Ҳизб ут-Таҳрир-Яман вилояти хусусан, ўтган ражаб ойида Аллоҳ Таолонинг бошқа мусулмонлар қатори, Яман аҳли зиммасига ҳам юклаган фарзини адо этишга уларни рағбатлантириш мақсадида юртда бир неча даъват тадбирлари ўтказди. Шунингдек, бу тадбирлардан Яман аҳлига қуйидагиларни эслатиш ҳам мақсад қилинди: Салибчи кофир Ғарбнинг араб ва турк хоинлари билан тил бириктирган ҳолда Халифаликни ағдарганига 93 йил тўлди. Ғарб буни ҳижрий 1342 йил 28 ражаб, милодий 1924 йил 3 март куни содир этди. Шундан бошлаб, мусулмонлар нафақат хорлик, хўрлик, танг-бахтсизлик аҳволига тушиб қолдилар, балки уларнинг саноқлари жуда кўплигига қарамай, худди очофат бўрилар қуршовига тушиб қолган қўзилар каби чор атрофларидан ҳамма халқлар ёпирилиб талаётган ўлжаларга айланиб қолдилар… Мана, бугун уларнинг юртлари парчаланди, ҳурматлари камситилди, номуслари топталди, муқаддас нарсалари оёқ ости қилинди, бойликлари талон-тарож қилинди, ўрталарига сунъий чегаралар тортилди, ҳаётларидан Аллоҳнинг шариати олиб ташланди, уларнинг устидан ғарбпараст малай ҳокимлар ҳукмрон бўлиб олди… Биз бугун Росулуллоҳ A ҳақ-рост айтганларидек, худди селнинг кўпигига ўхшаб қолдик… !!
Дарҳақиқат, Ҳизб ут-Таҳрир-Яман вилояти ўтказган ушбу даъват кампанияси қуйидагилардан иборат бўлди:
Биринчи кампания:
Халифалик ағдарилишининг 93 йиллик хотирасига бағишланган ёзма маърузалар тарқатилди. Бу тадбирда Ҳизб йигитлари асосан Яманнинг катта шаҳарларидаги имом-хатиблар ва уламоларни зиёрат қилдилар. Масалан, пойтахт Санъо, Имрон воҳаси, Таиз, Адан, Мукалла, Ибб, Дамар каби шаҳарларида ёзма маърузаларнинг катта қисмини мазкур шахсларга тарқатдилар. Аллоҳнинг фазли ила, бир неча имом-хатиблар айни хутба мавзуси ҳақида маъруза қилди ва ундан иқтибослар келтирди. Бунинг натижаси ўлароқ, минглаб мусулмонлар машъум аламли кунни, ўша буюк давлатни хотирладилар ва тезроқ бу давлатнинг барпо этилишидан умидвор бўлдилар, бу эса Аллоҳга асло қийин эмас. Маъруза мазмунида Халифалик учун ҳаракат қилиш фарзлиги ва унинг мусулмонлар ҳаётида, шу жумладан, барча инсоният ҳаётида ҳам жуда муҳимлиги баён қилинган. Шунингдек маърузада Ислом Уммати Халифалик замонида улуғвор азиз ҳаёт кечириб, виқор билан юргани, Халифаликни йўқотгач эса, айниқса, Ғарб ўз манфаатларини муҳофаза қилиш учун бошларига ўтиргизиб қўйган малайлар ҳукмронлигида хору зор аҳволда қолгани эслатилган.
