Россия АҚШга “архив” нотаси юборди
Россиянинг Сан-Франсискодаги ёпиқ Рус консуллигига оид архивлар Москванинг тасдиғи бўлмаган ҳолда АҚШ тарафидан текширувдан ўтказилган. Сўнгра арҳивлар қадоқланган ҳолда махсус транспорт ширкатлари орқали Вашингтондаги бош элчихона биносига жўнатилган. Бу ҳақида Россия ташқи ишлар вазирлигининг сўзчиси Мария Захарова ҳафталик матбуот анжуманида маълум қилди. Захарованинг бидиришича, бундан норози бўлган Россия томон АҚШга дипломатик нота тақдим қилган.
“Албатта биз барча бу ҳаракатлар сабабли АҚШга дипломатик нота юбордик. Нота АҚШнинг Москвадаги элчихонасига юборилди, Бундан ташқари нотанинг бир нусхаси Вашингтонга ҳам юборилди”, деди Заҳарова.
Шунингдек, Россия Ташқи ишлар вазирлиги берган баёнотда айтилишича, АҚШ расмийлари Сан-Франсискодаги консуллик биносини эшигини бузиб кирган ва у ерда ипидан игнасигача текширув олиб борган.
Россиянинг Вашингтондаги элчиси ҳам АҚШ Сан-Франсиско консуллигидаги архивларнинг Вашингтондаги элчихона ваколатхонасига топширганлигини билдирар экан, халқаро ҳуқуқ бузилганлигини таъкидлади. Чунки, унга кўра, Россия томон архивларнинг консуллик биносидан кўчирилишига рухсат бермаган.
Америка Қўшма Штатларидаги 2016 йилги президентлик сайловларига Москванинг аралашганилиги ҳақидаги даъво икки давлат ўртасидаги алоқаларнинг таранглашувига сабаб қилиб кўрсатилган эди. Шундан сўнгра АҚШ маъмуриятининг талабига биноан Россиянинг Сан-Франсиско, Нью-Йорк ва Вашингтонда консулликлари ёпилди. АҚШ ва Россия ўзаро дипломатик миссияларни камайтириш йўлида қадамлар ташлаганлиги айтилмоқда.
