Макрон: Европа катта кучларнинг ўйинчоғи бўлмаслиги керак
Уруш қурбонларини хотирлаш куни муносабати билан Германияга ташриф буюрган Франция президенти Эммануэл Макрон немис парламентида нутқ сўзлади. У ўз нутқида Франция-Германия ўртасидаги алоқаларни кучайтириш кераклигини билдирар экан, Европа катта кучларга қарам бўлиб қолмаслиги кераклигига эътибор қаратди.
“Европа буюк давлатлар ўйинчоғига айланиши мумкин эмас”, “Европанинг зиммасида дунёда тартибсизликни олдини олиш мажбурияти бор”, деди Макрон.
Европа Иттифоқини кучайтириш истагини билдирган Макрон сентябр ойи охирида қилган баёнотида Европа мудофаа қудратини яратиш, хавфсизлик ва “терроризм”га қарши кураш соҳаларида ҳамкорликни ривожлантириш мақсади борлигини айтган эди.
Макрон немис депутатларига нутқини давом эттирар экан, ҳақиқий куч бирликда эканлигига урғу берди.
“Бизни тўхтатишга уринаётган кўплаб кучлар бор. Улар музокараларимизга аралашиб, либерал демократиямизга ҳужум қилмоқда ва бизни бир-биримизга қарши қўйишга уринмоқда. Ушбу глобал тартибда бизнинг ҳақиқий кучимиз бирдамликдан келиб чиқишини билишимиз керак”, деди у.
Макроннинг нутқини “таъсирси нутқ” нутқ деб баҳолаган Германия канслери эса немис-француз ҳамкорлиги Европа контекстида муҳим аҳамиятга эгалигини таъкидлаб ўтди.
“Биз бир чорраҳада турганимизни айтдингиз. Мен ҳам ҳам айнан шуни кўриб турибман. Урушдан кейин туғилган авлодлар биз олган ўрнаклардан масъулдирлар”, деди Меркел.
