Ҳусийлар Амирликларни музокарага чақирмоқда
Олий сиёсий кенгаш 2019 йил 21 июл якшанба куни Амирликларни Ямандан ўз ҳарбийларини олиб чиқиб кетиши борасида музокарага чақирганини эълон қилди. Бу кенгаш раҳбарлигини Ҳусийлар танҳо ўзлари бажаришади ва унга Яман умумхалқ конгресси ҳам аъзо. Кенгаш чақириғи Амирликларнинг портлари ва тайёрагоҳлари нишонга олингани ҳақидаги яширин таҳдидни ўз ичига олади. Сиёсий кенгаш ўзи чиқарган баёнотда Амирликларнинг Ямандан чиқиб кетгани ҳақида гапирар экан, “Бу хабар Санъога расман етказилмагани ва бу борада музокара бўлмаганини айтди. Бу ҳақида Яманда чиқадиган Қўзғолон газетаси 2019 йил 23 июл сешанба куни хабар тарқатди.
Айни пайтда Ҳусийлар Амирликларни ёлғончилик ва Ямандан ҳарбийларини олиб чиқиб кетмаганликда айблаган. Шунингдек уларнинг ҳарбий ҳаракатлари ахборот воситаларидаги баёнотларига зид экани ҳақида айтиб, чегарага яқин жойлар ва Қизил денгизнинг шарқий соҳилларида кескинлик кучайиши ҳамда Амирликлар ўт ичида қолиши ҳақида огоҳлантирганлар.
Улар Амирликларни Ҳадида портига ҳужум қилишдан тўхтатишни кўзлашмоқда. Чунки бу порт Ҳусийларни ташқи оламга боғлаб турган ягона йўлдир. Шунингдек, Амирликларни Ямандан чиқиб кетишга мажбурлаш орқали улар ҳамкорлик қилаётган иттифоқни бузиш ва Ямандаги уларга қарши бўлаётган урушга чек қўйишни кўзлашмоқда.
Ҳусийларнинг Амирликларга таҳдиди Американинг Амирликларга Ямандан чиқиб кетиши учун босим қилаётган даврига тўғри келмоқда. Америка бунда Амирликлардан яширин қамоқхоналари ҳужжатларини ва Адандаги масжид имомларини ваҳшиёна ўлдириши ҳақидаги ҳужжатларни тақдим этишни сўрамоқда. Бундан ташқари Америка Ҳурмуз бўғозида Амирликларга қарши таранглик пайдо қилмоқчи.
Амирликлар 2019 йил июл ойи бошида Ямандан ўз ҳарбийларини олиб чиқиб кетишини маълум қилганидан кейин Ҳусийлар тўпни Амирликлар ўйингоҳига ташлади. Амирликлар ортга қайтиб, Ямандан чекинадими? Британия уларни Адандан Ҳусийларни қувиб чиқариш учун юборганидан сўнг Ямандаги урушга чек қўйиш учун ҳаракат қиладими? Америкага тобе Хасан Баум тарафдорлари бўлмиш олий кенгашга барҳам берадими? Идрис Зубайдийнинг ўтиш даври кенгашини қўллаб қувватлаб, уларни оғир қуроллар билан таъминлайдими?
Ҳусийлар Яманда Америка ғалаба қилишини кутишмоқда ва унинг қадамини мустаҳкамлашга ҳаракат қилишмоқда. Бу ишлар ва Америка билан ҳамкорлик қилиш Қуръонни татбиқ қиламиз деб даъво қилаётган ушбу жамоанинг айбларини фош қилди. Яқин келажакда ушбу жамоанинг Аллоҳ, Росули ва мўминларга қилган хиёнати очилиб бораверади. Ўшанда дунёдаги жазодан қутула олмайдилар, охиратдаги жазони эса айтмаса ҳам бўлади. Шунинг учун ғалаба икки мустамлакачини ҳам қувиб чиқариб, Ислом билан ҳукм юритиш учун Пайғамбарлик минҳожи асосидаги рошид Халифаликни тиклаш билан амалга ошади.
