Қримда фаолият олиб борадиган “ATR” телевизон канали ўз фаолиятини тўхтатиб туришга мажбур бўлмоқда. Чунки бу канал Россияда матбуот агентликларининг фаолият юритишига рухсат бериш билан шуғулланадиган Россия инспекция агентлигидан рухсат олмаган.
“ATR” телевизон канали ва унга боғлиқ бўлган “Лале” ёш болалар канали, “Майдон” радиоси ва “15 дақиқа” ахборот агентлиги ҳам Россия инспекция агентлиги тарафидан бериладиган рухсатномага эга эмас. Шу боис кеча уларнинг ҳам баъзи дастурлари эфирга узатилишдан тўхтатилди.
Телевизон каналнинг соҳиби Ленур Исламов канални сотиш борасида таклифлар келиб тушганлигини билдирди. Аммо Исламовнинг таъкидалишича, у бу таклифларни рад этган.
“Биз бу ерларнинг эгасимиз. Бу тупроқларда ўз қадриятларимизни ва миллий манфаатларимизни ҳимоя қилишимиз лозим. Менинг позициям мана шу ва келажакда ҳам шундай бўлиб қолади”, деди “ATR” телевизон каналнинг соҳиби.
Россия ўтган йилда Қрим ярим оролини ўз ҳудудига қўшиб олгандан сўнг то ҳозирги кунга қадар “ATR” телевизон канали Россия инспекция агентлиги қайдидан ўтиш учун тўрт марта мурожаат қилганлиги айтилмоқда. Шундан учтасига рад жавоби келган, охиргиси эса ҳануз жавобсиз қолмоқда.
Ўзининг фаолиятини дастлаб 2006 йилда бошлаган мустақил Қрим ярим оролининг “ATR” телевизон канали ўз дастурларини татар, рус ва украин тилида намойиш қилиб келар эди.
