Конституцияга ўзгартиш киритиш Сисийнинг умрбод ҳокимиятда қолишини таъминлайди
Ҳизб ут-Таҳрир – Миср вилояти матбуот бўлими аъзоси
Устоз Саид Фазл қаламига мансуб
2019 йил 14 феврал пайшанба куни Миср парламенти 2014 йил тузилган конституцияга ўзгартиш киритиш тамойилини кўпчилик овоз билан тасдиқлади. Ушбу ўзгартиш ҳозирги президент Абдулфаттоҳ Сисийга президентлик лавозимида 2034 йилга қадар қолиш имкониятига эга бўлиши учун қўшимча президентлик муддатига ўз номзодини қўйиш ҳуқуқини беради. 2034 йилга келиб, конституцияга яна ўзгартиш киритиш мумкин. Айни дамда бу конституция Миср режими матбуот хизмати таъкидлаганидек, Қуръон ҳам эмас, Қуръондан олинган ҳам эмас!
Бу конституцияга ўзгартиш киритиш-киритмаслик аслида биз учун аҳамият касб этмайди. Чунки у ботил устига қурилган ботилдир. Одамлар олдига икки ботил вариантни қўйиб, уларни капиталистик тор вариантларга чеклаш нотўғри бўлиб, ақлга тўғри келмайди. Чунки улар олдида учинчи ҳақиқий вариант мавжуддир. Бу вариант бечора халқларимизга адолат, саховат, фаровонликни таъминлайдиган ҳамда капитализм ва унинг воситалари сабабли йўқотилган барча яхшиликларга кафил бўладиган ҳақиқий вариантдир. Демак, мавжуд бўлган, аммо халқимиз қўлида йўқ ушбу вариант Ислом ва унинг дастури-конституциясидир. Бу дастурнинг ва давлатнинг асоси Ислом ақидасидир ҳамда Пайғамбарлик минҳожи асосидаги рошид Халифалик соясидаги бошқарувдир. Бу шундай бир вариант-танловдирки, ундан бошқа ҳеч қандай вариантга ўрин йўқ. Шундай экан, Уммат нега бу вариантга ҳануз эга эмас?!
Миср парламенти барча моддалари билан ўзгартиш киритишга қарор қилган бу конституция Сисийнинг Миср тахтида умрбод қолишига, давлатнинг барча ҳокимият ва бўғинларини қўлда сақлаб қолишига бағишланган. Кошки бу кимса бу билан ўз дини ва Умматига хизмат қилса эди. Йўқ, билъакс, у Оқ уйдаги хўжайинларига хизмат қилмоқчи. Бунга унинг ўз баёнотларида «терроризм»га (яъни, Исломга) қарши курашишни эслатаётгани ҳамда яқинда Мюнхенда қилган маърузасида «диний маърузаларни ислоҳ этишга чақириб, Европани ибодатлар ролини назорат қилишга тарғиб этгани» мисол бўла олади. (Қудсул арабий, 17 феврал 2019 йил). Маълумки, Сисий «ибодатлар роли», деганда масжидларни назарда тутяпти, Уммат ва унинг муқаддас даргоҳларини ҳимоя қилувчи давлат мавжуд бўлмаган бир пайтда, у масжидларимиздан бошқа ибодатхоналарга ҳамда Ислом ва мусулмонлардан бошқа диндорларга журъат қилолмайди.
Капитализм ҳукмронлиги остида бундай конституцион ўзгартишлар янги бир Фиръавнни, Ислом ва мусулмонлар душмани бўлмиш янги Мустафо Камолни келтириб чиқармоқда. Хусусан, у мана шундай сифатларга эга бўлаётган ва мустамлакачи кофир Ғарб қучоғига ўзини отиб, унинг истакларини зиёдаси билан бажараётган бир пайтда шундай бўлади. Бундан ташқари, Сисий конституция ва демократик принципларни ҳамда фуқаролик давлатини мудофаа қилиш вазифасини армияга, яъни, америкапараст ҳарбий кенгаш қўмондонларига топширди. Бу шуни англатадики, у мудофаа ва кафолатни Америка малайлари қўлига топширмоқда, уларга Миср ва унинг вужудини эмас, балки ўзи татбиқ қилаётган капиталистик тузумни мудофаа қилишни юкламоқда. Чунки Мисрнинг Америкага тобелигини сақлаб турувчи ҳам, айни тобеликдан қутилишига тўсқинлик қилувчи ҳам мана шу капиталистик тузумдир. Сисий Исломсиз тобеликдан ҳаргиз қутила олмаслигини, Ғарб ва унинг фикрларию цивилизациясини мағлуб этишга қодир ягона альтернатив фақат Ислом тузуми эканини яхши билади. Билгани учун ҳам Исломни Миср аҳли қалбидан ўчириб юборишга ҳаракат қиляпти, ёлғон даъволар қиляпти. Масалан, айни Мюнхен конференциясида Сисий ўттиз миллион мисрлик диний давлатга қарши чиқди, дея қаллобларча баёнот берди. Бу билан у Мурсий бошқарган йилга ишора қилмоқда. Ваҳоланки, Мурсий ҳеч бир куч-структурасиз ва давлатда бирор амалий ҳокимиятсиз ҳукм юритган. У Ислом низоми билан эмас, капиталистик низом билан бошқарган. Мурсийнинг муваффақиятсизлиги, капитализмнинг муваффақиятсизлиги рўйхатига қўшимча қўшди, анави қаллоб кимсанинг ёлғончилигини исботлади. Чунки Миср аҳлининг Ихвонул Муслиминни танлаши Ихвон шиор қилиб кўтариб чиққан Исломни танлашдир. Сисийнинг биринчи ва иккинчи тур сайловларида эса, Ихвондагиларнинг ўзлари кўринишмади… Ҳатто режим Сисийга қарши ҳақиқий рақиб чиқиб қолишидан қўрқиб одамларга жарималар билан таҳдид қилганида ҳам, одамларни тўплаб келиб овоз беришга мажбурлаганида ҳам улар кўринишмади. Сисий бу режимни сақлаб қолишни малай қўмондонлардан иборат армия билан кафолатламоқда, қачон тахтда омади чопмай қолгудек бўлса, худди илгари қилгани каби, юртни қайта Америка чангали остига киритиб қўймоқчи.
