АҚШ томонидан чизилган янги Сурия харитаси
АҚШ Сурия учун янги харита ҳозирлагани айтилмоқда. Янги харитага кўра, Суриянининг шимолидаги уч минтақа ва олти вилоят террорчи ташкилот ҳисобланган ПКК (Курд ишчилар партияси)нинг Суриядаги қанотига берилади. АҚШ Мудофаа вазирлиги Пентагон тарафидан чизилган харитада Турк армияси ва Сурия озод қўшини ҳамкорлигида “Фурот қалқони” операциялари остида ИШИДдан озод қилган минтақалар Туркиянинг ашаддий душмани ҳисобланган ПККга нисбат берилиши диққатга сазовордир. Бу билан Пентагон ПЙДга сўнгги икки ой давомида 1100дан ортиқ юк машинасида ҳарбий анжомлар юборишидан мақсадини ошкор қилган бўлди.
Хабарларда айтилишича, АҚШ ва ПЙД вакиллари ўртасида амалга оширилган учрашув пайтида ПЙД давлатининг чегаралари белгиланган. АҚШ тарафидан тузилган режани амалга ошириш учун ҳаётий аҳамиятга эга унинг яна бир мақсади мавжуд. У мухолифат қўлидаги Идлибни қўлга киритишдир. Чунки Африн-Кобани виоятларини бирлаштиришни кўзда тутган режага биноан Оқденгизга эришиши учун Идлибни ҳам эгаллаши керак бўлади. Шунга кўра, ИШИД баҳонасида Сурия шимолини ПЙДга топширган Пентагон Идлибни ҳам босиб олиб ПЙДга бериш учун ҳаракатини тезлаштирди.
Туркистон:
АҚШнинг бу ҳаракатлари Эрдуғоннинг юзига туширилган тарсакидир. Чунки у Сурия масаласида АҚШнинг чизган чизиғидан чиқмай хизмат қилди. Ўзига тобе мухолиф гуруҳларни Фурот қалқони амалиётига тортиш орқали Ҳалабнинг қулашига катта ҳисса қўшди. Агар Туркия ҳукуматининг катта хиёнати бўлмаганда эди, АҚШнинг ҳам, Россиянинг ҳам қўлидан ҳеч нарса келмас эди. Буни АҚШ дипломатларининг ўзлари ҳам бир неча бор тан олишди.
Шундай бўлишига қарамай, Туркиянинг АҚШ-ПЙД ҳамкорлигига қаршилиги умуман инобатга олинмади. Жаноб Эрдоған АҚШга қилган сафарида бу масала ҳақида Доналд Трамп билан гаплашишини ва унга яхшилаб тушунтиришини айтган эди. Бироқ Трамп бу ҳақида оғиз очишга ҳам изн бермади.
АҚШ Туркиянинг душмани билан ҳамкорлик қилиш орқали гўё Туркия ҳукуматига “Тўғри, сиз бизнинг ҳамкоримизсиз. Аммо бизнинг матфаатимиз турганда йўлни бўшатиб қўйишга мажбурсиз. Бизнинг манфаатларимиз ҳамкорлигимиздан устундир”, демоқчи бўляпти.
Шунинг учун Эрдоған ҳукуматининг олдида турган энг тўғри йўл АҚШ билан ҳамкорлик қилишни рад этиш ва ўзиниг мусулмон халқи билан бирга бўлиб, уарга ишонишдан иборатдир. Агар Эрдоған куфр билан ҳамкорликни улоқтириб, Ислом аҳкомларини маҳкам тутса, бутун Туркия халқи, қолаверса барча Исломий ўлкалардаги мусулмонлар унинг орқасида туради. Бу 2016 йил 15 июлда ўз исботини топди. Ўша пайтда Эрдуғон биргина телефон орқали мусулмонларни кўчаларга чиқишга даъват қилиши биланоқ бутун инсонлар ёпирилиб чиқишди. Ҳатто уларни ўлим ҳам қайтара олмади. Гарчи Туркия ҳукумати уларнинг кўчаларга чиқишини “демократия учун чиқишди”, деб таъвил қилган бўлса ҳам, аслида улар фақат Ислом учунгина кўчаларга чиқишганлиги кўз юмиб бўлмайдиган ҳақиқатдир. Бу эса, уларнинг фақат Исломий шиорларни баралла ҳайқирганликларидан ҳам яққол аён бўлди.
