Мана, Рамазон ойи қандай келган бўлса, яна ўшандай кетди… Чунки Ислом Уммати ўз фарзандларини, бойликларини ҳимоя қиладиган кишини топа олмади. Бу муборак ой кирганда мусулмонлар ҳар йилгидек қачон рўза киришию, қачон тугаши тўғрисида талашиб-тортишаётган эдилар… Уммат ушбу улуғ ойнинг қачон бошланиши ва тугаши каби битта масалада бўлса ҳам ўзини бирлашган якдил ҳолда кўришга интиқлик билан қаттиқ интилаётган бўлсада шундай бўлди. Бу Рамазон Қуръон ойи, бунга ҳеч ким эътироз билдиролмайди, бироқ бу ойда Қуръони Каримни фақат бир қисмини ўқиш ё тўла хатм қилишга чекланиб қолинмоқда, ундаги буюк раббоний аҳкомларга назар солинмаяпти, унда келган буйруқ ва қайтариқларни кунлик ҳаётда татбиқ қилишга ҳаракат қилинмаяпти. Қаранг, Қуръони Карим ўзининг бутун ҳаётий ишлардаги муаммоларни ечиш билан боғлиқ ҳодийлик, муршидлик ролини адо этишдан тўхтаб қолганидан бери башарият бугун тўқсон тўртинчи Рамазонни қарши олди.
Биз бугун Аллоҳ Субҳанаҳу ва Таолодан рўзамизни, қиёми лайлларимизни, таҳажжудларимизу тиловатларимизни қабул қилишини сўраб, Рамазон ҳайитини чиройли жозибадор либослар кийиб, турли туман тансиқ таомлар тайёрлаб, нишонлаяпмиз. Бироқ Фаластин, Сурия каби юртлардаги мусулмонлар лоақал битта ибодатни бемалол хушу билан адо этишга жой ҳам, вақт ҳам тополмаётганларидан, Ғазодаги мусулмон ака-укаларимиз ва опа-сингилларимиз биринчи рақамли нишонга айланишганидан бутунлай ғафлатдамиз ёки ўзимизни билмаганга соляпмиз. Мусулмонлар Лайлатул Қадрни топиш билан машғул бўлиб турган бир пайтда, Ғазо мусулмонлари яҳудийлар ракеталари ва учоқлари ёрдамида икки ҳафтадан зиёд вақтдан бери бошларига ёғилаётган бомбалардан сақлайдиган жойни излаб топишга уринмоқдалар. Яҳудийларнинг бу жиноятлари, ваҳшийларча зўравонликлари дунёнинг «йирик кучларимиз» дея даъво қилаётганларнинг ҳеч қандай қаршилигисиз содир этилмоқда. Ҳолбуки, Муҳаммад Росулуллоҳ A
«لَزَوَالُ الدُّنْيَا أَهْوَنُ عَلَى اللهِ مِنْ قَتْلِ مُؤْمِنٍ بِغَيْرِ حَقٍّ»
«Аллоҳнинг наздида дунёнинг заволга юз тутиши бир мўминнинг ноҳақ ўлдирилишидан кўра енгилроқдир», деганлар. Яҳудийлар давлатининг Ғазода содир этаётган қирғини ҳар қандай даҳшатни ортда қолдирди. Чунки қариялар ва болалар, ҳатто ногиронларнинг тана аъзолари чор атрофда сочилиб ётибди. Буларнинг айби нима эди?
Қадрли мусулмон биродарлар!
Миср, Саудия, Покистон, Эрон сингари мусулмонларнинг юртларидаги сон-саноқсиз қўшинлар қани? Бу қўшинлар қўмондонлари орасида уларга Аллоҳ фарз қилган ўз бурчларини адо этмаётганидан хижолат чекаётган, мусулмонларга ёрдам бериш сари отилиб чиқиб, икки дунё мақтовига эришишга, Роббига сусткашлик ва дангасалик қилмаган ҳолда йўлиқишга ошиқадиган қўмондонлар йўқми?!
