Америкалик таниқли мутафаккир Ноам Хомский Ўрта шарқда кечаётган охирги вазиятлар ва Исроилнинг Ғазога қарата ҳужумлари ҳақида ўз муносабатини билдирар экан, бугунги кунда бутун дунё халқаро ҳамжамиятдан кўп нарсалар кутаётганини, бироқ ҳеч қандай “халқаро ҳамжамият” йўқлигини, балки бу нарсалар ҳар доимгидек инсонларни алдаш ва адаштириш эканлигини қайд этди.
Исроил Ғазодаги мусулмонларни қирғин қилишда АҚШ технологиясидан фойдаланаётганини билдирган Ноам Хомский бирлашган миллатлар ташкилоти дунёдаги катта кучларнинг буйруғи билан юришини ва “халқаро ҳамжамият” деган нарса эса қуруқ гапдан ўзга нарса эмаслигини очиқлади.
Хомскийнинг таъкидлашича, Исроилнинг Ғазога қилаётган қирғинларини БМТ тарафидан тўхтатилишини кутиш ноўриндир, чунки БМТнинг ўзи дунёдаги катта кучларнинг буйруғи билан юради.
“Инсонлар БМТдан Ғазодаги қирғинларни тўхтатиш каби кўп ишларни кутишмоқда. Бунинг асло имкони йўқ. Чунки БМТ дунё сиёсатидан мустақил ва устун эмас. Буни ҳамма билиши лозим. БМТ фақат қудратга эга катта кучларнинг айтганини бажармоқда. Масан АҚШ Исроилнинг Фаластинга қилган қатлиомларини тўхтатадиган ҳар бир қарорга вето қўяди”. деди мутафаккир.
Исроилнинг Ғазога уюштирган ҳужумларидан энг биринчи жавобгарлик АҚШга юкланишини таъкидлаган Хомский АҚШ ҳукумати фаластинликларга қилинган қатлиом ва қирғинларга бевосита алоқадорлигини урғулади. Хомскийга кўра, америкаликлар Исроилга берган ёрдамлари билан дунё мусулмонлари орасида “антиамериканизм” кучайишига ўзлари сабабчи бўлмоқда.
“Бугун дунё давлатлари ҳар бир ишни фақат ўз манфаати учун амалга оширмоқда. АҚШ ҳам ўзининг стротегик манфаатларидан келиб чиқиб Исроилни дастакламоқда. Хусусан Европа иттифоқи бугун Ғазода бўлаётган ишларни кўрмасликка оляпти. Франция ҳукумати Исроилга қарши намойишларни таъқиқлаш билан ўзини кўрсатди. Араб дунёси эса бўлиниб кетган, бирор чора кўришдан ожиз”, деди у.
Туркистон:
Тарихда, Бану Хошим қабиласига нисбатан Қурайшийлар бош бўлиб, олиб боришган зулмларини эсланг. Зулм чўққисига чиққанида, Қурайш ўз қариндошлари бўлишига қарамай Хошимийларни, Пайғамбаримиз САВга хиёнат қилмаганликлари сабабидан, бутун бир қабилага қарши қолган араблар ўртасида шартнома тузиб барча алоқаларни узиб юборишади. Бир неча йил давом этган бу зулм, ўзларининг ичидан норозиликлар келиб чиқишига сабаб бўлади ва Каъбатиллохга осиб қўйилган бу шартнома бир неча қабилалар томонидан бекор қилиниб йиртиб ташланади.
Хозир хам худди ўша тарих қайтарилаётгандек. Куфр катталари томонидан олиб борилаётган зулмлар, хали инсонийлигини йўқотмаган шахслар, олимлар ва сиёсатчилар томонидан танқидга олинмоқда, намоишлар уюштирилмоқда. Оллохнинг нусрати, худди Умарнинг хидояти билан келганидек, нуфузли адолатпарвар инсонларнинг хидоятланишлари орқали ёки уларни инсонийликларидан келиб чиқиб, хайвоний харакатларни қабул қила олмаслигидан келиши хам мумкин. Лекин ўз ичимизда, ўзларини Умар деб даъво қилишадиган сиёсатчи, зиёлий, диний уламолар ва давлат етакчилари, юқорида келтирилган зулм булоғи бўлган марказ хақида Америкалик мутафаккир хабар берганидек, баёнот хам бериша олмайди. Аксинча шу система ичида, унинг ривожи учун хисса қўшишаётганларидан хатто фахрланишади. Юқоридаги мутафаккирнинг гапларига эътибор беринг, жуда тўғри гапирган.
