بِسْمِ اللهِ الرَّحْمٰنِ الرَّحِيمِ
Ҳиттин ва Айн-Жолут сийратини қайтариш билан саҳифаларга ўз номини нурли сиёҳлар билан битувчи ким бор?!
Фаластин режими ва исломий юртлар ҳукмдорлари хиёнат қилишаётган бир замонда, Фаластин аҳли ҳар кеча ва кундузларини муборак замин босқинчилари бўлмиш яҳудийларнинг қирғинлари остида ўтказмоқда. Бу босқинчи вужуд ўзининг ички кризисидан қочиш учун Фаластин аҳлининг покиза қонларини оқизишдан восита сифатида фойдаланяпти. Шунинг учун суиқасдлар уюштириб, жисмонан йўқ қиляпти, тўқнашув майдонларида мужоҳидларни ҳам, жиҳод қилмаганларни ҳам ўлдиряпти, сўнг ўзларининг очлоқлари олдида жанговар ютуқларни қўлга киритганликлари билан мақтаняпти.
Муборак замин тупрғини суғораётган бу покиза қонлар ва мард мужоҳидлар кўрсатаётган сабот-матонат шубҳасиз, Фаластин аҳлининг таслим бўлмаганликларига ҳамда уларнинг анави маъмуриятдан, унинг хиёнатидан ва яҳудийлар билан қилаётган хавфсизлик ҳамкорлигидан безор эканликларига яққол далилдир. Бу ифлос босқинчилар билан тинчлик ўрнатиш ҳақида гапиришнинг ўзи ушбу муборак тупроқ ва унинг аҳлига улкан хиёнат ҳисобланади. Халқаро тизим ва унинг ташкилотларидан инсоф кутиш эса қуруқ хаёл ва саробдан бошқа нарса эмас.
Бугун яҳудий кучлари Фаластин аҳлининг қонини дарё қилиб оқизаётган бир пайтда, уларнинг жинояткор раҳбари Нетаньяху Европа давлатларида изғиб юриб, минбарларда нутқ сўзлаб, улардан қўллаб-қувватлов талаб қиляпти. Бир томондан Америка яҳудий вужуди ўзини ҳимоя қилишга ҳаққи бор деса, бошқа томондан БМТ ўз баёнотларида қассоб яҳудий армияси билан қурбон фаластинликларни баробар ўлчаяпти. Бу эса, уларнинг барчаси битта сафда эканини кўрсатиб, мусулмон қўшинларни Ҳиттин ва Айн-Жолут сийратини қайтариш учун ҳаракатга келишга чақиради.
Роя газетасининг 2023 йил 29 март чоршанба кунги 436-сонидан
