بِسْمِ اللهِ الرَّحْمٰنِ الرَّحِيمِ
Миллатчилик мусулмонларни бўлинишга чақиради ва душманлари олдида заифлаштиради
Ҳизб ут-Таҳрир – Покистон вилояти матбуот бўлими баёнот нашр қилди. Баёнотда Афғонистон билан Покистон мусулмонлари ўртасида нафрат оловини ёқишдан огоҳлантирилди. Куни кеча, икки юрт ўртасида крикет бўйича гуруҳлар беллашуви бўлиб ўтган эди. Ўйин ортидан эса, вазият Покистонда яшаётган афғонистонлик муҳожирларни ҳайдаб чиқарилишини талаб қилиш даражасига етди.
Баёнотда яна ушбулар таъкидланди:
«Мусулмонлар душманлари билан иттифоқ тузиш орқали бундай манфур нафрат оловини ёқаётганлар ҳукмдорлардир. Бир тарафдан покистонлик ҳукмдорлар салибчи Америкага иттифоқчи бўлиб, унинг Афғонистондаги урушига ёрдам беришаётган бўлса, иккинчи томондан, афғонистонлик ҳукмдорлар мушрик Ҳиндистон билан иттифоқчилик қилишяпти. Ўз навбатида, бу муборак Хуросон ўлкасидан ҳинду разведкачиларининг фойдаланишларига олиб келди. Яъни, бу мушрик жосуслар қуролланган гуруҳларни Балужистон ва Қабилалар минтақасидаги Покистон армиясига ҳужумлар уюштиришга гижгижлашяпти.
Чегара минтақаларидаги пуштун қабилаларининг мард жангарилари билан Покистоннинг арслон кучлари ўртасидаги исломий қардошлик куни кеча қанчалар мустаҳкам эди?! Ахир, мана шу қардошлик билан босқинчи Совет жангчиларини қувиб солиб, қайтиб келишга журъат қилолмайдиган қилинмаганми?!».
Баёнот сўнггида Покистондаги мусулмонларга бундай мурожаат қилинди:
«Покистон ҳукмдорлари ҳинду давлати билан муносабатларни нормаллаштириш орқали қайноқ алоқалар ўрнатишяпти ва бир пайтнинг ўзида, Покистон мусулмонлари билан Афғонистон мусулмонлари ўртасида миллатчилик низоси келиб чиқишига сабабчи бўлишяпти. Шунинг учун, келинг биргаликда бу низога қарши чиқайлик. Чунки бу бизни бўлинишимизга ва ҳақиқий душманларимиз қаршисида заифлашишимизга сабаб бўлади. Росулуллоҳ ﷺ бундай деганлар:
«لَيْسَ مِنَّا مَنْ دَعَا إِلَى عَصَبِيَّةٍ وَلَيْسَ مِنَّا مَنْ قَاتَلَ عَلَى عَصَبِيَّةٍ وَلَيْسَ مِنَّا مَنْ مَاتَ عَلَى عَصَبِيَّةٍ»
«Кимда-ким миллатчиликка чақирса, биздан эмас, кимда-ким миллатчилик асосида жанг қилса, биздан эмас, кимда-ким миллатчилик асосида жанг қилиб ўлса, биздан эмас». (Абу Довуд ривояти). Келинг, биргаликда Пайғамбарлик минҳожи асосидаги Халифалик давлатини барпо қилишга жиддий ҳаракат қилайлик. Чунки ушбу давлат Умматни душманга қарши битта давлатда ва битта сафда бирлаштириш билан барчамизни фитна оловида куйишдан сақлайди».
Роя газетасининг 2019 йил 17 июл чоршанба кунги 243-сонидан
