“Центерра Голд Инк” компанияси директорлар кенгаши аъзоси Қиличбек Шакировнинг хабар беришича, “Қумтор” олтин кони бўйича музокара ўтказиш учун Бишкекка келган компаниянинг канадалик етакчиларини иш сафари ниҳоясига етди. Бироқ, музокаралар натижаси қандай бўлгани мавҳумлигича қолмоқда.
“Центерра” президенти Фрэнк Херберд ва компания ижрочи директори Скотт Перри ўтиб бораётган ҳафта бошида Қирғизистонга келган , 19 январ куни эса бош вазир Темир Сариев уларни қабул қилган эди.
Ҳукумат матбуот хизмати хабар берганидек, Сариев қирғиз томони 2014 йилнинг 18 январидаги “Қумтор” лойиҳасини реструктуризациялаш шартлари тўғрисидаги келишувни ишга ошириш бўйича музокаралар жараёнидан чиқиш тўғрисида қарор қабул қилгани ва бу лойиҳа асосида “Центерра Голд Инк” компанияси киритган таклифлар Қирғизистон манфаатларига жавоб бермаслигини маълум қилган эди.
Шу билан бирга “Центерра Голд Инк” компанияси директорлар кенгаши компаниянинг 4,6 миллион дона акциясига қўшимча янги акцияларни чиқариш тўғрисидаги қарори Қирғизистон манфаатларига мос келмаслигини, бу айрим қоидаларни бузиш билан амалга оширилганини эслатиб ўтган эди.
Шунингдек, “Центерра Голд Инк” кампаниясининг қўшимча акциялар чиқариш ҳақидаги қарорига Қирғизистон парламентидагилар ҳам қарши чиқишди. Депутат Айнура Алтибаева ҳукуматни кампаниянинг қўшимча акциялар чиқариш ҳақидаги қарорини, керак бўлса , суд орқали, бекор қилишга чақирди.
“Қўшимча қиймат қоғозлари чиқаришлик – бу ҳамкорликдаги шерикнинг улушини камайтириш учун аввалдан синалган найранг. Ўз вақтида бизнинг тамакичилик тармоғимизни синдирдиришда ҳам «Реемстма-Кыргызстан» кампанияси бизнинг улушумизни бир неча баробар камайтириш учун айнан шу услубни 6 марта қўллаган” – деб мисол келтирди депутат.
Айнура Алтибаевага кўра, “қўшимча акциялар чиқаришлик, «Қумтор» ташкилотидаги Қирғизистон улушининг камайишига олиб келади. Бу эса, бюджетдаги миллионлаган сўм, дегани”.
Туркистон:
Қирғизистон ҳукумати “Қумтор” олтин кони бўйича Канада билан эришилган келишувни бекор қилишга қанчалик ҳаракат қилмасин, буни уддасидан чиқиши амримаҳол. Чунки, АҚШ бошчилигида ташкил этилган Бирлашган миллатлар ташкилоти фақат йирик давлатлар манфаатларини ҳимоя қилувчи турли туман халқаро қонунларни қабул қилиш орқали Қирғизистон сингари “учунчи олам” давлатларини сиёсий, иқтисодий жиҳатдан қарам қилиш, қашшоқликдан бошини чиқармаслик ва бу каби давлатларни фақат хомашё базаси сифатида ушлаб туришга хизмат қилиб келмоқда.
Қирғизистон ҳукумати ҳам эндигина мустақилликка эришган йиллари йирик давлатлар ажратган арзимаган ёрдам пулларига эга чиқиш илинжида бундай халқаро қонунларни мазмун маҳиятига етмай дуч келган халқаро келишувларга имзо чекаверган эди. Бугунга келиб ўша келишувлар “ўз меваларини” бермоқда.
“Қумтор” олтин кони бўйича эришилган келишув ҳам Қирғизистон ҳукумати йўл қўйган хатолардан бири бўлиб, шу вақтга қадар бу келишув асоратидан қутула олмай келяпти. Бундан ташқари яна бошқа бир қатор компаниялар Қирғизистонга нисбатан халқаро судларга мурожаат қилиши ортидан, қирғиз ҳукумати хорижий компанияларга 1 миллиард доллар миқдорида жарима тўлаши тўғрисида ҳукм чиқарилган.
Нафақат Қирғизистон ҳукумати, балки мустамлакачи давлатлар зулми остида эзилган исломий юртлар учун бу муаммолардан қутулишининг бирдан-бир йўли ботил капиталистик тузум кишанларини парчалаб ташлаш, мустамлакачи давлатлар томонидан қўйилган ҳар қандай халқаро қонунларни рад қилиш ва бундай ботил тузум ўрнига барча инсониятни хотиржамлик ва фаровонликка олиб чиқувчи Халифалик давлатини барпо қилиш орқалигина амалга ошади.
