Дэвид Петреус: Путин НАТО учун “катта совға”
МРБнинг собиқ раҳбари Дэвид Петреус Россия президенти Владимир Путинни НАТО учун “энг катта совға” деб атади. У бу ҳақда Ҳиндистонда ташкиллаштирилган Raisina Dialogue конференциясида маълум қилган.
Петреуснинг сўзларига кўра, Путиннинг ҳукумат тепасига келиши альянсга “мавжуд бўлиш учун янги сабаб” яратган.
Петреуснинг фикрича, Вашингтон “янги геосиёсий тартиб” борасида НАТО ёрдамида баҳс олиб боради. “Дональд Трамп томонидан альянс танқид қилинишига қарамасдан, Оқ уй Европада Америка ҳарбийлари сонини ошириш режасини ривожлантиришда давом этмоқда”, деб қўшиб қўйган истеъфодаги генерал.
Аввалроқ Трамп НАТО аъзоларини мудофаа учун харажатларни оширишга чақирган эди.
