Афғонистон пойтахти Қобулда шу вақтгача афғон кучлари ва НАТО ҳарбийларини ёқилғи билан таъминлаб келган танкерлар терминали жума тунида Толибон мужоҳидлари томонидан ҳужумга тутилди. Ракеталар билан ҳужумга тутилган терминалда чиққан катта ёнғин туфайли 400дан ортиқ танкерлар қайта қўлланиб бўлмайдиган даражада ёниб кетгани айтилмоқда.
Қобул полициячисининг сўзчиси Ҳашматулло Станизай берган баёнотида ёнғин сабаби аниқ эмаслиги айтиб, полиция ҳозирда ёнғин сабабларини ўрганаётганлигини билдирди.
Аммо бошқа манбалар эса бу терминалга Толибон мужоҳидлари тарафидан энг камида тўртта ракета отилганини айтмоқда. Бир қанча танкерларнинг ракеталар орқали портлатилиши бошқаларининг ҳам бирин кетин ёниб кетишига сабаб бўлган.
Толибон сўзчиси Забиҳуллоҳ Мужоҳид ҳам ўз баёнотида Афғон кучлари ва НАТО ҳарбийларини ёқилғи билан таъминлаб келган танкерлар терминалига ҳужум уюштирганликларини ва чиққан ёнғинда кўп миқдорда танкерлар ёниб кетганлиги билдирди. Толибон сўзчисига кўра, ҳодиса жойида бир қанча НАТО ҳарбийлари ҳам ўлдирилган.
Ҳодисада 650 танкердан 400таси ёниб кетганлигини Қобул полициячисининг сўзчиси Ҳашматулло Станизайнинг ўзи ҳам тан олди.
“Афғон кучлари ва НАТО ҳарбийларини ёқилғи билан таъминлаб келган танкерлар терминалида 650 танкер бор эди. 250 танкерни зарар кўрмасдан терминалдан олиб чиқишга муваффақ бўлдик, 400таси эса ёниб кетти”, дея билдирди Станизай.
