Элчи Түркиядан “Иймон” фондига 5 млн. доллар сўради
Қирғизистоннинг Туркиядаги элчиси Кубаничбек Омиралиев Туркия президенти хузуридаги дин ишлари бўйича кенгаш раиси Али Элбаш билан учрашувида Туркиядан Қирғизистондаги “Иймон” фонди учун 5 миллион доллар сўради. Бу ҳақда Ташқи ишлар вазирлиги матбуот бўлими хабар қилди.
Бу маблағ “Иймон” фондининг 2019-2022- йиллари Қирғизистондаги диний вазиятни тадқиқ қилиш, мадрасадаги диний таълимни реформа қилиш каби лойиҳаларга ажратилаётган турк грантининг иккинчи транши ҳисобланади.
Элчи Кубаничбек Омуралиевнинг маълум қилишича, 2015-2019-йилларга турк томонидан ажратилган 5 миллион доллар имомларни ўқитиш, уларнинг илмий салоҳиятни ошириш, степендиялар ва Insan.KG ахборот порталини ташкил этиш каби лойиҳаларга сарфланган.
Омуралиев ва Али Эрбаш 10-октябрда учрашган. Учрашувда Али Эрбаш элчи сўраган маблағ Туркия ташқи ишлар вазирлиги билан маслахатлашгач ва президент тасдиқлаганидан сўнг хал қилинишини маълум қилган.
Изоҳ: 2010 йили АҚШнинг ўша вақтдаги президенти Барак Обама конгресс олдида сўзлаган нутқида, “Биз энди исломий мамлакатларда ўз аскарларимизни жонини хавфга қўймаймиз. Энди улар ўз юртларидаги “терроризм” ва “экстремизм”га қарши ва уларнинг хавф хатарларини олдини олиш учун ўз имкониятлари билан ҳаракат олиб боришади. Биз фақат уларга бу ишларига ёрдам кўрсатамиз”, деган эди.
Мустамлакачи капиталистик куфр тузуми Ислом ва мусулмонларни ҳарбий ёки мабдаий жиҳатдан мағлуб эта олмаслигини англаб етгач, ўзининг янги адаштирувчи ва чалғитувчи стратегиясини ишлаб чиқди. АҚШнинг янги стретегиясида Ислом ва мусулмонларга қарши курашда “сопини ўзидан чиқариш” ва мусулмонларни “радикал”, “эстеремист”, “террорист” ва “мўътадил”чиларга ажратиш орқали мусулмонлар бирлашишини олдини олиш ва улар ўртасида доимий келишмовчиликларни пайдо қилишни режалаштирилган.
Бугунги кунда исломий юртларга олиб кирилаётган “Мўътадил ислом” лойиҳаси куфрнинг адаштирувчи лойиҳалари жумласидан бўлиб, бу лойиҳа исломий мамлакатларда шаклланиб бораётган мабдаий исломий мафкурага қарши, ҳокимият вакиллари, хавфсизлик хизматлари, исломий уламолар, исломий жамоалар, муфтиёт, имомлар ва жамоатчилик фаолларини ўзига жалб қилиш асосига қурилган. Бу курашда мустамлакачилар асосий эътборини “мўътадилчи”ларни қўллаб-қувватлашга қаратиб, улар орқали жамоатчиликни ўз таъсирлари остига олишга интилишади.
Мазкур лойиҳага мувофиқ 2014-йили Қирғизистонда “Иймон” фонди ташкил этилди. Мустамлакачи давлатлар ва уларнинг малайлари томонидан молиялаштириб келинаётган “Иймон” фонди Қирғизистонда имомлар учун ўқув курслари ташкил этди ҳамда уларни атестациядан ўтказиш баҳонаси билан куфр лойиҳаларига моил бўлган имомларни ажратиб олди ва уларга махсус стипендиялар тўлай бошлади. Бундан ташқари, “Иймон” фонди қирғиз куч органлари учун махсус ўқув сменарлари уюштириб, уларга Ислом ва мусулмонларга қарши куфр лойиҳаси бўйича кураш олиб боришни ўргатиб келмоқда.
“Иймон” фонди ва шу каби ўзини исломий ташкилот сифатида тақдим қилаётган ташкилотлар куфрга Ислом тўнини кийдириб, уни Исломга мослаштириб беришда Ғарб давлатлари қўлидаги қуролдан бошқа нарса эмас. Уларнинг Ислом ва мусумлонларга бўлган зарари куфрнинг ошкора олиб борадиган курашидан кўпроқ. Шу сабабли ҳам мустамлакачи давлатлар уларни молиялаш улкан маблағларни аямай сарфлашаверади. Биз мусулмонлар бу каби ташкилотлар фитналаридан огоҳ бўлишимиз, улар макрига алданиб қолмаслигимиз зарур.
Абдураҳмон Одилов