Бу юрт ҳукмдорлари қани? Мазлум заифҳол ака-укалари ва опа-сингилларини ҳимоя қилиш учун армияларни сафарбар қилишга шошилишдан уларни нима тўсмоқда? Наҳот уларнинг қалбида мардликдан ё ҳаёдан заррача қолмаган бўлса? Аллоҳнинг энг нажас, энг қўрқоқ халқи ҳисобланган ҳамда чўчқа ва маймунлар биродари бўлган шу яҳудийлар қўлида мусулмон биродарларининг покиза қонлари дарё бўлиб оқаётганини кўриб, шу заррача мардликлари ва ҳаёлари уларни ҳаракатга ундамаяптими?!
Мусулмонларнинг юртларидаги қўғирчоқ ҳукмдорлар Умматга қарши кофирлар билан қачонгача тил бириктиради, мусулмон ака-ука ва опа-сингилларининг душманлар зулмига, шафқатсизлигига ва ҳужумига учраши олдида қачонгача кўр ва кар бўлиб туришади??? Деярли ҳеч қандай қарор қабул қилмасдан қуруқдан қуруқ қўллаб-қувватлаш ҳамда ярадорлар, етимлар, туллар ва мискинлар ҳаққига дуои хайр қилиш ортига қачонгача яширинишади? Бу қўғирчоқ ҳукмдорлар Росули аъзам A аввал жангга қўшинни саф торттириб, сўнг Аллоҳдан нусрат сўраб дуои хайр қилганларини билишмайдими? Росулуллоҳ Aнинг шу ишларига амал қилувчилар амал қилсинлар, бу ҳукмдорлар эса ўз қўшинларини Ғазо аҳлига нусрат-ёрдам беришдан тўсмасинлар, Ғазо аҳлини қуруқ дуо қилиб ўтиравермасинлар! Ахир, қачонгача Уммат бундай ҳукмдорларни ағдаришга ва ҳақиқий ўзгартириш ясаб, қалқон ва совут бўлган бир халифани олиб келишга ҳаракат қилмай тураверадилар, зотан, бу тақволи ҳомий халифа Ғазодаги ва бошқа исломий юртлардаги мусулмонларни ҳимоя қиладику?!
Қадрли мусулмон биродарлар!
Биз рўза ҳайитини нишонлаб турган бир пайтда, Шарқий Африкада терроризмга қарши кураш дастаги остида Ислом ва мусулмонларга уруш эълон қилинмоқда, ундаги бирдан-бир қурбонлар мусулмонлар бўлмоқда. Америка мазкур ниқоб остида Ислом ва мусулмонларга қарши уруш қилиш учун аллақачон мана шундай қўғирчоқ ҳукмдорлар ясашга, махсус кучлар тузишга, уларга бунинг учун керакли қурол-яроқ ва машқлар билан ёрдам беришга киришган. Бундан манфаатдор бошқа ҳукуматлар ҳам Шарқий Африканинг ички ишларига аралашиш имкониятини қўлдан бой беришмаяпти. Ушбу махсус кучлар, шу жумладан, Кения ва Танзания полициясининг терроризмга қарши кураш бўлимлари ўз юртлари қонунларини очиқдан очиқ оёқ ости қилишда «ўрнак»ка айланишди. Улар ўз қонунларини ваҳшийларча уйларга бостириб кириш, шахсларни шафқатсизларча қийноққа солиш, фуқароларнинг шахсий ҳаётларига дахл қилиш, уйларига тунлари ҳужумлар уюштириш, кўнгиллари тусаган шахсларни юртдан яширинча чиқариб юбориш, яқинда Мванзада бўлгани каби муслима аёллар номусига тажовуз қилиш орқали бузишмоқда. Бу кучлар айни қилмишларни нафсларини тиймаган ва мардликни ҳис этмаган ҳолда ижро этишмоқда. Шулар билан бирга, уламолар ва исломий фаолларга суиқасдлар уюштиришларни оқлаш учун олдиндан уларга айбловлар тайёрлаб қўйишмоқда, хўжайинлари бўлган Американинг сиёсий ва ҳарбий манфаатларини амалга оширишга дастак қилиш учун портлашлар уюштиришмоқда. Бугун мусулмонлар Кения, Занзибар, Аруша, Мванза каби турли юртларда қатл қилиш ва қамоққа ташлаш амалиётлари қурбонига айланмоқдалар. Бундан ташқари, манфур таҳқирлаш амалиётлари ҳатто аёллар ва болаларгача етиб борган бўлиб, бу юртлардаги мусулмонлар репрессия қилинишга ва бостирилишга лойиқ иккинчи даражали фуқарога айланганлар. Ваҳоланки, улар айни юртлар тараққиётига ўз ҳиссаларини қўшганлар, боболари тарихлар оша шу юртларнинг фуқаролари бўлиб келганлар!!
