Лукошенко жаҳон банки карантин киритиш эвазига ваъда қилган пулларини рад этди
Белорусия президенти Александр Лукошенко, жаҳон банкидан молиявий ёрдам олиш эвазига мамлакатга карантин режими киритилмаслиги ҳақида баёнот берди.
“Sputnik Белорус” газетасининг хабар тарқатишича, ”Улар бизни вирусга қарши манфаатли курашимиз эвазига ўн баробар кўпроқ молиявий ёрдам кўрсатишлари мумкин. Ҳатто бизнинг соғликни сақлаш вазирлигимиздан маслаҳат олишмоқчи. Жаҳон валюта фонди эса, биздан карантин, изоляция, фовқулотда ҳолат киритишимизни талаб қилишда давом этишяпти. Бу қандай аҳмоқлик? Биз уларга тилёғламалик қилмаймиз” – деган Лукошенко.
Таҳлил: халқаро сиёсатнинг дунё давлатларини хорлаш асосидаги пандемия ваҳимаси устига қурилган стротегиясига Белорусия ҳукумати қарши чиқди. Аввалида Тожикистон ҳам шу йўлдан бораётган эди. Кейин жаҳон банки (ЖБ) таклиф қилган молиявий ёрдам ва бошқа босимлар олдида туриб бера олмай, у ҳам олам карвонига қўшилиб, мамлакатида карантин эълон қилди.
Масала, – коронавирусга қарши манфаатли кураш ҳақида бораётгани йўқ. Балки мамлакатларни заиф нуқталаридан фойдаланиб, уларни халқаро сиёсатнинг молиявий босимлари ортида пандемия эълон қилиш, халқаро ваҳима карвонига кўр-кўрона қўшилишга мажбурлаш асосида олиб бориляпти.
Мамлакатлар бирин-кетин пандемиянинг ёлғон ваҳима сиёсати карвонига қўшилиб, ЖБдан қарз олиш илинжида ўз юртларининг саноат ва яна бошқа барча иқтисодий тизимларини ишдан чиқаришди.
Халқаро сиёсат эса, триллионлаган долларлар сарфлаб бўлса ҳам, оламда пандемия ваҳимасини ушлаб туришда фақат етакчи давлат (АҚШ)нинг манфаати асосида иш олиб боряпти. Етакчи давлатлар манфаати остида бораётган пандемия ваҳимаси орқали кичик давлатларнинг сиёсий ва иқтисодий ҳаётига, молиявий кўмак кўрсатиш ҳийласи билан улар учун манфаатсиз ва зарарли иқтисодий механизм киритиб боришяпти.
Белорусия – пандемияга қарши курашда фовқулотда ҳолат киритмай курашиш манфаатли эканини исботлаб бораётган давлат бўлиб турибди. Лукошенко халқаро сиёсатга қарши туриб, мамлакатида иқтисодий тизимни барбод бўлишига йўл бермади. Қирғизистон, Ўзбекистон сингари давлатлар бунга журъат қила олишмади. Лукошенконинг қайсарлиги халқаро сиёсат учун қимматга тушиши мумкин. У пандемия ваҳимаси қалбаки эканини ҳаётда исботлаб қўяпти.
Бунақанги оламий миқёсдаги фирибгарлик, матбуот манаполияси аввалда бўлган эмас. Бу пандемия ваҳимаси қалбаки бўлмаганида, Белорус халқи алла-қачон оммавий қирғинга учраб, табиий карантин ҳолатига тушиб қолишлари керак эди. Ундай бўлмади. Натижада халқаро сиёсат олиб бораётган ёлғон ваҳималар учун хатарли вазият пайдо бўлди. Шунинг учун Белорусияга ҳар томондан босимлар бўлиши табиий.
Абдураззоқ Мўъмин.
