|
Аббосий халифалар
Аббосийлар халифалиги 132-656 ҳижрий, 750-1258 милодий йилларда бўлиб ўтган.
1. Ас-Саффоҳ Абул Аббос Абдуллоҳ
Биринчи Аббосий халифа. 132-136 ҳижрий, 750-754 милодий йилларда халифалик қилган.
748 милодий йили акаси Иброҳимнинг вафотидан сўнг Умавийларга қарши қўзғолонга раҳбарлик қилган.
Кўфа масжидида унга халифаликка байъат қилинган.
Зоб жангида Марвон II устидан ғалаба қозонган.
2. Ал-Мансур Абу Жаҳфар Абдуллоҳ
136-158 ҳижрий, 754-775 милодий йилларда халифалик қилган. Ас-Саффоҳнинг укаси.
Алавийларни бўйсундирган. Мадинада Муҳаммад Нафс Закиянинг қўзғолонига барҳам берган. Кўфада Муҳаммаднинг акаси Иброҳимнинг қўзғолонига барҳам берган. Эронда Муқаннаъ фитнасини бостирган.
Давлатни идора қилишни, молиявий ишларни, почта алоқаларини тартибга солган.
145 ҳижрий, 762 милодий йили Бағдодга асос солган. Бағдодни халифалик пойтахтига айлантирган. Бағдод университетини қурган.
Ҳажга эҳром боғлаган ҳолатда вафот этган.
150 ҳижрий, 767 милодий йилда имом Абу Ҳанифа вафот этганлар.
3. Ал-Маҳдий Муҳаммад ибн ал-Мансур
158-169 ҳижрий, 775-785 милодий йилларда халифалик қилган.
Византияликларга қарши жанглар олиб бориши билан машҳур бўлган.
Умумий йўлларни қурган. Почта ишларини гўзал суратга келтирган. Унинг замонида савдо-сотиқ гуллаб-яшнаган.
168 ҳижрий, 783 милодий йилда византияликлар мусулмонлар билан сулҳ тузишган ва жизя тўлашган.
4. Ал-Ҳодий Мусо ибн ал-Маҳдий
169-170 ҳижрий, 785-786 милодий йилларда халифалик қилган.
21-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30