БМТ вакили: Марказий Осиёда радикал Исломчиларга қарши кураш репрессив сиёсат билан бўлмайди
1993 йилдан буён биринчи марта Ўзбекистонга ташриф буюрган Бирлашган Миллатлар Ташкилотининг Инсон ҳуқуқлари бўйича олий комиссари Зайд Раъад Ал Ҳусайн Марказий Осиёда “радикал исломчилар”га қарши босимни кучайтириш яхши натижа бермаслигини бидирди. Зайд Раъад Ал Ҳусайн БМТнинг Ўзбекистонга яқинлашувини мамнуният билан қабул қилар экан, Марказий Осиёда кучайиб бораётган исломий радикализм (сиёсий Ислом) таҳдидига қарши “репрессив сиёсат”дан тийилишга чақирди.
БМТ вакили Ўзбекистон Президенти Шавкат Мирзиёевнинг адлия тизимини қайта кўздан кечириб чиқиш режаси ва диний экстремизмга қарши чора тадбирларни ўз ичига олган ислоҳот режаларига ҳам тўхталиб ўтди. Ҳусайннинг таъкидлашича, ҳукумат индивидуал ҳуқуқларни таъминлаш орқали мувозанатни сақлаши жуда муҳим аҳамиятга эгадир.
“Бошқа мамлакатларда бўлгани каби, радикаллашув хавфига қарши кураш хавфсизлик чора-тадбирларини ортиқча даражада кучайтириш ва радикал Исломчиларга қарши репрессив сиёсат билан бўлмайди. Бундай ҳаракат экстримизм учун янги-янги тарафдорларни касб қилиш имконини осонлаштирадиган ғазаб ва умидсизликни вужудга келтиради”, деди Ҳусайн.
Матбуот брифингида Андижон воқеаларини “даҳшат”, дея баҳолаган олий комиссар “Олдинга интилиш муҳим бўлса-да, ўтган воқеалар билан юзлашишни ҳамда ўша воқеаларда қурбон бўлганларни унутмаслик ва улардан зулмни кетказиш муҳим аҳамиятга эгадир”, деди.
Ҳусайндан Ўзбекистон президенти билан ярим соатлик интервюси ҳақида сўралганда, “Жуда кўп муштарак нуқталарда ҳамфикр бўлдик. Бу йиғилиш аниқ қадамлар ташлашга доир битимларга эришишга йўл очди, деб айта олман”, дея жавоб берди.
