Украинанинг жанубий шарқида жойлашган Луганск шаҳридаги россияпараст айирмачиларнинг лидери Игорь Стрелков бир неча телевизон каналларга берган интервьюсида кўзда ёш билан Путиндан ёрдам сўради. Стрелковнинг маълум қилишича, энг кўпи билан икки ҳафта туриб беришлари мумкин, ундан сўнг эса Украина армияси уларни ўлдиради.
Стрелков Қрим ярим оролининг Украина таркибидан чиқиб Россияга қўшилишида ҳам фаъол рол ўйнаган шахслардан биридир. Ундан сўнгра Украинанинг жанубий шарқида жойлашган Луганск шаҳрида россияпараст айирмачилар тарафидан бир ёқлама эълон қилинган “Луганск халқ жумҳурияти”нинг раҳбари этиб тайинланди. Стрелковнинг айтишича, Украина армияси ўтган ҳафта бошлаган амалиётлар ортидан айирмачиларнинг ортиқча таянишга кучлари қолмаган.
Игорь Стрелков Украина армияси бошлаган амалиётларда жуда кўп одамларини йўқотганлигини тилга олиб, ўзларининг “тугаб битганлигини” очиқлади. Стрелковнинг билдиришича, Украина армияси “ўт очишни тўхтатиш” даврида мамлакатнинг жанубий шарқига улкан миқдорда зирҳли автоуловлар ва оғир қуроллар олиб келган, ундан сўнг эса Семёновка ва Краматорск шаҳарларини нишонга олган катта амалиёт бошлаган.
Украина армияси қаршисида қурол яроқ ва ўқ-дорилар захираси борасида ожиз қолганлигини айтиб ўтган Стрелков агар Россия минтақага кирмаса энг узоғи билан икки ҳафтада “тугаб битишлигини” қайд этди.
“Россия ходисага аралашиб ўт очишни тўхтатиш қарорини амалда жорий қилмаса ёки минтақага ёрдам кучи юбормаса бизнинг тугаб битишимиз муқаррар. Бу энг узоғи билан бир неча ҳафта ичида амалга ошади. Оқибатда Славянск маҳв этилади”, деди. айирмачилар лидери Игорь Стрелков.
Туркистон:
Украин сепатистларига хеч қандай алоқам йўқ деган Путин, бир мунча ғалати ахволда қолди. Стрелковнинг юқоридаги деярли ултиматуми, Россиянинг қизиқчилиги учун жон бериб келаётган этник руслар қаршилик харакати, энди Россия томонидан очиқ дастакланиши яъни харбий қувват билан тўла урушга аралашишини талаб қилмоқда. Бу эса Россияни Ғарб олами билан очиқ майдонда курашишларига сабаб бўлиши мумкин. Ўрталарида кучли совуқ уруш холатининг пайдо бўлиши деярли аниқ бўлиб қолди. Украинага харбий юриш қилиши, НАТО билан харбий тўқнашувгача олиб бориши мумкин. Путин қийин танлов ўртасида қолди. Аралашмаслиги эса, минтақани АҚШ НАТОнинг харбий базалари билан тўлдириб юборишига йўл очиб беради.
