|
аскарни гарнизонида хорлайдиган бўлиб қолдилар. Ота-оналари қашшоқлиги учун очликдан қийналаётган бу йигитларни хорлайдиган бўлиб қолдилар.
Ҳокимларимиз ҳўлу қуруқни баробар еб ташлайдиган чигирткаларга ўхшаб қолдилар. Хилма-хил «солиқлар» ниқоби остида бирор нарсани қолдирмай шилиб кетадиган бўлиб қолдилар. Мусулмонлар мулкини худди оталаридан қолган меросни ишлатгандай кўнгиллари тусаганча ишлатадиган бўлиб қолдилар. Ҳокимлар қуруқлик, сув, ҳаво портларини эгаси бўлиб қолдилар. Наркотик моддалар ва заҳарлар контрабандаси билан шуғулланувчи шайкаларни бошлиғи бўлиб қолдилар. Биринчи миллиардерлар бизнинг ҳокимларимиз бўлиб қолди.
Илгари қандай эдик? Энди қандай бўлиб қолдик? Бундан ортиқ азизлик бормиди? Бундан ортиқ хорлик борми?
в) Ижтимоий жиҳат.
Биз узоқ замонлар бир давлатнинг бағрида яшадик. Бу давлатда эркак билан аёл ўртасидаги муносабатнинг асоси шундай эди: «Аёл ҳимоя қилиниши вожиб бўлган номусдир». «Аёллар эркакларнинг туғишганларидир». «Аёлга тўртта нарсаси учун уйланилади: молдунёси, насаби, жамоли, дини учун. Сен диндорини танлагин, барака топгур». «Бу дунё фойдаланадиган матолардир. Бу матоларнинг энг яхшиси солиҳа аёлдир». «Бир инсонни бошқа бир инсонга сажда қилишга буюришим мумкин бўлса эди. Аллоҳ эркакларга аёллари устидан кўп ҳақ ҳуқуқ бергани учун хотинларни эрларига сажда қилишга буюрган бўлардим». «Эрини рози қилиб ўлган хотин жаннатга киради». «Хотинларни яхшиликка буюринглар». «Мўмин мўминани ёмон кўрмайди. Уни бир хулқини ёқтирмаса бошқа бир хулқидан рози бўлади». «Кимнинг иккита хотини бўлиб, бирига мойил бўлса қиёмат куни ёноғи оқиб келади». «Исломда маҳрсиз уйланиш йўқ». «Хотинларни баракалиси — маҳри оз бўлганлари». «Кимнинг икки қизи бўлиб, уларни катта қилиб чиройли тарбияласа, улар дўзахдан унга парда бўладилар». «Ҳалоллар ичида Аллоҳ ёқтирмайдигани — талоқдир». «Қайси бир хотин эридан бекордан бекор талоқ сўраса унга жаннат ҳиди ҳаром бўлади».
Илгари эркакни аёлга бўлган муносабатини белгилаб берадиган шунақа қонунларимиз бор эди. Аёл эркакнинг туғишганидир. Аёл нафис вужудки, унга ниҳоятда латофат, меҳр ва муҳаббат билан муомала қилиш лозим. Эркак уйланаётганда унинг жамолига, молдунёсига, насабига эмас, балки динига, хулқига эътибор бериши зарур. Аёл ҳам ўз навбатида эркакни ҳурмат қилиши, итоат қилиши иззат-икром кўрсатиши зарур.
13-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55