Шойгу: Москва ҳукумати Трамп ва Путиннинг учрашувидан умидвор
АҚШ президенти Доналд Трамп ва Россия Президенти Владимир Путин ўртасида бўлиб ўтган учрашув ортидан Москва ҳукумати икки давлат ва НАТО ўртасидаги ҳарбий ҳамкорликни ривожлантириш осон кечишига умид қилмоқда. Бу ҳақида Россия мудофаа вазири Сергей Шойгу сешанба куни журналистлар учун ташкил қилинган матбуот анжуманида маълум қилди.
“16 июл куни Хелсинкида бўлиб ўтган Россия-Америка саммитидан Москва умид қилмоқда. Бу учрашув Вашингтон ва Шимолий анланитик иттифоқи билан ҳарбий ҳамкорликни чуқурлаштириш учун кучли туртки беради”, деди Россия мудофаа вазири Россия мудофаа вазирлигининг йиғилишида.
“Шунингдек, бу учрашув умумий хавфсизликни таъминлаш борасидаги саъй-ҳаракатларимизни мустаҳкамлашга имконият яратади”, дея қўшимча қилди у.
Путин ва Трамп ўртасидаги икки томонлама биринчи учрашув 16 июл куни Финляндия пойтахти Хелсинкида бўлиб ўтган эди.
Ушрашувдан сўнг икки давлат раҳбари ҳам саммитдан икки давлат ўртасидаги муносабатларни яхшилашга қизиқиш изҳор қилишди.
Трампнинг баёнотлари Қўшма Штатларда унга қарши кескин танқидлар янграшига сабаб бўлди. АҚШнинг бир қатор сиёсатчилари Трампни миллий манфаатларга хиёнат қилишда айблашди.
