АҚШ Хитойни терроризмга (Исломга) қарши фаол рол ўйнашга чақирди
АҚШ Давлат департаментининг Шарқий Осиё ва Тинч океани минтақалари бўйича масъул вазирнинг ёрдамчиси Сьюзан Торнтон АҚШ ва Хитой ўртасидаги дипломатик ва хавфсизлик саммити олдидан Вашингтонда ташкил қилинган учрашувда журналистларга баёнот берди. Масъул ўзининг баёнотида Пекин ҳукуматини терроризмга (Исломга) қарши курашда янада фаол рол ўйнашга чақирди.
Торнтон Хитойнинг Шарқий туркистонлик уйғур мусулмонларига нисбтан амалга ошираётган босимларини инобатга олиб, Пекин ҳукумати терроризмга (Исломга) қарши курашда чекланган суратда рол ўйнаётганлигини даъво қилди. Торнтонга кўра, Хитой АҚШ бошчилигида ташкил қилинган коалицияга ҳам иштирок этиши лозим.
“Хитойнинг шахдам қадамлар билан яна ҳам каттароқ рол ўйнашини истаймиз. Бунда Хитойнинг ҳам манфаатлари бор. Масалан, ИШИДга қарши Ироқда ташкил этилган халқаро коалицияни қўллаб-қувватлаб, кўпроқ ҳисса қўшиши керак”, деди Торнтон.
Торнтоннинг таъкидлашича, АҚШ ва Хитой ўртасидаги бу ҳафта ташкил қилинадиган дипломатик ва хавфсизлик саммитида айнан шу масала муҳокама қилинади.
“Биз уларнинг қўлидан келадиган ишларни кун тартибига келтирамиз. Бизнинг истагимиз самарали учрашув ўтказишдир”, деди Сьюзан Торнтон.
Учрашувга АҚШ ташқи ишлар вазири Рекс Тиллерсон ва АҚШ мудофаа вазири Жим Маттис иштирок этади. Хитой тарафдан эса давлат ташқи ишлар вазири Ян Цзечи ва бош штаб бошқармасининг раиси генерал Фан Фэнхуэй иштирок этади.
