Оқ уй: Хитой билан иқтисодий уруш ҳолатидамиз
АҚШ Хитойга қарши иқтисодий урушга шўнғимоқда. Бу ҳақида АҚШ президенти Доналд Трампнинг стратегик бош маслаҳатчиси Стивен Бэннон маълум қилди. Бэнноннинг огоҳлантиришича Америка бу можарода мағлуб бўлиши мумкин.
“Биз Хитой билан иқтисодий уруш ҳолатидамиз. Улар нима қилаётганликларини бемалол айтишмоқда. Икки давлатдан бири 25 ёки 30 йилдан сўнг гегемонга айланади. Ва агарда, биз бу йўлда қоқилсак, улар биринчи бўлади», – деган Бэннон чоршанба куни “American Prospect” журналига берган интервюсида.
Унинг таъкидлашича, ўзи учун Хитой билан иқтисодий уруш – бу барча нарсани ўз ичига олади.
“Меннинг назаримда Хитойга қарши иқтисодий уруш ҳамма нарсани ўз ичига олади. Биз бу нарсаларга жиддий эътибор қаратишимиз керак. Агарда мағлуб бўлишда давом этаверсак, 5 ёки 10 йилдан кейин кучлримизни ҳеч қачон қайта қўлга кирита олмайдиган нуқтага етиб борамиз”, дея қўшимча қилди у.
Шунингдек, Бэннон Оқ уйнинг Хитойга қарши агрессив савдо сиёсатини қабул қилиши лозимлигини олға сураётган сиёсатчиларни умидлари пучга чиқиб қолишидан огоҳлантирди.
Аввалроқ Трамп ОАВга махфий маълумот берилишида Беннондан гумон қилаётгани хабар қилинган эди.
