Кўпчиликка маълумки, 12 феврал куни Белорус пойтахти Минск шаҳрида Украина, Россия, Франция ва Германия раҳбарлари ҳамда Донецк ва Луганск халқ республикалари етакчилари учрашиб, 16 соат давом этган музокаралар натижасида 15 февралдан бошлаб Донбассда ўт очишни тўхтатишга келишиб олишган эди.
Бироқ, учрашувдан бир куни ўтиб Москва расмий ҳолда Минск келишувларини бажармаслигини маълум қилди. Россия президенти Владимир Путин матбуот котиби Песковнинг хабар қилишича, Россия низолашаётган томонлардан бири эмас.
Песковнинг фикрича, мазкур ҳолатда Россия эришилган келишувларни амалга оширишлик гарови холос.
“Биз буни жисмоний жиҳатдан бажара олмаймиз, чунки Россия бу можаро иштирокчиси эмас”, – деди Песков.
Кўплаб далиллар мавжуд бўлишига қарамай, расмий Москва Донбассда рус ҳарбийлари борлигини инкор этиб келмоқда.
Сенатор Маккейннинг баёнотига кўра, 11 февралдан 12 февралга ўтар кечаси Россиянинг Украина билан бўлган чегарасидан 50та танк, 40та ракета тизимлари ва 40та эирхли машиналар кесиб ўтишган. Унинг сўзларига кўра, Минск келишувлари Путинга Украина билан курашни давом эттиришига ҳеч қандай тўсиқ бўла қила олмайди. Шу сабабли ҳам Маккейн Украина армиясига ҳарбий ёрдам кўрсатишни талаб қилиб келмоқда.
