Сурияда Туркия қуролли кучларига қарши норозиик намойиши уюштирилди
Сурия халқи Кефер Зейта ва Латамина каби вилоятларда жойлашган Туркия қуролли кучлари назорати остидаги нуқталарда норозилик намойишлари ўтказди. Намойишларда минтақада Россия кучлари амалга ошираётган бомбардимонларни бас қилиш талаби ёзилган баннерлар Туркия тарафга қаратилди. Бунинг сабаби, биринчидан мазкур минтақа хавфсизлигини Туркия давлати ўз кафиллигига олган бўлса, иккинчидан Россия Туркиянинг Суриядаги яқин иттифоқчиси эканлигидир.
Остона шартномасига кўра Россия, Эрон ва Туркиядан иборат кафил давлатлар тарафидан Сурияда “хавфсиз минтақа” ташкил қилинган ва у ердаги вазиятни назорат қилиш учун Турк қуролли кучлари томонидан назорат нуқталари ташкил қилинган эди. Шунга биноан Туркия қуролли кучларининг Идлибда назорат нуқталари ўрнатиши эвазига “хавфсиз минтақа” сифатида Идлиб ва унинг атрофида бамбардимонлар тўхтатилиши ва бу минтақада уруш бўлмаслиги керак эди.
Аммо Идлиб ва унинг атрофида тўхталиши керак бўлган бомбардимонлар ва қирғинлар ҳеч тўхтамагач, бу сафар кафил мамлакатлардан бири бўлган Туркияга нисбатан минтақада қарши реакциялар юзага кела бошлади. Чунки Турк қуролли кучларининг назорат нуқтасига қарамай, Россия ҳозиргача ҳаво ҳужумларини тўхтатмади ва ҳали ҳам давом этмоқда
Яқинда, Идлиб ва Ҳама атрофидаги минтақалар Асад режими ва Россия кучлари томонидан оғир артиллерия билан бомбардимон қилиниши оқибатида бир қанча одамлар ҳаётдан кўз юмди ва бу минтақага катта зарар етишига сабаб бўлди.
Шунингдек, намойишларда Туркиянинг Сурия халқига кўрсатган ёрдамларидан ҳам кўз юмилмади. Турли шиорлар ва баннерлар орқали Туркия халқига нисбатан севги-муҳаббатлар изҳор этилди.
