Рус ахборот воситаларига йўлланган баёнот: «Халифалик сизлар даъво қилаётгандек эмас»

Рус ахборот воситаларига йўлланган баёнот: «Халифалик сизлар даъво қилаётгандек эмас»

2014 йил 29 июндан бошлаб, «ИШИД» ташкилоти «халифалик қурилганини»ни эълон қилганидан кейин бутун дунёдаги ахборот воситалари бу ҳодисага ва Халифалик мавзусига мисли кўрилмаган аҳамият бера бошлади. Рус ахборот воситаларида ҳам бу мавзу тилга олинмасдан қолмади.

Масалан интернетдаги русча сайтларда «Россия янги Халифаликнинг асосий душмани» ва «Халифалик 2» деган ва бошқа сарлавҳалар пайдо бўлди. Қарийб барча газеталар, барча телеканаллар ва барча ахборот агентликлари Исломий давлат мавзусида баҳс қилишни ўзининг вазифаси деб билди.

Кўпгина мақолалар ва ҳисоботлардаги барча асосий фикрлар қуйидаги нуқталар атрофида айланди:

• Халифалик – қолоқлик ҳукм сурган ўрта асрлардаги давлатдир, унинг асосий белгиси қаттиққўл жиноий жазо чораларидан иборат ва давлат султони демократияга зид бўлган ёмон структура асосига қурилади.
• Халифалик 1924 йилда бекор қилинганидан кейин уни қайта тиклаш учун бўлган барча уринишлар фақат зўравонликни бунга эришиш йўли қилиб танлаган жиҳодий ҳаракатлардангина иборат бўлди.

1953 йилда таъсис этилган Ҳизб ут-Таҳрир ўша вақтдан бери Халифаликка даъват қилиб келди ва ҳамон даъват қилмоқда. Ҳизб Халифаликни тиклаш ва унга қандай ҳаракат қилиш кераклигини аниқ, батафсил шарҳлаб берадиган кўплаб нашрларни чиқарган. Ахборот воситаларида Халифалик давлати лойиҳаси ҳақида адаштирувчи ёлғон фикрлар кенг тарқатилгани, жумладан «ИШИД» ташкилотининг шу мақсадга хизмат қиладиган баёнотлари ва ишлари ҳақида гап-сўзлар кенг тарқалгани сабабли биз қуйидаги изоҳларни берамиз:

1 –  «ИШИД» ташкилотининг халифалик тиклангани ҳақидаги эълони ҳеч қандай шаръий асосга таянмаган.  Бу ташкилот бир ҳарбий ташкилотдир, холос. Шунга биноан демак Абу Бакр Бағдодий шу ташкилот етакчисидир, холос, яъни у мусулмонлар халифаси эмас. Зеро давлат таянчларининг йўқлиги, жумладан ички ва ташқи таҳдидларга қарши тинчлик ва хавфсизликни таъминловчи омилларнинг йўқлиги Халифалик давлатининг тикланишига олиб келмайди.

2 –  Набий Муҳаммад A тариқати Исломий Халифалик давлатини тиклаш тариқатидир. Чунки Пайғамбаримиз A йирик араб қабилаларини 10 йил давомида Исломни қабул қилишга ва унинг ҳукмларини татбиқ этишга даъват қилдилар. Пайғамбаримиз бу даъватни Аллоҳ у кишига Мадина аҳлини муҳайё қилиб, улар у кишининг даъватини қабул қилгунларига қадар давом эттирдилар.  Ҳизб ут-Таҳрир мана шу тариқатни табанний қилган ва Халифаликни тиклаш учун ярим асрдан кўпроқ вақтдан бери бўлаётган сиёсий фаолиятга шу тариқат асосида етакчилик қилиб келмоқда. Ҳизб бу лойиҳага тааллуқли барча масалаларни одамларга ёритиб бермоқда.

3 –  Халифалик низоми – Ислом асосига қурилган сиёсий низомдир. У шу хилдаги ягона, тенгсиз низомдир. Халифалик тарихи Исломдаги бошқарув низоми нақадар яроқли эканини аниқ кўрсатиб турибди. Бу тарих шунингдек бу низомнинг бугунги мавжуд барча низомлардан устун эканини ҳам аниқ кўрсатиб турибди.