Шарқий Африка минтақаси бугун Америка билан Европа давлатлари ўтрасидаги нуфуз талашув уруши ўчоғига айланган. Бу давлатларнинг ҳаммаси минтақада ўз нуфузини ёйиш ва мустаҳкамлашга уриниб келади. Айни кураш жумласига ушбу юртларда очилган табиий ресурсларни талашиш ҳам киради ва айни ресурсларнинг асосийсини нефт, газ, олмос, уран ва бошқа бойликлар ташкил қилади. Бундан ташқари, бу минтақалар стратегик аҳамиятга молик минтақадир. Чунки у Ҳинд Океани қирғоқларида жойлашган бўлиб, ўзининг кенг майдони, улкан табиий бойликлари билан ҳамда иқтисодий ва хавфсизлик жиҳатидан бутун дунёда муҳим ўринни эгаллайди. Бугина эмас, ҳатто у жумладан, Араб Ярим Ороли, Судан ва Сомали… каби бир неча исломий юртларни боғловчи марказий минтақа ҳамдир. Ушбу омиллар капиталистик давлатлар кўзига ушбу улкан минтақани янада улкан қилиб кўрсатмоқда, шу даражадаки, бу капиталистик давлатлар у ерларга ўз нуфузларини ёйиш ва бойликларини ташиб кетиш йўлида қасддан турли бошбошдоқликлар, вайронагарчиликлар ва тартибсизликлар яратишмоқда. Бунинг оқибатида минтақа аҳолиси доимий қўрқув ва нотинчликда яшамоқда. Африканинг аксар аҳолиси мусулмонларни ташкил қилувчи шимолий ва шарқий қисми билан соҳил бўйи минтақаларидаги оқлаб бўлмас ўлим ҳолатлари ортидан мусулмонлар хавотир остида қолганлар. Бундай ваҳшиёна қирғинлар Мпекетони, Брумуку, Ҳиндидан тортиб, Витугача барча соҳил бўйи минтақа аҳолисига улкан зарарлар етказган ва улар ўртасида қўрқув пайдо қилган. Масаланинг янада ҳайрон қоладиган жиҳати, айни қирғин ҳодисаси Кения денгиз кучлари билан Америка денгиз пиёда кучлари тўлиб тошган бир минтақада содир этилди, унинг ижрочилари эса ҳеч кимнинг халақит беришисиз бу қирғинни ўн соат ичида бемалол амалга оширишди! Аста секин бошланган бу хавфсизликнинг издан чиқиши Малинди ва Момбаса каби бошқа минтақаларга ҳам тарқала бошлади, у ерлардан қароқчилик қилиш, жиноят содир этиш тўғрисидаги маълумотлар ҳар куни келиб турибди. Бироқ – нима учун бу ҳодисалар ҳадеб сўнгги пайтларда содир бўлмоқда, деган савол пайдо бўлади. Шуниси диққатни жалб қиладики, илгари тинч ва осуда бўлган аксар аҳолиси мусулмонларни ташкил қилувчи бу минтақада жирканч қирғин амалиёти содир этилганига атиги бир йил бўлганди, холос! Шубҳасиз, бундай ифлос амалиётлар ортида Ислом ва мусулмонларни нишонга олиш ётганини ҳар қандай ақли расо кузатувчи шахс билиб олади. Гап шундаки, мақсад, мусулмонлар душманлари ўзлари мусулмонларга қарши жиноятлар ва зўравонликлар содир этишиб, сўнг бунинг айбини уларнинг ўзига тўнкаш билан уларни ёмон отлиқ қилишдир.
