Индонезия ҳукумати Ҳизб ут-Таҳрирни таъқиқлади
Индонезия ҳукумати бутун дунё мусулмонларининг бошини бирлаштирувчи Халифалик давлатини қайта тиклашга чақирадиган Ҳизб ут-Таҳрир уюшмасини таъқиқлаганлигини эълон қилди. Бунга Ҳизбнинг шиорлари давлат мафкурасига зидлиги сабаб қилиб кўрсатилмоқда. Адолат ва инсон ҳуқуқлари бўйича бош котиб Фредди Ҳарининг таъкидлашича, Халифалик давлатини тиклаш учун бир қанча компаниялар ташкил қилган Ҳизб ут-Таҳрир уюшмаси Индонезиянинг демократик бирлигини бузганлиги сабабли чоршанба куни таъқиқланган.
Ҳизб ут-Таҳрирнинг Индениязада таъқиқланиши давлат президенти Жоко Видодонинг ҳукумат вакилларига бир қанча имтиёзлар берувчи қарорномага биноан амалга оширилди. Видодо ўтган ҳафта “Халқаро тушунчага ва Индонезиянинг илмоний-демократик вужудига зид мафкурага эга бўлган гуруҳларни таъқиқлаш ҳақидаги қарорномага имзо чеккан эди. Президентнинг мазкур қарори давлат масъулларига илмоний-демократик мафкурага зид Исломий йўналишда ҳаракат олиб борадиган уюшмаларни таъқиқлаш имконини беради.
Ҳизб ут-Таҳрирни таъқиқлаш қарори пойтахт Жакартанинг насроний ҳокими Аҳок Тжаҳажа Пурнаманинг Исломни ҳақорат қилганлиги сабабли икки йил қамоқ жазоси олиши ортидан юзага келди. Ҳизб ут-Таҳрир бошчилигида ойлаб давом этган намойишлар ҳукуматни Жакарта ҳокимини жавобгарликка тортишга мажбур қилган эди.
Ўтган май ойида Индрнезия ҳукумати Ҳизб ут-Таҳрирнинг фаолияти давлатнинг илмоний-демократиясига мос эмаслигини ва жамоатчилик ўртасида бўлиниш пайдо қилаётганини рўкач қилиб, уни таъқиқлаш режаси борлигини эълон қилган эди.
Халифалик давлати қулатилгандан сўнг парчаланиб кетган давлатчаларни қайта битта давлат остида бирлаштириш учун тинимсиз ҳаракат олиб бораётган Ҳизб ут-Таҳрирни “жамоатчилик ўртасида бўлиниш пайдо қилиш”да айблаш демократияни даъво қилаётганларнинг ўзлари ўз қадриятларини инкор этишини англатади. Чунки демократик асосларга кўра, зўравонликка қўл урмаган ҳолда ҳар ким ўз фикрини ифода этишга ҳақлидир. Аммо гап Ислом ёки даъват устида кетганда эса, демократиядан кўз юмилади, уйларга бостириб кирилади, мусулмонлар қамоққа олиниб, бир неча йилларга озодликдан маҳрум қилинади.
Туркистон:
Индонезия ўз сиёсатини Ислом ва мусулмонларга энг яқин асосларга куриб, дунёда Ислом билан демократияни уйғунлаштириб яшаш ва сиёсат юргизиш мумкин эканини исботлаш мақсадида сиёсат олиб борар эди! Яъни, Индонезия Исломни ниқоб қилиб олган капиталистик давлат бўлиб, Ислом билан куфрни муросасозлик билан жамиятда ҳукм сура олишини исботламоқчи бўлган давлат эди.
Лекин Ҳизб ут-Таҳрир куфр билан муроса асосида қурилган ҳар қандай сиёсатни исломий деб эътибор қилмайди. Куфр билан барча муросасозлик асосидаги бошқарув битимларини ҳаром деб табанний қилган. Шунинг учун Ҳизб кўтариб чиқаётган исломий мабдаий мафкура билан, Индонезиянинг қалбаки, исломий қилиб кўрсатишга уринаётган, демократия мафкурасига асосланган капиталистик бошқарув тизими ўртасида эртами кеч кескинлик пайдо бўлиши кутилаётган табиий ҳодиса эди. Исломга ўраб жамиятга олиб кириб келинаётган куфр мафкураси ва сиёсати билан Ҳизб ут-Таҳрирни алдаш мумкин эмас! Чунки у исломий, сиёсий, мабдаъий уюшмадир. Шунинг учун, Ислом ҳаётимизга қайтишидан аввал, бу қарама қаршилик ва мафкуравий тўқнашув бўлиши муқаррардир.
