АҚШ Шимолий Атлантика округида Россияга қарши тайёргарлик кўрмоқда
АҚШ флоти қўмондони Жон Ричардсон Америка Қўшма Штатларининг шарқий соҳилида ва Шимолий Атлантикада кучайиб бораётган Россия ҳарбий фаолиятига қарши туриш учун денгиз флотида тайёргарлик кўрилаётганлигини маълум қилди.
“National Interest” газетасининг америкалик адмиралга таяниб хабар қилишича, ҳозирги пайтда Россия денгиз ости фаолияти Шимолий Атлантика минтақасида сўнгги 25 йил давомида ўз чўққисига етган.
Газетанинг ёзишича, Адмирал Ричардсон биринчи кундан бошлаб “жангга тайёргарлик” ҳаракатига оид АҚШ денгиз кучларига қўмондон этиб тайинланган.
Ричардсон бундан аввал АҚШ денгиз кучларининг аъзолари сўнгги йилларда Россиянинг кибер урушда қудрати ортиб бораётганига дуч келаётганини билдирган эди.
Адмирал “Америка Овози” Радиосига берган баёнотида Америка Қўшма Штатлари Россиянинг таҳдидларга қарши курашиш учун зарур бўлган нарсаларни белгилаб олиши кераклигини таъкидлади.
“Бу ҳалок қилувчи технология. Амалда келажак жангларда муҳим рол ўйнайди. Биз албатта, бу соҳада ҳам самарани қўлга киритишимизга амин бўлишимиз керак”, деди адмирал.
Адмиралнинг таъкидлашича, рус режимларининг кибер ҳужумига қарши туриш АҚШ денгиз кучлари учун янги муаммо саналади.
“National Interest” газетасига кўра, АҚШ денгиз флоти раҳбарияти ўтган май ойида янги флотни ташкил қилишини эълон қилган. Унинг асосий вазифаси Москванинг Вашингтон иттифоқчилари ҳисобига кенгайиш амбициясига қарши туришдир.
