“REGNUM” ахборот агентлиги чоп этган ҳафталик рейтинг натижасига кўра, Россия билан бўлган муносабатларда кескинлик даражаси ошиб бораётган давлатлар ичида Қирғизистон етакчиликни эгаллади.
Ҳафталик рейтинг ахборот агентлиги экспертлари томонидан тузилиб, Россия ва хорижий давлатлар ўртасидаги иккитомонлама муносабатлардаги кескинлик даражасини белгилаб беради. Рейтинг 100 балли шкала бўйича баҳоланиб, 1 балл – аъло даражадаги муносабатларни билдирса, 100 эса уруш ҳолатини англатади.
Агентликнинг тушинтириб ўтишича, балл канча паст бўлса иккитомонлама муносабатнинг яхшилигини, ўсиб бориши эса уни ёмонлигини кўрсатади.
Ўтган ҳафта давомида Россия билан кескинлик даражаси ўсиб бораётган етакчи давлатлардан бири Қирғизистон бўлди. Рейтинг экспертларининг фикрича, Қирғизистон ва Россия муносабатларида кескинликни ортишига ЕОИИга кириш вақтида мамлакат олган имтиёзларга қарамай, россиялик сармоядорлар учун инвестиция муҳитини кескин ёмонлашиб кетиши ўз ҳиссасини қўшган.
Ўтган ҳафтада эълон қилинган рейтингда, шунингдек, Молдова ва Саудия Арабистони етакчи ўринларни эгаллашган.
