АҚШ ҳукумати Бағдоддаги элчихонаси хавфсизлигини кучайтириш ва у ердаги Америка фуқароларини ҳимоя қилиш учун қўшимча 200 аскарни Ироққа юборди.
АҚШ президенти Барак Обама шу мавзу устида шуғулланаётган АҚШ конгресидаги Вакиллар Палатасининг Раиси Жон Эндрю Бейнер билан бирга сенатга мактуб йўллади.
Барак Обаманинг конгрес аъзоларига ёзган мактубида айтилишича, АҚШ қуролли қучлари сафидан Ироққа йўл олган аскарлар Бағдоддаги АҚШ элчихонасининг хавфсизлигини кучайтириш ва у ердаги Америка фуқароларини ҳимоя қилиш учун, шунингдек, Бағдоддаги халқаро аэропортнинг хавфсизлигини таъмилаш учун юборилган.
Президент мактубида учоқлар, кузатув мосламалари билан таъминланган бу хос гуруҳ зарурат туғулганда жанг қилиш учун ҳам керакли жиҳозлар билан жиҳозлатрилганлигини қайд этди. Мактубда ёзилишича, хавфсизлик нуқталарида аскарларга ҳеч қандай эҳтиёж қолмагунча Америка аскарлари Ироқда қолади.
АҚШ мудофаа вазирлигининг сўзчиси Жон Кирби ҳам ўзининг ёзма боёнотида якшанба куни Ироққа етиб борган АҚШ ҳарбийлари элчиликнинг дипломатик миссиялари давом этиши учун “террорчи” гуруҳларга қарши курашда Ироқ қўшини билан ҳамкорлик қилишини билдирди.
