بِسْمِ اللهِ الرَّحْمٰنِ الرَّحِيم
Шом қўзғолони мунофиқларнинг ёлғонларини фош қилиб, ғалабага олиб борувчи йўлни қидирмоқда
Устоз Аҳмад Муоз
Шом қўзғолони барча соҳада қирғинбарот жангга шўнғиган бўлиб, ҳатто илгаргидан ҳам даҳшатли вазиятни бошдан кечирмоқда. Чунки бугунги сиёсий кураш қўзғолонни бутунлай тугатишга қаратилган. Биз буни шунинг учун айтмоқдамизки, баъзи қўзғолончилар озодлик йўлида энг қадрли нарсаларини қурбон қилган буюк қўзғолонни барбод қилиш учун ё билиб ёки билмасдан душман сафига ўтиб олишди. Кўпчилик «бу қандай бўлиши мумкин, бундай дейишга қўлингизда қандай маълумотлар бор?!», дейиши ҳам мумкин. «Узоқ ва яқиндаги душманлар унга қарши тил бириктирган ва бутун миллатлар кўппаклардек ёпирилган шундай бир қўзғолонда фаол бўлган қўзғолончиларни сиз нега хоинликда айблаяпсиз?!», дейиши мумкин.
Авваламбор, биз қўзғолоннинг қаерга етиб келганини, қандай етиб келганини, унинг давом этиб, мақсадига етиб бориш йўли қандайлигини, айниқса, баъзи кимсалар бизнинг фикрларни реал эмасликда ва ақлдан узоқликда айблаётган бир пайтда, қўзғолоннинг реал йўли қандай бўлишини… мана шуларни билиб олайлик. Аллоҳ бунга муваффақ қилсин:
Ҳақиқатни очиш хоинга чиқариш эмас. Балки, ҳақиқатни айтмасликнинг ўзи хоинлик. Чунки қўзғолон тўсиқ девор олдига келиб қолди ва бунга унга қарши содир этилган кўп нарсалар сабаб бўлди. Бу ишда айрим қўзғолончиларинг ўзи ёрдам беришди. Ахир, бу қўзғолон такбирлар билан бошланиб, жинояткор тоифачи жосус режимга бўлган қуллик ва хорлик кишанларини парчалаган эди ҳамда тасаввур қилиш қийин бўлган ишларни қилиб, режимни бурнини ерга ишқаган эди! Энди, шундай қўзғолон бугун қаттиқ азоб-уқубатда қолди. Бу қўзғолонга етакчилик қиламан, деганлар, ҳозир қўлларидан ҳеч нарса келмаяпти, чунки шу «етакчилар» бугунга қадар қўзғолон калитларини душман давлатлар ва уларнинг ташкилотлари қўлига топшириб бўлишди. Ўзларини ҳам, қўзғолон кучини ҳам шу давлатларга қурол қилиб беришди, давлатлар уларни ўз манфаатлари томон истаганларича юргизишяпти…
Реал воқелик мана шу. Буни катта-ю кичик билади. Биринчи саволга жавоб шу. Энди иккинчи саволга, яъни, қўзғолон қандай бу ҳолатга тушди, деган саволга келсак, бу саволга Соҳил қўзғолончиларидан бири Мустафо Ҳадиянинг айтган сўзи жавоб. Мен ундан қўзғолон қандай қилиб шу аҳволга тушиб қолди, деб сўраганимда, кескин ва лўнда қилиб, «қўзғолонимиз ўн бир минг лира билан тамом бўлди», дея жавоб қилди!! Ҳамма – бу арзимас маблағ нима, бунинг қонхўр ва жинояткор режимни эсанкиратиб, ожиз қилиб қўйган қўзғолон билан қандай алоқаси бор, деб сўрайди. Табиийки, бунга Мустафонинг ҳикояси жавоб. У менга Соҳилдаги жанглари ҳақида айтиб берди: «Бизнинг 2013 йил бошида Лозиқия, Жабала, Бониёс ва бошқа соҳилбўйи шаҳарларнинг ҳаммасини ёриб киришимизга бир бахя қолган эди. Айни мақсадда ишлаб чиққан ҳарбий режамиз шу даражада ажойиб эдики, агар, амалга ошса, анави бадбўй режимдан асар ҳам қолмасди, барчамиз бугун куч-қудрат, ҳурмат-эътибор ва ҳурриятнинг янги асрини бошлаган бўлар эдик».
