Путин Трампга “оғриқли нуқталар”га эътибор қаратишни таклиф қилди
АҚШ президенти Дональд Трампнинг маълум қилишича, Вашингтон ва Москвада яхши муносабатларни йўлга қўйиш имконияти мавжуд.
“Бизнинг давлатларимизда ўзаро муносабатларни яхшилаш учун улкан имкониятлар мавжуд. Бундай муносабатларни узоқ йиллар сақлаб қолиш мумкин”,- деган Трамп Россия президенти Владимир Путин билан учрашув аввалида.
Путин америкалик ҳамкасбига “оғриқли нуқталар”га эътибор қаратишни таклиф этган.
Путиннинг сўзларига кўра, давлат раҳбарлари доимий мулоқотни давом эттириши зарур.
“Биз доимий равишда алоқа қилиб келмоқдамиз. Биз телефон орқали мулоқот қиламиз, халқаро майдонларда учрашдик. Энди эса ўзаро муносабатларимиз ва халқаро майдондаги “оғриқли нуқталар”ни муҳокама қилиш пайти келди”,- деган Путин.
Путин эътибор қаратиш зарур бўлган мавзулар бисёр эканини таъкидлаб ўтган.
