Папа Франциск Яқин Шарқдан Европага оқиб келаётган қочқинлар оқимини “Араб истилоси”, сифатида баҳолади. Европа мамлакатларида туғилиш даражасининг пасайишидан арз қилган Папа юзага келган инқироздан фақатгина оила масаласини муҳим ўринга қўйиш билангина қутулиш мумкинлигини таъкидлади.
Европа Иттифоқининг қочқинлар инқирози учун ечим топиш мунозарасига католикларнинг руҳоний раҳбари папа Франциск ҳам иштирок этди. Қочқинлар инқирозига доир Ватиканнинг “Osservatore Romano” нашрига интервью берган папа Франциск Яқин Шарқдан Европага оқиб келаётган муҳожирлар оқими “ижтимоий ҳақиқат” эканлигини маълум қилди.
“Бугун биз Араб истилоси ҳақида гапиришимиз мумкин”, “Европа тарихи давомида неча маротаба истилога дуч келди?”, деди Франциск.
Европа давлатларидаги туғилиш даражасининг пасайиб кетганлигига эътиборни жалб қилган Франциск Испания ва Италияда туғилиш даражаси нолга яқинлашиб қолганлигига урғу берди. Папанинг алоҳида таъкидлашича, бу инқироздан чиқишининг бирдан бир йўли оила қуриш масаласини биринчи ўринга қўйиш билангина мумкиндир.
“Биз инсоний инқирозга эътиборсиз қолишимиз мумкин эмас”, “Европа давлатлари фақат бирлашган холларидагина кўчманчилар инқирозини бартараф эта олишлари мумкин”, “Европа миллий, сиёсий ўйинлар ва кичик ҳисобларга таслим бўлмаслиги керак”, “Музокара столига қайтиш жуда муҳимдир. Ғалаба қозониш учун баъзи кичик нарсаларни йўқотишга тайёр бўлишимиз лозим”, деган сўзларни айтиб ўтди у ўзининг нутқида.
