بِسْمِ اللهِ الرَّحْمٰنِ الرَّحِيمِ
Ироқда йигирма йиллик хорлик ва хўрлик ортидан чиқиш йўли борми?!
Бундан йигирма йил муқаддам Америка ёлғон ҳужжатлар билан, «халқаро қонун»ни, Хавфсизлик Кенгашини, ҳатто бутун дунёни сариқ чақага олмай Ироққа уруш қилди… Армияларни сафарбар қилиб, Ироқни «БМТга аъзо бўлган Қувайт давлатини босиб олди», деган баҳона билан жазолаш учун 32 давлатдан иборат халқаро коалицияга етакчилик қилди… Уруш қилишдан асл мақсадини каззоблик ва дажжоллик билан яширди, зотан бундан ўз манфаатларини амалга оширишдан ўзга мақсади бўлмаганди. Ироқни босиб олгач, у ерда федерал бошқарув ўрнатди, кейинчалик бу бошқарув мазҳабпарастларнинг парламентдан ўрин талашишларидан бошқа нарса эмаслиги аён бўлди. Масалан, худди Ливанда бўлгани каби, Ироқ президенти курд, бош вазири шиа, парламент раиси сунний бўлиб, бу сценарий юрт жипслигини тилка-пора қилди, Ироқни қирғинбарот мазҳабпарастлик курашига тиқиб, минглаб бегуноҳ мусулмонлар ҳаётига зомин бўлди.
Ушбу қонли хотира муносабати билан Ҳизб ут-Таҳрир – Ироқ вилояти матбуот бўлими томонидан чиқарилган баёнотда қуйидагилар таъкидланади:
«Шундай қилиб, бутун юртга йигирма йилдан бери қонли низолар, коррупция ва бошбошдоқлик ҳукмронлик қилмоқда. Бирин-кетин келаётган ҳукуматлар коррупциячи расмий синф сифатида ўз хоинликлари билан халқ бошига битган бало бўлди. Кейин буларнинг ортидан Ироқнинг учдан бир қисми ИШИДга топширилди ва бу эронпараст ҳукуматнинг тил бириктируви билан, президент Обама томонидан уч йил, дея белгиланган муддатгача Американинг яшил чироғи остида амалга оширилди».
Матбуот баёнотида яна бундай дейилди:
«Мана, йигирма йиллик жирканч ва хароб босқинчилик, бадбўй демократиядан сўнг, бугун қаршимизга БМТ бош котибининг вакиласи Жанин Хеннис-Плассхарт чиқиб, «Ироқда 2003 йилдан кейин қайта тикланган режим мутлақо давом эта олмайди ва яна шундай қўйиб берилса, тескари натижа беради», деб турибди».
Матбуот баёнотида Ироқ аҳлига қарата қуйидагилар қўшимча қилинди:
«Йигирма йиллик босқинчиликдан сўнг аҳволингиз мана шу, бас, чиқар йўл борми? Бу юртда ўзгариш бўлишига бирор умид борми? Шуни билингки, бундай аянчли воқеликдан қутулиб чиқмоғингиз учун ҳам, аҳволингиз ўзгариши учун ҳам Роббингиз минҳожига қайтиб, Унинг шариатини ҳакам қилишдан ўзга йўл йўқ. Аллоҳнинг шариатини ҳоким қилиш эса, золим жобир режимларни йиқитиб, унинг харобалари узра Пайғамбарлик минҳожи асосида Халифалик давлатини барпо этиш билан бўлади. Биз шу боис сиз мусулмонларни Аллоҳнинг нусрат-ёрдамига ноил бўлиш учун Аллоҳга ёрдам беришга даъват қиламиз».
Роя газетасининг 2023 йил 19 апрел чоршанба кунги 439-сонидан