Фақат хавфсизлик кучлари билан бошқарилувчи бундай давлатда ҳар нарсани кутиш мумкин. Чунки ҳеч бир мухолафатчи режим бошчиси истагига зид оғиз очолмайди, ҳатто собиқ вафодор кўппакларидан бўлса ҳам. Барчамиз бутун ахборот жарчиларининг режим башарасини чиройли қилиб кўрсатиш учун дунёни бошларига кўтариб жар солишаётганига гувоҳ бўлдик, ҳатто Сисийнинг умрбод бошқарувини талаб қилган кимсаларни ҳам кўрдик, гўё Мисрда ундан бошқа кимса йўқдек! Зотан, биз Сисий шахсига эмас, балки у ҳукм юритаётган капиталистик тузумга, бу тузумнинг конституцияси ва ўзгартишларига эътироз билдирмоқдамиз. Чунки бу тузумга рози бўлиш гуноҳдир, унга «йўқ», дея овоз бериш ҳам жоиз эмас. Чунки бундай масхарабозликда умуман иштирок этиб бўлмайди.
Ушбу Кинона Мисри аҳли шуни англаб етиши лозимки, ўзларига дастур бўлмоғи шарт бўлган ҳақиқий конституция Ҳизб ут-Таҳрир тақдим этаётган дастур бўлиб, унинг ҳам, унинг давлатининг ҳам асоси мусаффо Ислом ақидасидир. Бу дастур одил давлатга асосдир. Зотан, Кинона аҳли мана шу давлатни истамоқдалар ҳамда унинг барпо этилишини интиқлик билан хоҳлаб, исломий ҳаракатлар сафига қўшилмоқдалар. Зеро, Кинона аҳли аҳволини яхшилайдиган, ҳурмат-иззатларини ва йўқотган фаровон ҳаётларини қайта тиклайдиган давлат мана шу Пайғамбарлик минҳожи асосидаги рошид Халифалик давлатидир. Бундан ташқари, Халифалик давлати Ғарбга тобелик йилларига якун ясаб, тобеликнинг барча кўриниш ва шакллари, малайларию гумашталарини данак каби туфлаб ташлайди. Бунинг учун эса, Кинона армияси каби армия керак. Шу армиягина Ғарб ва унинг малайлари билан бўлган ўртадаги арқонни чопиб, узиб ташлайди ва қайтадан Аллоҳ ва унинг дўстлари билан мустаҳкам арқон боғлайди, бутун итоатини Аллоҳга беради, унинг ҳарбий доктринаси Ислом ақидаси бўлади, аскарлари эса – худди, ансорийлар иккинчи Ақаба байъатида Аллоҳ ва Росулига нусрат байъати берганлари каби – халифага байъат беради. Бу байъат Аллоҳ ва Росулига нусрат бериш байъати бўлиб, унинг асосида худди Пайғамбар алайҳиссалом ва у кишининг саҳобалари татбиқ қилгандек Исломни татбиқ қиладиган ҳамда бутун мусулмон юртларини мустамлакачилар ва уларнинг малайларидан озод этиб, мустамлакачилик чегараларини бузиб ташлайдиган, инсонлар миясидан чегара, деган нарсани ўчириб ташлайдиган давлат барпо бўлади. Ана шунда барча юртларимиз бизга ваъда қилингани каби ва Пайғамбарлик минҳожи асосидаги рошид Халифаликда бўлиши керак бўлгани каби битта халифа томонидан қайта бошқарилади.
Аллоҳим, Мисрда бизга Халифаликни тезроқ ато эт, барчамизни унинг аскарларидан ва гувоҳларидан қил.
يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ
«Эй мўминлар, Аллоҳ ва Росули сизни абадий ҳаёт берадиган нарсага даъват қилар экан, уни қабул қилинглар. Билингларки, Аллоҳ киши билан унинг қалби ўртасини эгаллаб турур ва албатта Унинг олдига тўпланурсизлар» [Анфол 24]
Роя газетаси сайтидан олинди