Қадрли мусулмон биродарлар!
Нафақат Шарқий Африкада, балки умуман бутун дунёда содир этилаётган бундай қилмишларнинг барчаси Умматнинг бундай ёвуз ва жирканчли амалиётлардан уни ҳимоя қилишни ўз кафиллигига оладиган, унинг барча кучларини душманларига қарши бирлаштирадиган бир ғамхўр посбонга жуда-жуда муҳтож эканига далолат қилмоқда. Бу эса Росулуллоҳнинг
»إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ«
«Халифа қалқондир, унинг ортида туриб жанг қилинади ва у билан ҳимояланилади», деган сўзларига кўра, халифасиз зинҳор амалга ошмайди.
Шундай ёвуз амалиётларга қарамай, биз отаётган ҳар бир тонгимиз бизни нусрат тонгига яқинлаштираётганини кўряпмиз. Бу ҳеч қандай тортишув сиғмайдиган ҳақиқат, чунки у Росулуллоҳ Aнинг тўғри йўлни тутувчи иккинчи Халифалик давлати қайта барпо этилиши тўғрисидаги башоратларидир. Ушбу шон-шавкатли ва қудратли давлат соясида Ислом ҳокимияти дунёнинг барча қитъасини ўз ичига олади. Бу яқинда Ироқда эълон этилган ва дабдаласи чиқарилган, фақат номи бор бўлган заифҳол халифалик эмас. Ҳа, шаръий аҳкомларга мувофиқ давлат потенциалларига эга бўлмаган бу сохта халифалик мусулмонлар ўртасида ўз ҳаётларида бағоят аҳамиятли ва қадрли бўлиб турган ҳақиқий Халифалик борасида хавотир уйғотиш ниятида ҳамда кофирларни ҳимоя қилиб, Исломни бадном этиш ва қудратини пасайтириш учун атайин эълон қилинди!
Ҳизб ут-Таҳрир-Шарқий Африка ўз сўзлари ниҳоясида сиз мусулмонларни қўзғалишга ҳамда етакчимиз ва ҳабибимиз бўлган Муҳаммад A Аллоҳ Субҳанаҳу ва Таолонинг ваҳиси билан башорат берган тўғри йўлни тутувчи Халифалик давлатини барпо этиш йўлида Ҳизб билан бирга фаолият қилиш жавобгарлигингизни бажаришга холис даъват қилади.
Аллоҳ Субҳанаҳу ва Таолодан сўраймиз, ёлғиз Ўзига яқин бўлиш ниятида ушбу муборак ойда ва ҳайит кунларида биргаликда қилган солиҳ амалларимизни қабул айласин, барчамизни Пайғамбарлик минҳожи асосидаги Халифаликни барпо этиш орқали Ўзининг яқин нусрати билан сийласин, бизни мудофаа қилажак ушбу совут билан мукаррам қилсин, биз унинг ҳукмронлиги остида қўрқмай, хавотирланмай Роббимиз Таборака ва Таолога Ўзи лойиқ бўлган амаллар билан ибодат қилишга қодир бўлайлик. Қудрат ва улуғлик эгаси ва еру осмонни яратувчиси бўлган Ҳақ Таборака ва Таолодан сўраймиз, бизнинг ҳам, сиз мусулмонларнинг ҳам солиҳ амалларимизни қабул қилсин ва ушбу буюк кунни барчамизга ҳақиқий буюк ҳайитга айлантирсин.
Ҳизб ут-Таҳрир 1 шаввол 1435ҳ
Шарқий Африка 28 июл 2014м
