Суиқасд уюштириш орқали Ҳамдук ҳукуматини тирилтиришга ҳаракат қилаётган ким?!
Сунъий йўлдош каналлари бош вазир Абдуллоҳ Ҳамдукка суиқасд бўлгани ва бу иш у уйидан чиққанидан кейин Хартумнинг Кубр кўприги яқинида машина портлатилиши орқали уюштирилгани тўғрисида айтилган эди.
Бу ажабланарли хабар одамлар транспорт воситалари ёмонлиги ва ёқилғи етишмаслигидан паймонаси тўлган, машиналар газелин ва бензин излаб кўчаларни тўлдирган, бир бурда нон топиш қийинлашган, шакар ва сут каби зарурий товарларнинг нархи ҳаддан ташқари кўтарилиб кетган, бир доллар 120 Судан фунтига тенг бўлган ва электр энергиясидаги узилишлар хунук суратда кўпайган бир пайтда эълон қилинмоқда. Бош вазир барча соҳаларда муваффақиятсизликка юз тутганидан кейин ким унга суиқасд қилиши мумкин ёки унинг муваффақиятсизлиги бартараф этиладими?! Ким охирги нафасини олаётган ўтиш даври ҳукуматининг ҳаётини сақлаб қолмоқчи?!
Аксар суиқасд амалиётларини ағдарилиш арафасида турган давлатларнинг жирканч ишларни амалга оширадиган махсус органлари амалга оширади. Бундан қуйидагилар кўзланган бўлади:
- Жамоатчиликни чалғитиш, айниқса жамоатчилик ҳукуматга қарши бўлса.
- Етакчи шахснинг обрўси тубанлашиб, одамлар уни кам қувватлайдиган бўлиб қолса, унинг шахсиятини кўтариш. Биз бугун шу нарсанинг гувоҳи бўлиб турибмиз. Чунки суиқасд амалиётидан ҳеч қанча вақт ўтмай бир гуруҳ одамлар кўчага чиқиб, Ҳамдук ҳаёти ҳақида қичқира бошлашди.
- Одамларни қийинчиликлардан чалғитиш, айниқса бу давлат ижро қилишни истаётган жиноят бўлса. Токи, одамлар ушбу жиноятдан чалғисин ва у туфайли ўзларининг асосий муаммоларидан бурилсин.
- Халқ орасида ўз обрўсини йўқотган ҳукуматни халқ қўллаб-қувватлашига мажбурлаш. Чунки нон ва ёқилғига навбатга туриш ва нархларнинг кўтарилиб кетиши ҳар қандай ҳукуматни қулатади.
- Қайсидир давлат қайсидир тарафга қарши зўравон чора тадбирларни амалга оширишни хоҳласа. Чунки бу нарса қонуний тарзда амалга оширилиши мумкин эмас. Бундай муҳит ҳукумат учун мухолафатга зарба беришда қўл келади. Гитлер шундай деган эди: (Агар одамлар устидан ҳукмрон бўлишни истасанг, уларга хатар етиши ҳақида хабар бер. Сўнгра уларнинг хавфсизлиги хатар остида эканидан огоҳлантир. Сўнгра мухолафатдагиларни хоинга чиқар ҳамда уларнинг дўстлиги ва ватанпарварлиги ҳақида шубҳа уйғот).
Америка, Россия, Франция ва уларга ўхшаган капиталистик давлатлар жосуслик органларини мана шундай жирканч ишларда ишлатишга моҳир бўлиб кетган. Бизнинг юртларимиздаги ҳукуматлар ҳам ушбу давлатлар билан алоқада бўлар экан, уларнинг услубларидан таъсирланиши табиийдир. Чунки ушбу ҳукуматлар мустамлакачи давлатлар элчихоналарига тўла эркинлик бериб қўйган. Мустамлакачи давлатлар элчихоналари режаларини амалга ошириш учун юртларимизнинг ички ишларига аралашишини таъкидлайдиган кўп баёнотлар берилган.
Портлатиш амалиётларини содир этиш пасткашлик ва қўрқоқлик бўлиб, уларни фақат қалбида касаллиги бўлган кимсалар амалга оширади. Чунки бундай кишилар ўз режаларини фақат одамларни алдаш, чалғитиш, беркитиш ва ўраш орқали амалга ошириш мумкинлигини билишади. Золим режимлар ва уларнинг жирканч органлари амалга оширган жиноятлардан кейин, Ислом Умматининг онгини очган Аллоҳга ҳамдлар бўлсин.
Биз Аллоҳ Таолодан қаерда бўлмасин золимларни шарманда қилишини, ҳақиқатларни очиши ҳамда одамларни уйида-ю сафарларида тинч қилишини сўраймиз. Шунингдек, Исломни тиклайдиган ва шариатини татбиқ қиладиган кучли давлатни тиклаб беришини сўраймиз. Ана ўшанда Пайғамбарлик минҳожи асосидаги рошид Халифалик тикланиши орқали Аллоҳнинг ваъдаси ва Росулининг хушхабари рўёбга чиқади. Шунингдек, террор уяси бўлган Америка, Британия, Франция ва бошқа мустамлакачи давлатлар элчихоналари беркилгач одамлар тинч бўлади. Сўнгра ушбу элчихоналардаги шубҳали кимсалар кузатувга қўйилади.
الَّذِينَ آمَنُواْ وَلَمْ يَلْبِسُواْ إِيمَانَهُم بِظُلْمٍ أُوْلَئِكَ لَهُمُ الأَمْنُ وَهُم مُّهْتَدُونَ
«Имон келтирган, ўз имонларини зулм (ширк) билан аралаштирмаган зотлар — ана ўшалар хотиржам бўлгувчидирлар ва ўшалар ҳидоят топгувчидирлар» [Анъом 82]
Ҳизб ут-Таҳрирнинг Судандаги матбуот бўлими
