Атамбаев ҳижобга қарши эканлигини яна бир бор ошкор этди
“Аллоҳ” калимасини тилида кўп такрорлайдиган, икки ҳайит намозида биринчи сафни бўшатмайдиган, Қуръони Каримни қўлида ручка билан бир неча бор ўқиб чиққанини айтиб мақтанишни яхши кўрадиган президент Атамбаев ҳеч нарсадан уялмай иффатли муслималарга ва уларнинг ҳижобларига қарши курашишини кундан кунга кучайтириб боряпти.
“Еган оғиз уялар” деганларидек, Атамбаев хориждан олган гранд, ёрдам пулларини оқлаш ва яна олиш илинжида Ислом ва мусулмонларга, хусусан, мусулмон эркаклар учун сақлаш вожиб бўлган муслима аёллар ҳижобига қарши кураши Германия канцлери Ангела Меркел ташрифи арафасида яширин нуқтадан ўтиб, ошкораликни касб қилди. Меркел ташрифи “шарафига илинган “Хайрон элим, қаёққа кетяпмиз?” баннерлари ҳам айнан Атамбаев кўрсатмаси билан бутун мамлакат бўйлаб жойлаштириб чиқилди ва канцлер билан бўлган учрашуви чоғида ҳам унга ёқиш илинжида бу мавзуга алоҳида тўхталиб ўтди. Атамбаевнинг бундан Германия ҳукуматидан имкон қадар кўпроқ маблағ ундириш ва бу орқали кун сайин ночорлашиб бораётган Қирғизистон иқтисоди “йиртиғига ямоқ солиш”ни мақсад қилган эди.
Бугун, 1 август куни Иссиқкўлдаги “Рух Ўрда” комплексида уюштирилган матбуот анжуманида ҳам Атамбаев яна қайта муслима аёллар ҳижобларига қарши фикрларни билдирди.
Атамбаев Қирғизистон фуқароларига қандай кийиниб юришини ҳеч ким тиқиштирмаслиги кераклигини айтиб, динга тўнкаб терроризмга мажбурлаш ўрнига, аёллар калта юбкада юргани яхши эканлигини белгилади.
“Ҳеч ким Қирғизистонга ўз дини, кийими ва фикрларини зўрлаб тиқиштириши керак эмас. Қирғизистонда аёллар 50-йиллардан бери калта юбкада юришади, аммо улардан ҳеч бири “шаҳидлар белбоғи”ни тақмаган ва ҳеч кимни портлатмаган. Хоҳласан аёқ киймингни бошинга кийиб ол, аммо одамларни портлатма”,- деди Атамбаев.
