Абдуллоҳ Абдурраҳмон қаламига мансуб
Азҳар шайхи Германия парламенти олдида, Европа марказидан туриб, Ислом ва мусулмонлардан нафратланувчи Ғарбни кўнглини олишга уринди. У Исломга ундан бўлмаган ва унга зид бўлган нарсаларни ёпиштириб, қатъий шаръий аҳкомларни инкор қилди. Мана биз унинг – Ислом бошқа самовий динларни тўлдиради, насроний дини Исломнинг онасидир, жанг қилиш ва жангга тарғиб қилиш ҳақидаги оятлар бошқаларга ҳужум қилиш эмас ҳимояланиш учундир, деган сўзларини эшитдик. У очиқчасига Қуръонда муртад учун белгиланган жазо йўқ, исломий юртларда яшаб юрган муртадлар бор, уларни осиш учун дор тикилмаган, деб айтди. Кейин эса Ислом билан бошқа динлар ўртасида ҳазорат алмашинуви бор, деган нарсани таъкидлади. Гўё у бизни Америка рози бўладиган янги динга, «мўътадил ислом»га даъват қилаётгандай!!
Азҳар шайхи гўё Аллоҳ Таолонинг
وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ
«Яҳудий ва насронийлар уларнинг миллати-динига кирмагунингизча ҳаргиз сиздан рози бўлмайдилар» [Бақара 120]
деган каломини ўқимагандай бизни динимизни тарк этиб биз қабул қилмаган ва ҳаргиз қабул қилиб бўлмайдиган бошқа нарсага Европа марказидан туриб чақирмоқда! Ҳа, улар биздан фақат динимизни тарк қилиб, капитализмни тўла қабул қилганимиздагина рози бўладилар. Улар бутун дунёга ёйишга уринаётган дин мана шудир. Бутун дунёнинг бу динни қабул қилиб шу дин карвонига қўшилиши уларнинг истагидир. Биз шайхга ҳам, уларга ҳам бундай деймиз: Фақат Аллоҳнинг ҳидоятигина ҳақ, ҳидоятдир. Ислом ана шу бошқа динларга асло ўхшамайди, балки Аллоҳ Таоло
إِنَّ الدِّينَ عِنْدَ اللَّهِ الإِسْلامُ
«Албатта Аллоҳ наздида мақбул дин фақат Ислом динидир» [Оли Имрон 19]
дея хабар берганидек, Парвардигорнинг наздида Исломдан бошқа мақбул дин йўқдир.
Ислом ўзидан аввалги динлар устидан ғолибдир. Қуръон ҳам ўзидан бошқа китоблар, динлар устидан ҳукмрондир. Шунингдек у бу динлар ва китобларни тўлдирувчи эмас, балки уларда келган ҳукмларни насх қилувчидир. Биз бу китобларнинг бор бўлганига имон келтирамиз, аммо ўз йўлидан оғган динларга ҳам, нақл қилувчилар томонидан ўзгартириб юборилган китобларга ҳам имон келтирмаймиз. Балки Аллоҳга, фаришталарига, китобларига, пайғамбарларига ва охират кунига имон келтирамиз, ўша пайғамбарларга имон келтирамиз, уларнинг Аллоҳ Азза ва Жалла томонидан росул қилиб юборилганликларига ишонамиз. Ҳатто ўша пайғамбарлар тирик бўлган тақдирда ҳам Росулуллоҳ Aга эргашган бўлардилар, бундан бошқача йўл тутмасдилар. Ислом бу миллатлар ва динлар билан алоқа қилмайди, уларни тўлдирмайди, аксинча, уларга ўзгартирилган дин, деб қараб, ўша дин вакилларини Исломга киришга даъват қилади, Исломни уларга даъват ва жиҳод орқали етказади. Уларга аввал даъват етказилади, агар улар Исломни олдига тўғаноқ бўлиб, унга қарши курашишса, мусулмонлар уларга қилич билан қарши курашадилар. Чунки буни нафс-ҳаводан гапирмайдиган Росулуллоҳ A хабар берганлар:
