|
5. Ар-Рашид Ҳорун ибн ал-Маҳдий
170-193 ҳижрий, 786-809 милодий йилларда халифалик қилган.
Аббосий халифалар ичида энг машҳурларидан бири бўлган.
Ғарбий вилоятларга ҳоким бўлган замонидаёқ византияликларга қарши жанг олиб борган. Қустантиния дарвозаларигача етиб борган.
Форс вилоятларида тинчлик ўрнатган.
Шимолий Африкага Ағлабийларни волий қилган.
Унинг замонида савдо, адабиёт, илм-фан гуллаб-яшнаган.
179 ҳижрий, 795 милодий йилда имом Молик ибн Анас вафот этганлар.
6. Ал-Амин ибн Ҳорун ар-Рашид
193-198 ҳижрий, 809-813 милодий йилларда халифалик қилган.
7. Ал-Маҳмун Абдуллоҳ ибн Ҳорун ар-Рашид
198-218 ҳижрий, 813-833 милодий йилларда халифалик қилган.
Аббосий халифаларнинг йирикларидан бири.
Адабиёт ва илм-фанга қаттиқ эътибор берган. Бағдодда Байтул-ҳикмага асос солган. Унинг замонида таржима, ривоят илмлари ва фикрий-илмий ҳаракатлар гуллаб-яшнаган.
Мўътазилаларга ёрдам берган. Қуръонни махлуқ дейишликда одамларни имтиҳон қилган. Бу имтиҳон «меҳнат» деб аталган.
204 ҳижрий, 820 милодий йили имом Шофиий вафот этганлар.
8. Ал-Муҳтасим биллаҳ Муҳаммад ибн Ҳорун ар-Рашид
218-227 ҳижрий, 833-842 милодий йилларда халифалик қилган.
Турк қўшинларидан ёрдам сўраган. Унинг қўмондони Афшин Озарбайжонда Бобак қўзғолонига барҳам берган.
Византияликларни мағлубиятга учратган.
838 йили Амурия (Кичик Осиёдаги Византия шаҳри)ни фатҳ қилган. Сомаррони қурган.
Мўътазилаларга ёрдам берган. Қуръонни махлуқ деб одамларни имтиҳон қилишда акаси Маъмун бошлаган ишни давом эттирган.
9. Ал-Восиқ биллаҳ Ҳорун ибн ал-Муҳтасим
227-232 ҳижрий, 842-847 милодий йилларда халифалик қилган.
Мутакаллимларнинг ихтилофлари билан шуғулланган. Мўътазилаларга ёрдам берган. Қуръонни махлуқ дейишликда одамларни имтиҳон қилган.
10. Ал-Мутаваккил алаллоҳ Жаҳфар ибн ал-Муҳтасим
232-247 ҳижрий, 847-861 милодий йилларда халифалик қилган.
Аҳли сунна вал-жамоани яхши кўрган ва мўътазилаларга қарши курашган. Одамлардан Қуръонни махлуқ деб имтиҳон қилишни олиб ташлаган.
241 ҳижрий, 855 милодий йили имом Аҳмад ибн Ҳанбал вафот этганлар.
11. Ал-Мунтасир биллаҳ Муҳаммад ибн ал-Мутаваккил
247-248 ҳижрий, 861-862 милодий йилларда халифалик қилган.
22-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30