Мустафо қўзғолоннинг мард ўғлонларидан бири. Бугун бу ўғлонлар Хон Шайхун, Маъаррати Нўмон, Ғоб ва ҳатто Боғуздаги аҳлларининг ёрдамсиз қолдирилгани учун аччиқ аламларни тотмоқдалар. Ўн бир минг лира қиссаси шундай иборат бўлганки, ўша пайтдаги Коалиция раиси Аҳмад Жарба Соҳил фронтига кириб келади. У Туркия ва Форс Кўрфази давлатларидаги хўжайинларидан қўзғолончиларни режим пойтахтига киришдан тўхтатиш мақсадига қаратилган заҳри қотил қўллаб-қувватловни олиб келади. Жарба шу орқали бир неча етакчиларни сотиб олади. Ўша маблағдан ўша пайтдаги жангчиларнинг ҳар бирига юз доллардан бўлиб берилади ва доллар қиймати ўшанда 110 Сурия лираси бўлган. Табиийки, Мустафо бу пул мазкур давлатлардан келтирилган, деган гапга ишонмай, Жарбага бу пул Соҳил фронтини тўхтатиш учун Нусайрий-кофир режим томонидан берилган, деган фикрида қаттиқ туради. Ростдан ҳам шундай бўлган эди… Яъни, баъзи жангчи гуруҳлар раҳбарлари айни қўллаб-қувватловни олиб, катта жангчи гуруҳларни ташкил қилишади. Бироқ, бу гуруҳлардан мақсад – режимга қарши жангни давом эттираётган, бошқа фронтлар фатҳ қилаётган ва шу ишда қаттиқ турган гуруҳларга қарши курашишдан иборат бўлди. Ҳақиқатдан ҳам шундай бўлди. Режимга қарши энг муҳим фронт ёпилди. Ҳатто кейинчалик жангчиларни сохта жанглар билан машғул қилиб, Соҳилдаги озод этилган кенг ҳудудлар режимга топширилди… Шунинг ўзи бутун Суриядаги бошқа фронтлар ҳақида пайдо бўлаётган ҳамма саволларга жавоб бўлади, чунки Соҳилдаги ҳодиса алоҳида ҳодиса эмас. Ҳалаб, Хомс, Ғута, Даръадаги ҳодисалар ҳам худди шундай… Идлибдаги озод этилган қолган-қутган ерларни ҳам худди шундай қилиш режалаштирилган.
Аммо бу аҳволга чек қўйишнинг ва қўзғолон етовини эгаллаб олган кимсалардан қўзғолонни қайтариб олишнинг йўли бор. Зеро, бугун бу кимсалар тўсиқ девор олдида туриб – агар қўзғолонни қолган-қутганини ҳам душманга топшириб, ўз вазифасини тамомлашни кутиб турган бўлмаса – анави давлатлардан ечим қидиришяпти. Ҳа, ўзига топширган роль ва вазифани адо этишга ҳаракат қилишяпти. Бундай дея олганимиз сабаби, биз ҳеч ким танимайдиган ва насл-насаби номаълум кимсалардан ташкил топган ҳукумат тузиш билан қўзғолон қурбонларини зое кетказилганини ўз кўзимиз билан кўрдик. Буни «қўллаб-қувватловчи» давлатларни рози қилиш учун қилинди. «Қўллаб-қувватловчи» давлатларнинг эса, ғарблик хўжайинлари манфаатини таъминлашдан ўзга ташвиши йўқ. Очиқ кўриниб турган нарсани яширмайман. Ана Туркия режими қўзғолон ичига яқин дўст сифатида кириб, унинг орқасидан ханжар урди ва қайта-қайта ханжар уришда давом этяпти. У ўзининг разведка хизмати ёрдамида қонхўр режимни мудофаа қилиб, ағдарилишдан сақлаб қолди. Шунингдек, буфер зона ўрнатиш дастаги билан ўзининг жанговар пунктларини ўрнатиб ташлади. Ваҳоланки, буфер зона ўрнатиш, деган нарсадан ягона мақсад, қўзғолонни тўхтатиш ва қўзғолончиларнинг ўз мақсадларини амалга оширишларига йўл қўймасликдир. Чунки қўзғолончилар мақсади Асад режимини парчалаб, кулини кўкка совуриш эди. Биз бу аҳволга чек қўйиш ва қўзғолон етовини эгаллаб олган кимсалардан қўзғолонни қайтариб олишнинг йўли бор, дедик. Бу йўл – халқ ҳаракатининг бугунги масхарабозликларни йиғиштириб, анави сотилган етакчилар пайдо қилган бузуқ воқеликни ўнглаш учун онгли холис зотларга қўшилишдир. Буни қўзғолондаги сиёсий етакчиликни қабул қилиш билан амалга оширилади. Зеро, бу етакчилик бизнинг ақидамиздан олинган очиқ лойиҳага, тил бириктирувларни барбод этувчи сиёсий онгга эгадир, қўзғолон учун энг муҳим қарорни қабул қилади. Яъни, анави давлатлар билан бўлган алоқани буткул узиб, йўналиш ва мақсадни бирлаштиради ҳамда ҳарбий қудратни шахсий мақсадлар ва давлатлар мақсадлари учун эмас, балки қўзғолон мақсади учун йўналтириш қарорини қабул қилади. Шунингдек, барчани биргаликда қўзғолонни давом эттиришга, режимни ағдариш ва Ислом бошқарувини ўрнатиш сари етаклашга ундайди. Зотан, мақсадлар олийси Ислом билан бошқариш бўлса, ғоялар ғояси Аллоҳнинг розилигидир.
