ИИВ ўз адашишида давом этмоқда
Пойтахт милициясининг хабар қилишича, Бишкек шаҳрида беш дона қўлбола портловчи мослама экстремист билан қўлга олинган.
Хабарга кўра, МХДҚ ва милиция ходимлари 29 ноябр куни тезкор-қидирув амалиёти доирасида Жалолобод вилоятида туғилган 31 ёшли фуқаронинг хонадонида тинтув ўтказишган. Маълум қилинишича, бу шахс мамлакатда тақиқланган диний экстремистик ташкилотнинг фаол аъзоси бўлган.
Тинтув чоғида унинг уйидан зарур қисмлар билан таъминланган, зарар етказувчи жисмлар билан тўлдирилган, детанаторсиз беш дона қўлбола портловчи мослама топилган. Шунингдек, электрон қурилма ва диний-экстремистик ташкилотнинг китоблари қўлга киритилган.
Хабарда таъкидланишича, қўлга олинган шахснинг онаси ва акаси экстремистик фаолияти учун аввалроқ қамоққа олинган ва жазо муддатини ўташмоқда.
Туркистон:
Сўнгги вақтларда Қирғизистон куч органлари исломий жамоаларни, хусусан Ҳизб ут-Таҳрирни ёмон отлиқ қилиш, исломий жамоалар билан Уммат ўртасида бўлиниш пайдо қилишга бўлган ҳаракатларини кучайтириб боришмоқда. Ўз мақсадларига эришиш йўлида очиқчасига найранг ишлатиш, туҳмат ва бўҳтон қилиш йўлига ўтиб олишди.
Куч органлари куни кеча ўтказган навбатдаги тинтув тадбирида ҳам қўлбола портловчи мосламалар билан бирга экстремистик мазмундаги китоблар топилганини иддао қилиб, топилган нарсалар орасига Ҳизб ут-Таҳрирнининг китобини тиқиштириб қўйишипти. Телевиденя орқали кўрсатилган лавҳада эса 2009 йилда чоп қилинган “Ал- Ваъй” журналини катта планда намойиш қилинди.
Маълумки, ўтган ҳафтада ИИВ Ўш шаҳрида туғилган аёлни “ИШИД” сафига қўшилиш мақсадида учиб кетаётган вақтда қўлга олингани, унинг ёнидан “ИШИД” ташкилотига тарғиб қилувчи бир қанча материаллар ва рамзлар топилгани, шунингдек, аёлнининг ўзи эса Ҳизб ут-Таҳрир аъзоси эканлиги ҳақида ҳеч уялмай хабар тарқатган бўлса, ундан олдинроқ МХДҚ Ҳизб ут-Таҳрир ўз услубини ўзгартирганини иддао қилиб чиққан эди. Уларнинг мақсадлари қаднай қилиб бўлса ҳам, Ҳизбни қуролли ҳаракатлар билан бир сафда қилиб кўрсатишдан иборат.
Ҳукумат Ҳизб ут-Таҳрирга қарши сиёсий кураш бошлади. Аммо бу курашда ўзининг мабдаий ва фикрий жиҳатдан заиф эканлигини билганлиги сабабли курашни бўҳтон ва туҳмат асосига қурмоқда. Аммо уларнинг олиб бораётган ишлари ёпишмаган ямоқ каби бўлиб чиқмоқда. Улар ҳатто туҳмат ва бўҳтон қилишда ҳам ўзларини нақадар уқувсиз ва нодон эканликларини намойиш қилишмоқда. ОАВ эса ёмон отлиқ қилиш кампаниясига қўшилиш билан уларнинг гуноҳларига шерик бўлишмоқда.
Ҳизб ут-Таҳрир сиёсий ҳизб бўлиб унинг мабдаси Исломдир. Ҳизб ўз фикрати бўйича Уммат билан бирга ва у орқали Пайғамбарлик минҳожи асосидаги иккинчи рошид Халифаликни тиклаб исломий ҳаётни қайта бошлаш учун фаолият олиб бормоқда. Ҳизб ўз ғоясига етиш учун Росулуллоҳ соллаллоҳу алайҳи ва салламнинг тариқатини тутади. У одамларга фикрий етакчилик қилади ва Уммат манфаатларини Ислом асосида табанний қилади, ҳокимларни ўзгартириш учун сиёсий ва фикрий кураш олиб боради. Ҳизб ут-Таҳрир 60 йилдан бери исломий оламнинг кўплаб давлатларида фаолият юргизиб келмоқда. У фақат ҳақ сўзни айтади, ёлғонларни рад этади, бўлмағур хомхаёлларни ишончли тарзда йўқ қилади. Ҳизб Аллоҳга даъват қилади, бунда моддий куч қўллашга ўтмайди. Шунинг учун Ҳизбнинг ҳеч қандай қуролли қаноти йўқ ва бунинг аксини исботлайдиган ҳеч қандай ҳодиса ҳам йўқ.
Инкор этиб бўлмас далиллар мавжуд бўлишига қарамай расмий ҳукумат Россия кўрсатмаси ва йўл-йўриғи остида Ҳизб ут-Таҳрирга қарши уни ёмон отлиқ қилиш курашларини давом эттирмоқда. Биз уларнинг бу ҳаракатларига жавобан айтадиган сўзимиз Росулуллоҳ соллаллоҳу алайҳи ва салламнинг:
“Уялмасанг хоҳлаган ишингни қилавер” – деган ҳадиси шарифларидир.
