Расмуссен: АҚШ “жаҳон жандарми” бўлиши зарур
НАТОнинг собиқ бош котиби Андерс Фог Расмуссеннинг фикрича, АҚШдаги президентлик сайлови натижаси қандай бўлишидан қатъий назар, мамлакат раҳбарияти жаҳондаги можароларни ҳал этишда фаолроқ бўлиши лозим.
“Бизга халқаро полициячи бўлган Америка керак. Биз Американинг жаҳон ишларидаги етакчилигини ўрнатишимиз лозим”,- деган НАТО собиқ бош котиби Британиянинг Sky News телеканалига берган интервьюсида.
У ҳал этилиши лозим бўлган муаммолар қаторида Сурия, Ироқ, Ливия ва Украина шарқидаги вазиятларни тилга олган.
“Қудратли давлатларнинг дам олишга ҳаққи йўқ. Атрофга қарасангиз, дунё уруш ва можаролар алангасида қолганини кўрасиз. Ироқ парчаланиш ёқасида. Ливия – Шимолий Африкадаги давлатчилигини йўқотмоқда. Россия Украинага ҳужум қилаяпти ва Шарқий Европани беқарорлаштираяпти. Хитой ўз кучини намойиш этмоқда, ядро ҳужумлари билан таҳдид қилаётган ғайриқонуний мамлакат бўлган Шимолий Корея”,- деган Расмуссен.
“Буларнинг барчаси халқаро ҳуқуқ ва тартибни тиклаш учун халқаро полициячи кераклигини билдиради”, — дея қайд этган Расмуссен.
Унинг сўзларига кўра, Барак Обама шу пайтгача “жаҳондаги можароларга барҳам беришда қуролли кучлардан фойдаланиш ёки улар билан таҳдид қилишга қаршилик қилиб келган”.
Альянснинг собиқ бош котиби республикачилар номзоди Дональд Трамп президент бўлишидан хавотирини яширмаган. Унинг айтишича, бу “дунё учун жуда хавфли” бўлиши мумкин.
Туркистон:
Ҳа, АҚШ давлатининг стротегиясини призидент эмас, неоконсерваторлардан иборат етакчи қувват белгилайди. Призидент ҳам, етакчи гуруҳ ҳам, сенат ва етакчиликни бўлишиб олган икки партия (республикачилар ва демократлар) ҳам, умумий стротегияга мос равишда иш олиб боришади.
Етакчи қувват дунё системасини қурол қилиб, оламий сиёсий ва гиополитик ўзгаришларга мувофиқ ўз тактикаларини ўзгартириб боришади. Масалан халқаро сиёсатда, 2000 йилдан кейинги вазиятларда ҳам ҳозирги вазиятларга ўхшаш ҳолат юз бериб, етакчи қувват вакиллари призидентликка кичик Бушни олиб келишган эди. Яъни кутилаётган ишларга мутаносиб бўлган шахсни призидентлакка олиб келиб, уни эмоционал шахс деб, унинг қўли билан улкан жиноий ишларни амалга ошириб олишади.
Донольд Трамп призидентликка келаяпти. Юқоридаги Расмуссеннинг баёноти, Трампнинг роли қандай бўлишини ифодалаб бераяпти. Яъни АҚШнинг эндиги тактикаси, келаётган призидентининг феъли атворига мутаносиб бўлади. Тўғрироғи, АҚШнинг янги стротегиясига муносиб деб танланган призидент келяпти.