Халифалик давлати баъзи рус ахборот воситалари тасвирлашга уринганидек одамларни қўрқувга солиш ва репрессия қилиш учун келган низом эмас. Аксинча Халифалик давлати бутун башарият учун нозил қилинган Исломни татбиқ этадиган давлатдир. Ислом бутун башарият учун нозил қилинган. Чунки Ислом инсон фитратига мувофиқ келади. Исломнинг мусулмонларга, яҳудийларга ва насронийларга яқинлигининг сабаби мана шу. Бизнинг бу гапимиз ҳеч бир далил бўлмаган бир қуруқ баландпарвоз гап эмас. Аксинча у ҳамма одамларга яхши маълум фактларга асосланган. Чунки Исломий Халифаликнинг узун тарихи исломий низомнинг татбиқ этилиши давлат ва жамиятнинг асосий қоидаларини аъло тарзда ҳимоя қилажагини исботлаб турибди. Буни эса биз бугун «демократия давлатлари» деган давлатларда ёки Россияда асло тополмаймиз. Аксинча биз бу давлатларда жамиятнинг тез тубанлашиб бораётганини кўриб турибмиз, давлатнинг одамларни ахлоқсиз демократия қийматларининг кенг тарқалиб боришидан ҳимоя қилишга қудрати етмаётганига гувоҳ бўлиб турибмиз.

4 –  Бутун башарият бугун ички зиддиятлар бурдалаб ташлаётган демократия ва «ҳуқуқ ва эркинликлар» деган нарсага ибодат қилишни ҳимоя қилиш Ғарб жамиятларининг охир-оқибат жуда оғир тубанлик босқичига олиб келди. Чунки демократия ҳатто оиланинг асосий қийматларини ҳам емириб ташлади. Буларнинг барчаси қийматлар системасининг ўзи ҳам фасод эканлиги сабабли юз бермоқда. Чунки бу қийматларни башарий ҳавойи хоҳишлар жорий қилган. Шунинг учун мусулмонларнинг бундай давлатда, яъни Халифалик давлатида яшашни исташлари табиийдир. Чунки бу давлат ўз фуқароларига ғамхўрлик қилишга тўла асосланадиган одил давлатдир. Бу Халифалик давлати ҳақиқий инсоний қийматларни  – улар жамиятда татбиқ этилиши учун – қайта тиклайди. Ҳақиқатда одамлар «кучли заифни ейдиган» ва ишлар ўлчови моддий манфаат бўлган жамиятда яшашдан жуда чарчашди.

Ҳизб ут-Таҳрир сиёсий ҳизб бўлиб, унинг мабдаси Исломдир. Ҳизб Исломни ёйишга ва унинг ҳукмларини татбиқ этишга ҳаракат қилмоқда. Чунки Исломда қийматлар системасини одамлар жорий қилмайди, аксинча уларни Холиқ Субҳанаҳу ва Таоло нозил қилгандир. Ҳизб ут-Таҳрир Халифалик давлатини тиклаб исломий юртларни Ислом бағрига қайтаришга ҳаракат қилмоқда ва Ғарб жамиятларига Исломнинг исбот талаб қилмас ҳақиқатларига оид чуқур тушунчани тақдим қилмоқда.

Пайғамбаримиз Муҳаммад A бундай дедилар:

«مَثَلُ الْقَائِمِ عَلَى حُدُودِ اللهِ وَالْوَاقِعِ فِيهَا كَمَثَلِ قَوْمٍ اسْتَهَمُوا عَلَى سَفِينَةٍ فَأَصَابَ بَعْضُهُمْ أَعْلاَهَا وَبَعْضُهُمْ أَسْفَلَهَا، فَكَانَ الَّذِينَ فِي أَسْفَلِهَا إِذَا اسْتَقَوْا مِنْ الْمَاءِ مَرُّوا عَلَى مَنْ فَوْقَهُمْ فَقَالُوا: لَوْ أَنَّا خَرَقْنَا فِي نَصِيبِنَا خَرْقًا وَلَمْ نُؤْذِ مَنْ فَوْقَنَا، فَإِنْ يَتْرُكُوهُمْ وَمَا أَرَادُوا هَلَكُوا جَمِيعًا وَإِنْ أَخَذُوا عَلَى أَيْدِيهِمْ نَجَوْا وَنَجَوْا جَمِيعًا»

«Аллоҳнинг қонунларига риоя қиладиган инсон билан уларга амал қилмайдиган киши кемада ҳамроҳ бўлган бир гуруҳ одамларга ўхшайдилар, баъзилари кеманинг юқори қисмидан, баъзилари эса қуйи қисмидан жой олдилар. Кеманинг қуйидан жой олганлар сув ичмоқчи бўлсалар, юқоридагиларни босиб ўтар эдилар. Шунда улар юқоридагиларни безовта қилмай, шу ердан тешиб ола қолсакчи, деб қолдилар… Кемадаги ҳамроҳлар уларни ўз ҳолига қўйсалар, барча ҳалок бўлади. Агар уларни қўлидан тутиб тўхтатиб қўя олсалар, ўзлари ҳам, кемадаги ҳамроҳларнинг барчаси ҳам нажот топади». (Бу ҳадисни Бухорий ривоят қилди).

Ҳизб ут-Таҳрирнинг

Россиядаги матбуот бўлими

Ҳизб ут-Таҳрирнинг Россиядаги матбуот бўлими: www.hizb-russia.info

Электрон почта: mediaoffice.htr@gmail.com