Бишкек шаҳридаги Миллий хавфсизлик давлат қўмитаси биносида 4 март куни кечқурун ёнғин содир бўлди. Ёнғин сабаби аниқлангани йўқ, аммо хавфсизлик идорасининг саккиз нафар ходими жароҳат олгани айтилмоқда.
Ёнғин 4 март кечқурун 22:00да содир бўлган. Воқеа жойига иккита ўт ўчириш машинаси жўнатилган ва улар ёнғинни батараф этишган.
Тез ёрдам марказидан хабар қилинишича, МХДҚнинг 8 ходими ис газидан заҳарланган. Улардан олтитаси касалхонага ётқизилган, икки нафарининг аҳволи оғир. Иккитаси касалхонага ётишдан бош тортган.
Айрим ОАВ ва ижтимоий тармоқ фойдаланувчиларининг хабар беришича, ёнғинга портлаш сабаб бўлган. МХДҚ матбуот котиби Рахат Сулаймонов бундай хабарларни инкор қилиб, ёнғин келиб чиқишига электр симларидаги қисқа тўқнашув сабаб бўлганини айтиб ўтди.
“Озодлик” радиоси қирғиз хизмати манбааларига кўра, ёнғиндан учта хона жиддий шикаст кўрган. Бундан ташқари, МХДҚ тергов ҳибсхонасида сақланаётган тергов остидаги шахслар ва уларнинг соғлиғи тўғрисида хабар берилмаган.
Туркистон:
Илгарироқ Жалалобод прокуратураси биноси ёниб кетгани хақида айтилган эди. Энди Бишкек МХДҚ биноси ёниб кетган эмиш.
Қирғиз режими ўзининг қилмишларини исботлаши мумкин бўлган хужжатларни таг томири билан тозалаш ишларини бошлаб юборишди.
Улар икки маротаба хокимият алмашиши билан Қирғиз элитаси ва куч орган ходимлари бир айланиб яна хукм ишларига бошқа призидент етакчилиги билан келиб қолавериш мумкин эканини кўришди. Шунинг учун улар, хар эхтимолга қарши, режим қулаганидан кейинги холатларга таёргарлик кўра бошлашди.
№50 қамоқхонада бўлиб ўтган амалиётларнинг ўзи, Акаев ва Бакиевларни тахтдан кетказган Акси воқеъасидан кўра хавфлироқ ва ифлосроқ амалиёт бўлган эди. Бишкекда, бунуқанги суний амалиётлар кўп маротаба бўлиб ўтди. Режимнинг қулаши билан, бу жиноятлар, бугун хаддидан ошиб боришаётган хукумат ходимларини таъқиб қила бошлайди. Бугун хукм уларнинг қўлларида туриб, бир қанча хужжатларни ва гувох шахсларни йўқ қилиб олишга харакат қилишлари табиий холат.