«بُعِثْتُ بَيْنَ يَدَيِ السَّاعَةِ بِالسَّيْفِ، حَتَّى يُعْبَدَ اللهُ وَحْدَهُ لاَ شَرِيكَ لَهُ، وُجُعِلَ رِزْقِي تَحْتَ ظِلِّ رُمْحي، وَجُعِلَ الذَّلُّ وَالصَّغَارُ عَلَى مَنْ خَالَفَ أَمْرِي، وَمَنْ تَشَبَّهَ بِقَوْمٍ فَهُوَ مِنْهُمْ»
«Шериксиз ёлғиз Аллоҳга ибодат қилиниши учун қиёматга яқин қилич билан элчи қилиб юборилдим, ризқим найзам соясига (жиҳоддаги ўлжаларга) боғлиқ қилинди, амримга қарши чиқувчиларга хорлик ва шармандалик битилди. Ким бирор қавмга ўхшаб олса, у ўша қавмдандир». Демак, қилич Исломда мавжуд нарса, у одамларнинг Исломни қабул қилишларига тўсқинлик қилувчи кофирларни бошларини танасидан жудо қилиш воситасидир. Шайх ҳазратлари айтгандек жонни ҳимоя қилиш учун эмас! Агар шундай бўлмаса, у ҳолда айтсин, Аллоҳ Таолонинг қуйидаги каломи нима бўлади:
فَقَاتِلُواْ أَئِمَّةَ الْكُفْرِ إِنَّهُمْ لاَ أَيْمَانَ لَهُمْ لَعَلَّهُمْ يَنتَهُونَ
«(Бу кирдикорларидан) тўхташлари учун куфр етакчиларига қарши жанг қилингиз! Зеро, улар учун ҳеч қандай қасам йўқдир. (Яъни, улар мудом ўзлари ичган қасамларни бузаверадилар)» [Тавба 12]
يَا أَيُّهَا الَّذِينَ آمَنُواْ قَاتِلُواْ الَّذِينَ يَلُونَكُم مِّنَ الْكُفَّارِ وَلْيَجِدُواْ فِيكُمْ غِلْظَةً وَاعْلَمُواْ أَنَّ اللَّهَ مَعَ الْمُتَّقِينَ
«Эй мўминлар, ёнларингиздаги кофирларга қарши жанг қилинг ва улар сиздаги қаттиққўлликни кўрсинлар. Билингки, албатта Аллоҳ тақводорлар билан биргадир» [Тавба 123]
Шуларнинг барчаси жиҳод қилиш ва жиҳодга чорлаш ҳақидаги оятлардир. Хўш, шайх ҳазратлари айтсинчи, мудофаа деган гапни қаердан топа қолдилар?! Қуръон ва Суннатдан истинбот қилдиларми?! Ҳа, Ислом бировга ҳужум қилишга буюрмайди, аксинча буни ҳаром қилган. Бироқ Аллоҳ ва Росулига уруш қилиб, Аллоҳнинг эҳтиромли нарсаларини бузган кимсаларга эса ҳужум қилишга буюради. Афтидан, шайх ҳазратлари Умматга қарши уруш қилиб келган Германия ва бутун Европа тарихини, салибчилик урушларини ўқимаган кўринади. Американинг ўзидаги асл қизил танли аҳолини қатли ом қилганидан хабари йўққа ўхшайди. Ҳа шундай, Ислом бизга жонни мудофаа қилишга буюрди. Бироқ, жонни ҳимоя қилишдан олдин Исломни даъват ва жиҳод орқали етказишга буюрди, жиҳод Исломни бутун дунёга етказиш тариқати қилиб белгиланди. Саҳоба Gлар ҳам шундай тушундилар ва амал қилдилар-да, ер юзининг турли минтақаларини фатҳ қилишга киришдилар… Агар шундай бўлмаса, у ҳолда, шайх ҳазратлари айтсинлар, Ислом Миср, Шом, Туркия каби юртларга қандай кириб борди. У ерлар Ислом салтанатига қандай бўйин эгдирилди?! Ҳа, қилич ва жиҳод, иккаласи одамларни мажбур қилмаган ҳолда уларга Исломни етказиш воситасидир. Исломни қилич ва жиҳод билан етказишнинг маъноси, одамларнинг Исломни қабул қилишларига тўсқинлик қилувчи золим, зўравон ҳукмдорлару кофирларни йўқ қилишдир.
