, ҳаракат қилиш у ёқда турсин, қуруқ гаплар билан баёнот бериб қўйишга ҳам вақти етмаяпти. У бир неча кун олдин Исмоил Ҳания ва Маҳмуд Аббослар билан телефонда сўзлашиб, Фаластиндаги ҳолат ва белгиланган сайловлар борасида уларнинг кўнгилларини кўтаришга вақт топа олди.
Қонхўр Башар Асад билан Эроннинг Ливандаги Ҳизбига келсак, улар ўз одатларига мувофиқ, Шомдаги аҳлимиз бошига порохли бочкалар ёғдириш, аёллар, болалар ва қарияларни қирғин қилиш ҳамда яқинда бошланган Ливан қўзғолонига қарши тил бириктириш билан бандлар… Уларнинг яҳудийларга жавоб қайтариш ёки такаббурликларига чек қўйиш тўғрисида эса, ўйлаб кўришга ҳам вақтлари йўқ.
Миср ва Қатар ҳукмдорларига келсак, бу иккови ўзларининг таҳдид ва огоҳлантирувлари ҳамда молларию фитналари ёрдамида Ғазо аҳли ва гуруҳларга қарши тил бириктириш борасида барча давлатлардан ҳам кўпроқ машғул!
Яна бир томондан олганда, яҳудийлар агрессияси яна шуни ҳам исботладики, қаршилик ҳаракати айтилаётганидек босқинчиларга қўрқув солиши мумкин бўлса ҳам, бироқ яҳудийлар такаббурлигига чек қўйиб, уларни илдизи билан қўпориб ташлашга қаршилик ҳаракатининг ўзи етарли эмас. Чунки яҳудий вужуди қачон эҳтиёж сезди дегунча адоват жиноятларга ташаббус кўрсатиб, Ғазода қирғин, вайронагарчилик ва террор, Қуддусда оёқ ости қилиш, яҳудийлаштириш ва ўлдириш, Ғарбий соҳилда қотиллик, таҳқирлов, уй-жой қуриш ва асрга олиш каби қилмишларни содир этяпти… У ўзини шайтон васвасасига солиб қўядиган кучли реал жавоб бўлмаслигини аниқ билганлиги учун ҳам айни жиноятларни содир этяпти.
Шубҳасиз, бу босқинчи вужуд жиноятлари ва кибрига якун ясовчи реал шаръий жавоб ушбу муборак Фаластин танасига бактерия бўлиб тушган яҳудий вужудини илдизи билан олиб ташлаш билан бўлади. Бунинг учун эса, қонга-қон ва жонга-жон билан жавоб қайтарувчи ҳақиқий куч керак. Ўртача ечим тенгламаси ҳам, «тўқнашув қоидалари» асосида битим тузиш ҳам кифоя қилмайди, балки, бунинг учун яҳудий вужудини фақат ва фақат тубдан супуриб ташлаш керак.
Кети узилмаётган бу қонхўрлик ва босқинчиликни тўхтатиш учун, масалани аслига, Фаластинни реал воқелигига қайтармоқ лозим. Чунки Фаластин Ислом Уммати масаласидир. Унинг бутун аҳолиси мусулмонлардир. Фаластиннинг куч-қудрати эса, ушбу заминни озод этиш билан анави яҳудийлар ортидагиларни ҳам қувиб сола оладиган сон-саноқсиз мард исломий армиядир.
Шунинг учун албатта Ислом Уммати ва унинг армияларидан нусрат талаб қилмоқ, Пайғамбарлик минҳожи асосидаги Халифаликни барпо этиб, муборак заминни озод этиш учун уларга мурожаат қилмоқ лозим. Шунингдек, анави ҳукмдорларга ишонишни бас қилиш керак. Чунки уларнинг ҳаммаси Ғарбга дўст, Умматга эса, душмандирлар. Гарчи мустамлакачи Ғарб сценарийси бўйича уларнинг роли бир-бириникидан фарқ қилса-да, бироқ барчаси фақат битта режа бўйича қадам ташлашади. Бу – Умматнинг мустамлакачилик кишанидан халос бўлишига йўл қўймаслик режасидир.
Роя газетасининг 2019 йил 20 ноябр чоршанба кунги 261-сонидан