Иккинчи кампания:
Ҳизб йигитлари Яман шаҳарларидаги кўзга яққол ташланадиган аҳамиятли жойларга, асосий йўллардаги деворларга плакатларни илдилар. Улар юқорида айтилган шаҳарларда илгари ҳам кўплаб плакатларни илишган бўлиб, уларда мусулмонларни Халифалик тузуми учун ҳаракат қилишга тарғиб қилувчи ҳамда унинг муҳимлиги ва бошқа ғайриилоҳий тузумлардан мумтозлигини баён қилувчи иборалар ёзилган эди. Ўша плакатларга ёзилган иборалардан айримлари:
«Халифалик Аллоҳ Таолонинг ваъдаси, Росули Aнинг башоратларидир», «Халифалик… куч-қудратимиз манбаи, турли шаклдаги мустамлакачиликдан халос бўлиш йўлидир», «Халифалик эшик қоқмоқда… йўқолсин мустамлакачилик чегаралари, Уммат ягона исломий Умматдир», «Фуқаролик ҳам, демократия ҳам бўлмайди, фақат Исломий Халифалик бўлади».
Аллоҳга ҳамд бўлсинки, ушбу тадбирлар Яман аҳлида таъсирот уйғотди. Уларнинг кўпчилиги биз билан боғланиб, бу ишни қўллаб-қувватлади ҳамда ҳаракат қилишга тайёрликларини билдирди. Фақат жуда озчилик одамларгина Халифаликка ҳам, уни номини тилга олишга ҳам ярамасликларини билдиришди. Чунки улар демократия ва фуқаролик низоми дея аталган саробга алданган, мутаассиблик кўзларини кўр қилиб, нур билан зулматни ажратолмайдиган қилиб қўйган кимсалардир…
Айрим хавфсизлик кучлари ҳамда ўзларини Исломга ва исломий ҳизбларга мансуб қилиб кўрсатаётган айрим кимсаларнинг плакатларни олиб ташлашга уриниши эса жуда таажжубланарли ҳол бўлди. Ҳолбуки, бугун кўчалар демократияга, фуқаролик давлатини қуришга, диалог саҳнасини ўйнашга тарғиботлар билан тўлиб тошган. Бошқа бир томондан, миллийлик, ватанпарварлик, социализм, демократия, мазҳабпарастлик, манфур илмонийликка тарғиб қилувчи ёки мусулмонларни бир-бирларига қайраб, юртни ҳамда фуқароларни бузишга чақирувчи партиялар шиорлари билан ҳам тўла…
Биз шунисидан ҳам ажабланяпмизки, айрим ёлланма имом-хатиблар зиммасига юкланган жавобгарлик масаласини қадрламай, одамларга динларини тушунтириш ва Аллоҳнинг фарзларини билдириш ўрнига, билъакс, одамларга миллий, демократик байрамларни, машъум диалог саҳнасини тушунтирмоқда, «одамлар Халифаликка тайёр эмаслар», ёки «ҳозирги даврда унга даъват қилиш фитна қўзийди», деган дастаклар билан ҳатто Аллоҳнинг буюрган фарзларнинг фарзи бўлмиш Халифаликка ҳужум қилишмоқда… Қарабсизки, бу билан фитна тузоғига ўзлари тушишмоқда!!
Биз ушбу ҳақ нидога қулоқ солиб қабул қилган ва ҳақ сўзини одамларга етказиб, маломатчининг маломатидан қўрқмаган имом-хатибларга ташаккур билдирамиз ва уларга бундай деймиз: Барокаллоҳ, Аллоҳ ҳаракатингизни тақдирласин, бинобарин, бундай қилишингиз сизга фарз, унинг ажри Аллоҳнинг даргоҳида жуда улуғ, бу амалларингиз учун У албатта тақдирлайди, ушбу буюк фарз йўлида Ҳизб ут-Таҳрир йигитлари билан бирга фаолият қилинг ва билингки, Халифалик давлатига даъват қилиш ва унга амал қилиш мувсумий амал эмас, беҳуда кўз-ёш тўкадиган иш ҳам эмас, балки у тоғлар ҳам кўтаришдан бош тортган юкни кўтаришга азм-қарор қилиш билан ҳамда барча динсизларни яксон қилувчи аҳдни бериш билан тўхтовсиз давом эттириладиган амалдир, токи, исломий ҳаёт узилиб қолгандан сўнг энди Пайғамбарлик минҳожи асосида тўғри йўлни тутувчи Халифалик давлати соясида қайтсин. Ана шунда биз Аллоҳнинг ризосига ноил бўлган, зиммамизга юклатилган вазифани адо этган, Умматимизни ҳалокатдан қутқарган, Ғарб зулматидан халос бўлган бўламиз.
