Британия бош вазири Дэвид Кэмерон оламшумул молиявий инқироз юзага келганидан 6 йил ўтиб жаҳон иқтисодиётида яна бир бор қизил чироқлар ёна бошлганлигидан огоҳлантирди.
Австралиянинг Брисбане шаҳрида ташкил қилинган “Катта йигирматалик” йиғилишидан олган таассуротларини Британиянинг “The Guardian” газетаси билан ўртоқлашган Кэмерон “жаҳон иқтисодиётининг экранида яна бир бор қизил огоҳлантирувчи чироқлар ёнмоқда”, дея қайд этди.
Кэмероннинг билдиришича, Европа минтақаси ишсизлар сонининг ортиб бориши, ривожланиш даражасининг тубанлашуви, нархларнинг пасайиши каби реал хавф хатар билан бирга учинчи бир касод қирғоғига келиб қолган.
“Иқтисодий тикланишнинг биринчи босқичида гуллаётган иқтисод ҳозирда секинлаб қолди. Юқимли эбола касаллиги, Ўрта шарқдаги нотинчликлар ва Россиянинг Украинадаги ноқонуний ҳаракатлари давом этар экан, дунё миқёсидаги тижорий битимларнинг кечикиши беқарорлик ва мавҳумликнинг таҳликали саҳнасига қўшимча бўлмоқда”, деди Британия бош вазири.
Бир тарафдан Британия иқтисодини кўтариш ҳаракатида давом этаётганини урғулаган Кэмерон “охирги пайтда амалга оширилган ишлар ортидан жуда кўп сонли янги иш ўринлари яратилди. Охирги тўрт йилда 1,75 миллион янги иш ўрни яратилиб катта еттилик давлатлари ичида иқтисоди тез юксалган давлатга айландик”, дея эслатиб ўтди.
Дэвид Кэмерон Британия иқтисоди маъқул тарзда ривожланаётганига қарамай, дунё миқёсидаги битимлар Британиядаги иқтисодий тикланиш учун ҳам хавф туғдиришини таъкидлади. Унинг билдиришича, Европадаги секинлашувнинг таъсирлари ҳозирданоқ импорт ва экспортларда кўрина бошлаган.
Кэмерон Дунё миқёсидаги мавҳумликка қарамай, Британия қарзларини қамайтириш мавзусида жиддий ҳаракат қилишини билдирди.
“Заъфиятимизни камайтириш борасида узоқ муддатли режаларимизни маҳкам тутиб, қўшимча қарз олмай, пул-кредит сиёсатимиз орқали юксалишни қўллашда давом этамиз”, деди Дэвид Кэмерон.
Европа иттифоқи ва АҚШ ўртасида амалга оширилиши режалаштирилган мустақил тижорат битими ҳақида ҳам гапириб ўтган Кэмерон, агар шундай битим тузиладиган бўлса, Британия иқтисодига 10 миллиард фунт стерлингга яқин фойда келтириши мумкинлигини билдирди. Кэмеронга кўра, Европа Иттифоқи ҳеч иккиланмай яна ҳам кўпроқ тижорий битимлар имзолаши керак.
“Янги Еаропа Комиссияси қилинадиган ишлар рўйхатини биринчи ўринга қўйиши лозим. Европа иттифоқининг иқтисодиёти оқсаётган бир пайтда биз ўзимизни четга олиб тура олмаймиз. Австралия, Хитой ва Ҳиндистон билан яна ҳам кўпроқ тижорат битимини имзолашимиз зарур. Яна ҳам кўпроқ давлатларни ҳаммага очиқ мустақил бозор ва мустаққил тижоратдан фойдаланишлари борасида қаноатлантиришимиз лозим” деди Дэвид Кэмерон.
Туркистон:
Дунёни бошқару баланси бузулиб бораяпти. Англияни хавотирга солаётган вазият, янги шаклланиши мумкин бўлган тизимда унинг ўрни қаерда бўлиши мумкинлигида. Албатта бу тизимда Франция ва Германиянинг хам бўлиши аниқ. Лекин улар Россия сингари дунёни иккинчи лагери бўлиб туриб, АҚШ учун мувозанат палласи бўла олишмайди, хатто Хитой хам. АҚШнинг бир томонлама бошқарув системасида эса, Англиянинг қўл остидаги манархиявий мустамлака қилиб бораётган давлатлардаги манфаатларига қарши харакатлар олиб бориш хавфи кучаяди. Шунинг учун Кемерон, ЕИ Россия билан олиб бораётган совуқ урушдан, ўзи учун қанчалар зарар кўришидан огохлантирмоқчи бўлади. У Россияни бира тўла парчаланиб кетишидан рози эмас. Англия Германия каби янги етакчиликка келаётган давлатлардан фарқли, хозирги дунё бошқарув системасини ушлаб қолиш тарафдори. Англиядаги сиёсий доира, халқаро сиёсатдага нисбатан, етакчиликка интилаётган АҚШ ва Россия ўртасидаги мувозанатни пайдо қилиш ва ушлаб туриш асосига қурилган эди. Хозирда бу мувозанат бузулиб бораяпти. Демак халқаро система хам бузилади. Бу эса Англиянинг сиёсий доирасининг хам барбот бўлишига олиб келади. Сиёсатчиларга маълумки сиёсий доира бир неча ўн йилларсиз шаклланиши қийин.