Реал воқелик мана шу. Бу воқеликни ўзгартириш учун эса, барчамиз биргаликда ҳаракат қилишимиз лозим. Вазият жуда ёмон бўлса-да, бироқ умид чироғи сўнгани йўқ. Биз халқда ҳаракат мавжудлигини кўряпмиз. У сиёсий фаолиятнинг зарурлигини, қўзғолонга қарши тўқилаётган фитналарни барбод этишда бундай фаолият жуда муҳим эканини англамоқда. Бу эса, қаршимизда муҳим бир босқичдан дарак бермоқда, яъни, одамларнинг Сочи конференцияси ва унинг якуний натижаларини барбод қилишга ҳаракат қилаётгани намоён бўла бошлаганидан дарак бермоқда. Бугунги кунда одамлар Сурия Бош миллий Конгресси, деб аталган нарсадан воз кечмоқдалар. Бу Конгресснинг асл моҳиятини ўзининг ҳарбий кучига ва хавфсизлик тармоғига эга бўлган гуруҳ раҳбарининг ўзи фош қилиб қўйди. Аслида бу гуруҳнинг ўзи ҳам одамларга таҳдид қилиб, уларни «қўллаб-қувватловчи» давлатларга эргашишга мажбурлаш учун тузилган. «Қўллаб-қувватловчи» давлатлар бу Конгресс ва ундан келиб чиққан ҳукуматнинг қўзғолон вакили бўлишини ҳамда кейинчалик бу ҳукумат Конгресснинг режим билан бир столда ўтириб, америкача ечимни амалга оширишига ижозат беришини исташяпти.
Биз қўзғолончи гуруҳларнинг шундай қадамлар ташлаётганини, шундай бир вақтда ҳукуматлар тузишга уринаётганини, Шом аҳлимизнинг сўзларига қулоқ солиш у ёқда турсин, ҳатто уни сариқ чақага олмай, қўзғолон ва жиҳодга қарши равишда «қўллаб-қувватловчи» давлатлар режаларини бажаришаётганини танқид қиляпмиз. Нега, чунки бундай аҳвол, қаршимизда бир улкан ёвузлик турганидан дарак бермоқда. Чунки биз бундай шубҳали лойиҳаларнинг қандайлигини, уларнинг улуғ қўзғолонга умуман ёт лойиҳалар эканини кўряпмиз. Биз Исломдан ўргандик, қўзғолондан сабоқ чиқардик. Бу каби саъй-ҳаракатлар йўлдан адаштириб, зулматли боши берк кўчаларга киритиб қўяди ва бу нарса жангчи гуруҳлар фойдасига эмас, қўзғолон душманлари фойдасига хизмат қилади. Ҳатто Аллоҳ калимасини олий қилиш йўлидаги жиҳодни режим арконларини мустаҳкамловчи ёлланма гуруҳлар жангига ўзгартиради. Чунки чўғ устида юрган бу қўзғолон, тажриба майдонига айланмаслиги керак, балки Ислом тажриба ўтказишдан бизни беҳожат қилади. Масалан, ҳар бир масалада шаръий ҳукмга эргашилса, албатта омонлик қирғоғига чиқиб оламиз, ҳалокатга ҳам, Аллоҳнинг ғазабига ҳам учрамаймиз. Сиз қўзғолон аҳлида имконият мавжуд, бас, ундан фойдаланиб, Аллоҳнинг ўз душманлари билан боғланган алоқа арқонини уз дея қилган буйруғини бажаринг ва Аллоҳнинг мустаҳкам арқонини маҳкам ушлаб, қайта жиҳод бошланг, Аллоҳга тавба қилиб, Набийимиз ﷺ юрган йўлдан юринг.
قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْۗ وَاللَّهُ غَفُورٌ رَّحِيمٌ
«Айтинг (эй Муҳаммад) – Агар Аллоҳни севсангиз, менга эргашинглар, шунда Аллоҳ сизларни севади ва гуноҳларингизни мағфират қилади, Аллоҳ (гуноҳларни) мағфират қилгувчи, меҳрибондир» [Оли Имрон 31]
Роя газетаси сайтидан олинди