Эй Яман аҳли, имон ва ҳикмат аҳли!
Ҳизб ут-Таҳрир сизни Ғарб ўргатган андоза бўйича эмас, Аллоҳ Субҳанаҳу буюрган тарзда яшашингиз учун Аллоҳнинг чақириғини қабул қилишга даъват қилади. Биз Аллоҳнинг амрига итоат этишга ва шариатини ҳукмрон қилишга ўзимизни топширганмиз. Ўзларини шу Умматга мансуб қилиб кўрсатаётган айрим кимсаларнинг Халифалик ва у учун фаолият қилаётганлар номини қора қилиб кўрсатишлари ҳам, ҳукмдорларнинг ундан нафратлантириш учун ўйнаётган роллари ҳам бизга заррача таъсир қилмайди. Бу ҳукмдорлар ва бадбўй режимлар Халифалик ва у учун фаолият қилаётганлардан жамоатчилик эътиборини буришмоқчи ва шу орқали чириб тугаш арафасида турган демократия ва республикачилик бошқарувини ўрнатишмоқчи, бироқ бунга ҳеч қачон эришолмайдилар!!
Шубҳасиз, тўзиган чанг-ғубор ҳаргиз қуёш нурини тўсолмайди, Халифалик золим ҳукмдорга қарши ҳақ сўзни баралла айтмайдиган кимсалар қўлида ҳаргиз қолиб кетмайди, Уммат кофир Ғарб лойиҳаларини бажараётган кимсаларга асло бўйин эгмайди. Бу кимсалар агар қўлларидан келса, бир фурсат одамларни алдаб туришлари ҳам мумкин, аммо эй Яман аҳли, шуни билингки, Ғарб, унинг тоғут малайлари ва алданган кимсалар хоҳлашсин-хоҳлашмасин, албатта Халифалик эшик қоқмоқда, Умматга қаранг, у ер юзининг турли бурчагида Халифалик учун фаолият қилаётган холис зотлар атрофига бирика бошлади, Ҳизб ва унинг йигитларига қарши уруш ҳар қанча авж олгани сари, Уммат уларни шунчалик бағрига олмоқда, бора-бора юксакликка кўтарилмоқда, албатта булар Аллоҳ Субҳанаҳу ва Таолонинг фазли билан, қолаверса, даъват етказувчилардаги қатъият ва сабр билан бўлмоқда. Бас, шундай экан, Халифалик давлатини барпо этишга ҳаракат қилаётганларга қўшилинг, анави иғвогарлар миш-миши сизни алдаб қўймасин. Унутмангки, Ҳизб ут-Таҳрир Халифаликни барпо этиш йўлида куч ишлатиш ё қурол кўтариш услубини ҳаргиз қўлламайди, суиқасдлар билан асло шуғулланмайди, уни на демократия, на мансаблар ва на вазирликлар қизиқтиради, аксинча, у улуғ Росулимиз Муҳаммад Aнинг тариқатларидан ўрнак олган ҳолда шаръий йўл билан Халифалик давлатини барпо этиш билан шуғулланади. Зотан, ул зот шу тариқатлари бўйича Аллоҳнинг амрида тўғри қадам ташлаб, Ислом давлатини барпо этганлар.
«Айтинг: амал қилинг, амалингизни Аллоҳ, Росули ва мўминлар (албатта) кўрадилар»[Тавба 105]
Абдулмўмин Зайлаий
Ҳизб ут-Таҳрирнинг Яман
вилоятидаги матбуот бўлими раиси
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти:www.hizb-ut-tahrir.info
