Россия ҳукумати истеъфога чиқди
Россия ҳукумати истеъфога чиқди. Бу ҳақда бош вазир Дмитрий Медведев президент Владимир Путин билан учрашувда маълум қилди.
Медведев ҳукуматининг истеъфоси президент Путин Федерал Мажлисга йиллик мурожаатини ўқиб эшиттирганидан бир неча соат ўтиб эълон қилинди.
Путин мурожаати давомида конституцияга ўзгартиришлар киритишни таклиф қилди. Россия раҳбари таклиф қилаётган ўзгартишлар мамлакат сиёсий тизимини кескин ўзгартириши айтилмоқда.
Путин Хавфсизлик кенгашида раис ўринбосари лавозими жорий этилишини ва унга Дмитирий Медведевни тайинламоқчи эканлигини билдирди.
Путин 15 январь куни Федерал Мажлисда сўзлаган нутқида 1993 йилда қабул қилинган конституция ўзгартирилиши керак, деган фикрни билдирди. Хусусан, президент вазирларни ҳамда бош вазирни тайинлаш ҳуқуқи Россия парламентининг қуйи палатаси – Давлат Думасига ўтказилиши кераклигини айтди. Айни дамда уларни президент тайинлайди.
Аммо Путин бир вақтнинг ўзида Россия “кучли президент республикаси” бўлиб қолиши кераклигини айтди. Унинг сўзларига кўра, вазирларни ҳамда бош вазирни ишдан олиш ҳамда мудофаа ва хавфсизлик вазирларини тайинлаш ҳуқуқи президентда қолиши керак.
Тахлил: Путиннинг йиллик баёнотидаги кутилмаганда тўсатдан билдирган давлат структурасидаги бир неча ўзгаришлар, бутун сиёсатчи ва тахлилчиларни бошини қотирди.
Фақат бир тахлил улар томондан тўғри талқин қилинди. “Путин 2024 йилда кутилаётган президентлик сайловидан кейин хам хокимиятда қолиш учун стратегик харакат бошлади”.
Путин хам, СНГ мамлакатларидаги етакчилар сингари ўз халқи қўлловидан махрум бўлиб нафратига учраб бораяпти. У хам Назарбаев сингари, президентликдан кетиб, хокимият тизгинини ўз қўлида ёки таъсири остида ушлаб қолиш учун харакат қилади. Бир қатор ислохот сингари ўзгаришлар ясагандек бўлиб, фуқороларида режимга умид пайдо қилмоқчи бўлади.
Лекин бу иш Россиядаги шу кунда бораётган сиёсий ва иқтисодий халокатли холат вақтида осон кечмайди.
Абдураззоқ Мўъмин
