Гулан: Мен Ғарб хизматидаман, мени Туркияга топширманг
Туркиядаги давлат тўртариши ташаббусида асосий айбдор сифатида кўрилаётган Фатҳуллоҳ Гулан АҚШ ҳукуматидан ўзини Туркияга топширмаслигини сўради. У ўз номидан АҚШнинг Ню-Йорк Таймес газетасига ёзган мақоласида “Ғарблик демократларга мўътадил, (яъни демократияни ёқловчи) мусулмонлар зарур бўлган бир пайтда мен ва “хизмат” ҳаракати сафидаги биродарларим Ғарб тарафга ўтдик”, дея Обама маъмуриятига хабар берди.
Гулан давлат тўнтаришига уринган кишилар билан алоқаси борлигини инкор қилар экан, ўзининг Туркияга қайтарилиши билан боғлиқ “Эрдоганнинг орзусини тушиниш мумкин, аммо Америка бунга қаршилик кўрсатиши керак”, дея АҚШ ҳукуматига мурожаат қилди.
Шунингдек Гулан мақоласида Халкаро Амнистия ташкилотининг Туркияда маҳбуслар қийноққа солинаётгани ҳақидаги даъвосига эътибор каратар экан, бу ҳолат ўзининг Туркияга қайтарилмаслиги зарурлигига сабаб бўла олишини таъкидлайди. (Манба: Ал-Жазира ахборот агентлиги).
Бундан бироз аввал ВВС турк хизматига интервью берган Фатҳуллоҳ Гулан “Мени Туркияга қайтариб беради деб ўйламайман”, “Аммо топширсалар ҳам, мен учун фарқи йўқ. Инсон хоҳ ўз ётоғида ўлсин, хоҳ зиндонда ўлсин, нима фарқи бор”, деган эди.
Туркистон:
Фатҳуллоҳ Гулан ҳақида қисқача маълумот.
Фатҳуллоҳ Гулан 1990-йилларнинг иккинчи ярмида АҚШнинг эътиборига тушган шахсдир. У 1999 йилда АҚШга бориб ўрнашгандан сўнг Исломий тадқиқотлар устида иш олиб борадиган Ғарб академикларини ўзига жалб қилишга муваффақ бўлди.
1997 йилда юрак хасталиги сабабли АҚШга борган Гулан шу йилнинг 11 июнида яҳудийларнинг муҳим ташкилотларидан бири бўлган “АDL” (Anti Defamation League) раҳбари Абраҳам Фоксман билан учрашди. Эстатиб ўтиш лозимки, “АDL” ташкилоти Исроил давлатининг асосчиси Теодер Ҳерсел тарафидан тузилган ташкилотдир. У Исроилга қарши ҳар қандай ҳаракатларни йўқ қилиш учун тузилган террорчи ташкилот ҳисобланади. Шунингдек бу ташкилот Фаластин ерларини ўзлаштириш билан ҳам шуғулланади.
Тадқиқотчи Селим Котилнинг маълум қилишича, “АDL” террорчи ташкилотининг раҳбари Абраҳам Фоксман 1998 йилда Туркияга келган. Тинчлик элчиси сифатида кутиб олинган Фоксман Фатҳулла Гулен билан учрашиб, унга “Динлараро мулоқот” ҳақида китоб ёзишни буюрган. Сўнг уни Рим папаси билан учраштириш учун Ватиканга олиб кетган.
Гулан Ватикан папаси Жон Паул 2 билан учрашгандан сўнг “динлараро мулоқот” ташаббусини майдонга олиб чиқди. Гулан учун Ғарб матбуотида “Исломнинг замонавий, илмоний юзи” номи остида мулоқотлар ўтказиладиган ва хабарлар тарқатиладиган дастур ишга тушди ва тез-тез эфирга узатила бошлади.
Сиёсатшунос олим Меҳмед Фиринжи гуленнинг Ватикан папаси билан учрашувини шундай изоҳлайди: “Фатҳуллоҳ Гуланнинг Папага мурожаати “мулоқот” номи остида унинг этакларини ўпиш, ялтоқланиш, Ислом ва мусулмонлар азизлигини ерга уриш ҳисобланади. Фатҳуллоҳ Гулан Папага ёзган мактубида салиб юриши жиноятларини мусулмонларнинг зиммаси юклаб, ўзини ва барча мусулмонларни папанинг хизматига таклиф қилиш каби тарихда ҳеч бир хоин журъат қила олмаган хиёнатга қўл урди”. (иқтибос тугади).
Фатҳуллоҳ Гуланнинг “динлараро мулоқот” таълимотида насронийлик ва яҳудийлик динлари ҳам ҳақ дин деб талқин қилинади. Яъни, жаннатга кириш учун фақат Ислом динини қабул қилиш шарт эмас, балки насронийлик ва яҳудийлик динларини қабул қилганлар ҳам мусулмон ҳисобланиб, улар ҳам жаннатга киришга ҳақли эканликлари таъкидланади.
