Акси халқи ҳукуматга сўнги талабларини қўйди ва бу талаблар бажарилмайдиган бўлса муддатсиз акциялар уюштиришларини маълум қилишди.
Акси аҳолисининг ОАВ орқали қилган мурожаатларига кўра, улар қўйган талаблар 10 февралга қадар бажарилмаса, халқ норозилик намойишига чиқади.
Улар ўз мурожаатларида, шу кунга қадар ҳукумат вакилларига тинимсиз мурожаат қилиб келишганини, бироқ бундан ҳеч қандай натижа чиқмаганини маълум қилишди.
“Ижтимоий фонд тўловларини аввалги ҳолатига келтириш, электр энергиясига бўлган тарифни 700 квт соатдан ошиқчасига бўлган қўшимча тўлов ва мажбурий суғурта тўғрисидаги қонунни умуман бекор қилиш, қўшни Ўзбекистон ва Тожикистон билан чегараларни делимитация ва демаркация масаласини тезлик билан хал қилиш, Меҳнат ва ижтимоий ҳимоя вазирлиги тарафидан берилувчи ёрдам пуллари ажратилишини соддалаштириш ҳамда гўдаклар ризқига кўз олайтиришни тўхтатиш талабларини қўямиз”, – дейилади мурожаатда.
Аксиликларнинг билдиришича, 2010 йилги қонли воқеаларга қадар Бакиев ҳукумати электр энергияси нархини 1,50 тийинга кўтарганида ҳозирги ҳукумат бошида турганлар шов-шув қилиб, халқнинг ёнини олишган эди. Афсуски ўзлари ҳокимият тепасига келганларидан сўнг электр нархини 2,54 тийинга қадар кўтариш орқали халқнинг сабрини тўлдиришмоқда.
Туркистон:
Қирғизистон сиёсий элитаси мухолифатни ҳар хил услублар билан заифлаштириб, жамиятдан четлатиб юборди. Энди, хотиржам, “халқни митингдан тўсманглар, майли чиқишсин, норозиликларини изҳор этиб ўз ҳақ ҳуқуқларидан фойдаланишсин” деб сиёсий популистик баёнотлар беришаяпти.
Улар халққа қўрқмай зулм қилиб боришаяпти. Чунки ҳар қандай халқнинг норозилик йиғинлари, агар уларнинг олдиларида етаклай оладиган етакчи қуввати бўлмаса, улар оломон дейилади. Бу йиғин вакиллари бирор сиёсий манфаатларни мақсад қилмаган хавфсиз бир тўда одамлар йиғинига айланиб қолади. Ҳукумат эса, сиёсий раҳнамоларининг маслаҳатлари билан, етакчиликка яроқли ёки амалдаги етакчи сиёсий шахсларни, кўл остидаги барча (прокуратура, суд, ИИМ, ГКНБ ва бошқа) куч механизмлари воситасида бир четдан жисмонан жамиятдан четлатиш ишларини олиб бораяпти. Оломон яна норозилик билдираверади, ҳукумат яна ўз зулмларини давом эттираверади.
Лекин ўша оломоннинг, зулмни ҳис қилиш даражаси ортиб борвериши, давлат хавфсизлиги учун ўта хатарлидир. Чунки бу портловчи жуда кучли оломонни қувватидан фойдаланиб қолиши мумкин бўлган бошқа кучлар пайдо бўлиб қолиши мумкин. Ўшанда оломон халққа айланиб, бир мақсад сари йўнала бошлайди.
Ҳукуматнинг, халққа зулм қилиб, ўзининг фаолияти учун унинг мулкларини сотиш ва фуқороларга солиқлар миқдорини ошириб бораверишдан ўзга чораси деярли қолмади. Фуқоролар ҳам, устиларига ўзлари олиб келишган ҳукуматларининг зулмларини қаттиқ ҳис қилиб боришаяпти. Бу Қирғиз давлати учун ўта хавфли ҳолат.
Бу ҳолатдан чиқиш учун, етакчи гуруҳ вакиллари бир овоздан, амалда текширилган ва қайта риакцияси ҳозирча унча кучли бўлмаган услубни давом эттиришни маъқул кўришади. Улар Ҳизб-ут –Таҳрир, Жамоат-ут –Таблиғ сингари мавжуд ва фаолият олиб бораётган ёки “Ислом давлати” сингари номигагина пайдо бўлган сароб сингари ваҳимали ўйлаб топилган бир қатор жамоаларга қарши курашни кучайтира бошлашади. Улар Ислом ва мусулмонлар тарафидан улкан ва кутилмаган, беўхшов бир қатор қўрқинчли ҳолатларни ўйлаб топишади. Матбуот ҳужумлари уюштириб, мусулмонларнинг Исломни маҳкам ушлашлари оқибатидан келаётган ёмон ҳолатлар ҳақида гапира бошлашади. Бу уларга куфр маслаҳатчилари томонидан уқтирилган, чалғитувчи, манёврли услубларидан биридир.
Қирғиз элитасининг йўлчи юлдузи бўлган Путин Россиядаги иқтисодий кризис ортидан кутиладиган халқ норозилик армиясидан қутилиш учун, НАТОнинг жиғига тегиб бўлса ҳам уруш излаяпти. Россиянинг мактабида таёрланган Қирғиз элитаси ҳам услуб жиҳатидан худди Путиннинг йўналишидан боради. Лекин кўлами кичикроқ ва чалғитув учун олиб бориладиган уруш чет элда эмас, ўз юртида ўз фуқороларига қарши белгиланиши билан Россиядан фарқ қилади халос. Биз бу ҳолатни Акаевнинг ва Бакиевнинг бошқарувлари боши берк кўчага кириб қолганида, охирги чора сифатида, мусулмонларга қарши чора тадбирларни кучайтириш услубини қўллашга ҳаракат қилганларида кўрган эдик. Ҳукуматлар, призидентлар ўзгарди, лекин сиёсий элита ўзгаргани йўқ.
Бизга келаётган хабарларга кўра, Қирғиз милицияси бир қатор Ҳизб аъзолари деб гумон қилган фуқороларни уйларига бостириб киришган эмиш. Улар ҳатто аёлларимизни гумон қилишиб, уларнинг уйларига ҳам ўнлаган автоматчилар билан бостириб киришаяпти. Мақсадлари худди Путинникидан фарқи йўқ. Иқтисодий бўҳрон бошланишидан аввал, мусулмон жамоаларга зулм қилиб, провокация қилиб, улар томонидан ўзларига қарши моддий ёки ҳарбий юришлар кутишмоқда.
Уларнинг мақсади, ўзларининг оч кўзликлари, хато ва хиёнатлари оқибатидан халқ бошига тушиб келаётган иқтисодий қашшоқлик ҳолатини, ўзлари уюштиришга ҳаракат қилишаётган мусулмонлараро ёки мусулмонларга қарши уруш ёхуд тўпалонларнинг оқибатига боғлаб, ёпиб юборишмоқчи бўлишади. Лекин халқ энди уларга ишонмайди
