Хавфсизлик кенгаши коррупцияга қарши янги стратегия лойиҳасини муҳокама қилади
2020-йилнинг июн ойида 2020-2024 йилларга мўлжалланган Қирғизистонда коррупцияга қарши кураш ва унинг сабабларини бартараф этиш бўйича янги давлат стратегияси лойиҳасини муҳокама қилиш бўйича йиғилиш бўлиб ўтади. Бу ҳақда президент сайтида хабар қилинди.
Стратегия лойиҳаси Хавфсизлик кенгашининг 2020-йил 24-январдаги қарорларини амалга ошириш учун мазкур кенгашнинг бир гуруҳ миллий экспертлари гуруҳи томонидан ишлаб чиқилган. Президент сайтида, стратегия давлат идораларида коррупция кўринишларини камайтиришга қаратилган зомонавий механизмлар ишлаб чиқилгани хабар қилинган.
Лойиҳа солиқ ва божхона тартиб-қоидаларини фискаллаштириш, сиёсий шахсларнинг бойликларини текшириш, коррупция даражасини ўлчаш бўйича миллий тизимни яратиш, коррупция учун жазони кучайтириш каби чораларни ўз ичига олади.
Изоҳ: Қирғизистонда барча тармоқлар деярли ҳукумат назорати остида. Давлат структуралари ва улардаги коррупцион схемалар… ва мамлакатдаги жиноятчилар тизими, дин ишлари, миллатчилик ва “тангричи мушриклар” тармоғи… буларнинг барчаси давлат назорати остида. Давлат ўзига тобе бўлган юқоридаги барча жиноий тармоқларни хавфсизлик хизмати, прокуратура, суд ва орган хизмати қуввати ёрдамида ушлаб туради. Бу режим коррупция йўли билан коррупцияга қарши курашаётган режимдир. Сиёсий доира вакиллари бўлган амалдорлардан тортиб, давлат қувватининг кафолати бўлган суд, прокуратура, хавфсизлик хизмати, куч органлари барчаси коррупция ботқоғига ботиб бўлган. Улар шу ботқоқ ичида туриб, яна унга қарши курашмоқчи бўлишяптими…
Аслида коррупция муаммоси шахсларда ёки амалдорларда эмас, балки барча нарсани моддий манфаат устига қурган капиталистик тузумда. Чунки барча амалдорлар ва сиёсатчиларнинг ташвиши ўзи вақтинча эгаллаб турган лавозимдан фойдаланиб қолиш бўлиб, улар халқ ҳисобидан чўнтакларини қаппайтиришдан бошқа нарсани билмайдилар. Улар Аллоҳнинг олдида ва на бандалар олдида жавоб беришдан қўрқишмайди. Қолаверса, амалдорларнинг назорат қилувчи органларнинг ўзи шу балога гирифтор бўлган. Капиталистик тузум татбиқ қилинар экан коррупция балоси халқ қонини зулукдек сўришдан тўхтамайди.
Коррупция балосидан қутулишнинг ягона йўли исломий Халифалик давлатини барпо этишдан иборат. Исломда сиёсат инсонларни ғамхўрлик билан бошқаришдан иборат. Давлат сиёсатчилари оддий инсонлар томонидан назорат қилинади, керак бўлган вақтда мазолим маҳкамаларига тортиладилар, бундан ташқари, уларни охиратда энг қаттиқ ҳисоб-китоб кутади. Чунки, Исломдаги сиёсат фойда олиш эмас, балки Аллоҳ таолодан қўрққан ҳолда бажариш лозим бўлган омонатдир. Шу сабабли ҳам Халифалик тузумида бугунги кунда капиталистик тузумда бўлаётган коррупция асло бўлмаслиги табиийдир.
Абдураҳмон Одилов