Энди шайхнинг муртадларни жазолаш Қуръонда йўқ, деган гапига келсак, ҳазрат суннат ваҳининг бир қисми эканини билмайдиган кўринади. Набий Aнинг
«إِنِّي أُوتِيْتُ الْقُرْآنَ وَمِثْلَهُ مَعَهُ»
«Менга Қуръон ва худди унга ўхшаши берилди», деган сўзлари ҳам,
«مَنْ بَدَّلَ دِينَهُ فَاقْتُلُوهُ»
«Ким динини алмаштирса, уни ўлдиринглар», деган сўзлари ҳам у кишига етиб бормаган шекилли!! Ислом нусусида муртадга жазо бериш айтилган. Бу жазони қай тарзда татбиқ этилиши ҳам шариатда белгилаб баён қилиб берилган. Булар мавжуд ва барқарор ҳукмлар бўлиб, уларни – шайх ҳазратлари куфр аҳлини кўнглини олиш учун қилгани каби – асло инкор этиб бўлмайди.
Ислом билан бошқа динлар ўртасида ҳазорат алмашинуви бор деган гапига келсак, буни қандай қабул қилишимиз мумкин, қандай қилиб биз «Аллоҳ учтанинг биридир», деювчи, Аллоҳга хотинлик ва ўғиллик нисбатини берувчи динлар билан ақида ва фикрда ҳамфикр бўлишимиз мумкин. «Аллоҳнинг қўллари боғланган (бахил)», дегувчи кимсалар билан ҳамфикр бўламизми. Бундай деган кимсаларга лаънат бўлсин ва уларнинг ўзларининг қўллари боғланиб қолсин?!!
Шайх ҳазратлари, биз сизни динни ҳаётдан ажратишга чақирувчи Ғарб маърифати назарияси ўрнига, ўзингиз ўрганган ва таълим олган Қуръону Суннатга қайта мурожаат қилишга даъват қиламиз. Бас, ғарблик назариячилардан бўлманг, уларга ўхшаманг, боболарингиз каби бўлинг. Яъни Азҳарнинг Изз ибн Адбуссалом роҳимаҳуллоҳ, Муҳаммад Хузар Ҳусайн роҳимаҳуллоҳ сингари буюк шайхларидан бўлинг. Ғарблик назариячиларга бўлган даъватингиз фақат Ислом даъвати бўлсин, бошқа ботил фикрлар бўлмасин. Аллоҳ истаган уламолардан бўлинг. Зеро, Аллоҳ уламолар билан Ўзи нозил қилган ҳужжат-далиллар ва ҳидоятни етказишлари ва уни яширмасликлари асосида аҳдлашган. Билиб қўйинг, сиз рози қилишга уринаётган Ғарб агарда сизда Исломдан бир озгина нарса бор экан, ҳаргиз сиздан рози бўлмайди. Сиздан олдинги Ғарб маърифати назариясига мойил бўлган ҳамкасбларингиз ҳоли сизга ибрат намуна бўлсин. Ҳаммасидан ҳам аввало, ҳаргиз Аллоҳга беҳожат бўлманг, Аллоҳ Ўз ишида ғолибдир ва Ғарб маърифати назариясига мойил кимсалар истамасаларда, албатта Ўз калимасини олий қилажакдир.
يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ
«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
Роя газетасининг 2016 йил 23 март чоршанба кунги 70-сонидан
